Wuj Richin Bix Chire ri Dios 51:10 - Kaqchiquel Bible

¹⁰ Nu-Dios yin, tabana' chi ri wánima kan ta ch'ajch'oj. Taya' ri rayibel wik'in, richin man yatinmalij ta kan.

Wuj Richin Bix Chire ri Dios 51:10 ပူးပေါင်းရင်းမြစ်များ

Ez 11:19

Y chupan ri q'ij ri', xtinjel k'a ri ibanik y kan xtinya' k'a jun k'ak'a' iwánima. Ri iwánima ri kan achi'el abej rubanon-pe, xtinwelesaj k'a el y xtinya' chik jun chiwe ri kan jebel ch'uch'uj.

2 Corintios 5:17

Kan xabachike k'a wineq ri rukuquban chik ruk'u'x rik'in ri Cristo, kan xok yan jun k'ak'a' wineq. Ronojel ri richin ojer xa xekanej yan kan, y wakami ronojel chik k'ak'a'.

San Mateo 5:8

Jebel ruwa-kiq'ij ri ch'ajch'oj kánima, roma rije' kan xtikitz'et ruwech ri Dios.

Ez 18:31

Kan tijech'ej k'a iwi' chire ronojel etzelal ri ibanon chinuwech yin, kan rik'in k'a ronojel iwánima tijala' ri ik'aslen. ¿Achike ta k'a roma niwajo' yixken rix ri ix rijatzul kan ri Israel?

Romanos 12:2

Man titzeqelibej ri kik'aslen ri winaqi' ri k'a kikuquban na kik'u'x rik'in re ruwach'ulew. Xa kan tiya' q'ij chire ri Dios richin nujel ri ich'obonik, richin keri' kan tijalatej k'a chuqa' rubanik ri ik'aslen. Y keri' xtiwetamaj ri achike nrajo' ri Dios chi niqaben. Ri nrajo' rija': Ja ri utz, ri jebel y ri choj.

Hechos 15:9

Kan man jun qakojol xuben. Rije' kan xkikuquba' kik'u'x rik'in ri Jesucristo. Roma ri' toq ri Dios xuch'ajch'ojirisaj ri kánima.

Tito 3:5

rija' xojrukol k'a pe chupan ri qamak. Man roma ta yalan choj ri k'aslen qak'uan toq xojrukol-pe, xa kan roma xujoyowaj qawech. Roma ri rusamaj ri Loq'olej Espíritu, xuch'ej ri qánima, xojruch'ajch'ojirisaj y xuya' jun k'ak'a' k'aslen chiqe.

1 Pedro 1:22

Y toq xinimaj ri qitzij, kan xch'ajch'ojir ri ik'aslen richin nik'oje' qitzij ajowabel iwik'in chike ri ch'aqa' chik. Wakami kan janila k'a tiwajo-iwi' rik'in ronojel iwánima y rik'in ruch'ajch'ojil.

Wuj Richin ri Jeremías 32:39

Xtinben k'a chike richin xtinjel ri kánima y ri kich'obonik richin nikiya' nuq'ij richin jantape' y keri' xkek'ase' k'a el chi utzil; rije' y ri kalk'ual chik rije'.

Wuj Richin Etamabel-Tzij 20:9

¿Kan nitikir kami nubij ri wineq? Yin kan nuchajin-wi' y roma ri' ri wánima kan ch'ajch'oj. ¿Y kan nitikir ta kami chuqa' nubij? Yin kan in ch'ajch'oj y man jun mak k'o ri pa nuk'aslen.

Wuj Richin Bix Chire ri Dios 24:4

Xa kan xaxe k'a ri ch'ajch'oj kibanobal y ch'ajch'oj kánima, ri man kikuquban ta kik'u'x rik'in ri wachibel, ni man jun q'olonik nikiben.

Colosenses 3:10

Wakami jun k'ak'a' k'aslen ik'uan. Y ri Dios nuben k'a chiwe richin chi yixok más achi'el rija', richin niwetamaj más ruwech.

Efesios 2:10

Ja ri Dios xbanon qichin roj, y xuben chiqe chi junan qawech rik'in ri Cristo, richin niqaben banobel ri kan e utz, roma jari' ri runaban-pe chiqe ojer yan ri' richin niqaben.

1 Corintios 15:58

Y roma ri', wach'alal ri janila yixinwajo', ninbij k'a chiwe chi kan kow kixk'oje', y man tiya' kan. Kan beneq k'a ruwech tibana' ri rusamaj ri ajaw, y jebel tibana' chire, roma ronojel ri niben roma rija', kan k'o-wi utz ri nuk'en-pe chiwe.

Wuj Richin Bix Chire ri Dios 73:1

Kan qitzij wi chi ri Dios kan janila utz rik'in ri rutinamit Israel, kik'in ri ch'ajch'oj kánima chuwech rija'.

Santiago 1:8

Roma wi xa ka'i' ik'u'x toq nik'utuj chire ri Dios, niq'alajin chi xa ka'i' chuqa' ik'u'x iwik'in-qa rix chupan ronojel ri ik'aslen.

Wuj Richin Bix Chire ri Dios 78:8

Richin keri' man tikiben achi'el ri xkiben ri kite-kitata' rije', ri xa kan xaxe ri yakatajinenri'il ri xkiben y man ja ta ri xubij ri Dios chike. Rije' xa kan man xkijeq ta ri kánima chuwech ri Dios ni man xkiben ta ri xkisuj chire ri Dios.

Wuj Richin Bix Chire ri Dios 78:37

Roma ri kánima xa man choj ta chuwech rija', ni man xkitaqej ta ri kich'abel.

Wuj Richin ri Jeremías 13:27

Kan nutz'eton ri itzel irayibel, achi'el nikiben ri achi'a' y ri ixoqi' ri nikikanola-ki' richin yemakun, kan nutz'eton k'a ri ruk'ixbilal ri ik'aslen, ri itzel taq ibanobal ri niben pa ruwi' ko'ol taq juyu' y pa taq juyu'. Roma ri' toq'ex iwech rix aj-Jerusalem ¿K'a janipe' k'a nich'ajch'ojirisaj-iwi'?, xcha' ri Jehová.

Ez 36:37

Yin Jehová ri ink'o pa ruwi' ronojel ninbij chi xtinben ri achike ri xtikik'utuj ri nuwinaq israelita. Kan xtinben chike chi xkewinaqir achi'el ri kajlabal ri karne'l

Hechos 11:23

Toq ri Bernabé xapon, xutz'et k'a chi ri Dios kan ruya'on-wi k'a ruq'a' pa ruwi' ri kisamaj ri qach'alal. Roma ri' janila xkikot ránima ri Bernabé, y xubij k'a chike konojel chi kan tikuqer kik'u'x rik'in ri ajaw Jesucristo, y chi kan rik'in ronojel kánima kek'oje' rik'in.

Wuj Richin ri Josúe 14:14

Kan chupan k'a ri q'ij ri' ri Caleb xrichinaj kan ri tinamit Hebrón, roma kan xutaqej ronojel ri xbix chire roma ri Jehová ri ki-Dios ri israelita.

Wuj Richin Bix Chire ri Dios 35:10

K'ari' xkisik'in rik'in ronojel wuchuq'a' chi maneq chik jun Dios achi'el rat, roma kan ye'akol ri ek'o pa ruk'ayewal, chikiwech ri kan k'o kuchuq'a'. Y kan ye'ato' k'a ri k'o nik'atzin chike, chikiwech ri ye'eleq'an kik'in.