Wuj Richin Bix Chire ri Dios 50:23 - Kaqchiquel Bible

²³ Ri sipanik ri niqa' chinuwech, ja ri matioxinik ri nipe pan iwánima. Y wi rix choj xkixbiyin chinuwech yin, kan xkixinkol k'a.

Wuj Richin Bix Chire ri Dios 50:23 ပူးပေါင်းရင်းမြစ်များ

Wuj Richin Bix Chire ri Dios 91:16

Xtinya' k'a k'iy q'ij ruk'aslen chuwech re ruwach'ulew. Y kan xtink'ut k'a chuwech ri kolotajik ri ninya'.

Wuj Richin Bix Chire ri Dios 86:12

Kan rik'in ronojel wánima xtinbixaj ri abi' Jehová, nu-Dios yin. Kan xtinnimirisaj k'a aq'ij tibe-q'ij tibe-seq.

Santiago 3:13

Wach'alal, wi ek'o chi'ikojol ri kan k'o kina'oj y k'o etamabel kik'in, kan ruk'amon chi nikik'ut chupan ri kik'aslen y rik'in ri utzilej taq kibanobal. Y re' k'o chi nuben rik'in qasanri'il.

Romanos 12:1

Wach'alal, roma janila nim ri rutzil ri Dios ri rubanon qik'in, achi'el ri k'a juba' tiqanataj-qa, nink'utuj utzil chiwe chi tijacha' ri ik'aslen pa ruq'a' rija', achi'el jun kamelabel ri kan k'es, loq'olej y kan niqa' chuwech ri Dios. Keri' nik'atzin richin niya' ruq'ij.

Wuj Richin Bix Chire ri Dios 25:14

Rat kan junan k'a awech kik'in ri nikinimaj atzij, y kan najikiba' chik jun bey ri asujun.

Wuj Richin ri Isaías 12:2

Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

Hechos 13:26

Rix nuwinaq judío, ri kan oj rijatzul kan ri qatata' Abraham, y rix ri man ix judío ta, ri kan niya' ruq'ij ri Dios, ninbij k'a chiwe chi ri ruch'abel ri Dios, ri kan nich'on k'a chirij ri kolotajik, kan qichin k'a roj ya'on-pe.

Filipenses 1:27

Wakami k'a, ruk'amon chi rix tik'uaj jun k'aslen utz achi'el nubij ri ruch'abel ri Cristo. Wi xkinapon chik iwik'in, kan keri' ta ri ik'aslen xtinbenwila', y wi man xkinapon ta, xtinwak'axaj ta k'a chiwij, chi kan kuqul ik'u'x rik'in ri Cristo, chi xa jun ta iwech ibanon, y kan ta ito'on-iwi' richin itzeqeliben ri utzilej ch'abel richin kolotajik.

San Juan 7:17

Ri wineq ri kan k'o rayibel rik'in richin nuben ri nrajo' ri Dios, ri wineq ri' kan xtretamaj k'a wi ri tijonik ri ninya' yin, kan rik'in ri Dios peteneq-wi o xa nuyon nutz'ukun-el.

San Lucas 2:30

Ri runaq'-nuwech xkitzu' yan k'a kan ri kolotajik ri peteneq awik'in rat,

Wuj Richin Bix Chire ri Dios 85:13

Rija' nuteq-pe nabey ri ruchojmilal, y nuya' jun retal richin roj niqatzeqelibej.

Gálatas 1:24

Y ri qach'alal ri', kan xkiya' k'a ruq'ij-ruk'ojlen ri Dios roma xkak'axaj chi yin jalatajineq chik nuk'aslen.

Wuj Richin Bix Chire ri Dios 86:9

Konojel tzobaj winaqi' ri xe'aben, xkepe chawech y xtikiya' aq'ij rat ajaw. ¡Kan xtikinimirisaj k'a ri abi'!

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

1 Pedro 1:15

Pa ruk'exel ri', rix kixok loq'olej rik'in ronojel ri niben, roma rija' ri xoyon iwichin kan loq'olej-wi.

Gálatas 6:16

Rix ri yixbiyin achi'el nubij re ch'abel re', kan xtik'oje' ta k'a uxlanibel-k'u'x pa taq iwánima. Y kan xtijoyowex k'a chuqa' iwech roma ri Dios, roma rix kan ix rutinamit-wi ri Dios.

Romanos 15:9

Y xpe chuqa' richin chi ri man e judío ta nikiya' ruq'ij-ruk'ojlen ri Dios roma ri rutzil. Toqaqa chi'ik'u'x ri nubij chupan ri ruch'abel ri Dios, ri tz'ibatel kan:*f52* Roma ri' yin kan xtinya' ruq'ij chikikojol ri winaqi' ri man nikitzeqelibej ta rija'. Y roma ri' kan xtinbixaj k'a ri rubi', nicha'.

Romanos 15:6

Y keri', jantape' ta k'a junan iwech niya' ruq'ij-ruk'ojlen ri Dios ri rutata' ri qajaw Jesucristo.

Wuj Richin Bix Chire ri Dios 85:9

Kan qitzij na wi chi ri Jehová kan naqaj k'o-wi chike ri k'o rukiy rija' chikiwech; kan yeruto' richin chi ri ruk'ojlemal jantape' k'o chupan ri qaruwach'ulew.

Hechos 11:14

Y ja rija' k'a ri xtibin chawe achike rubanik xtaben, richin keri' yakolotej rat y ri e aj pan awachoch, xuche'ex kan roma ri ángel.

Wuj Richin ri Isaías 45:17

Jak'a roj ri atinamit kan xqojkolotej kan richin jantape'. Y man jun bey chik xqojk'ixbitej, ni man xtiqasex ta chik qaq'ij.

Wuj Richin Bix Chire ri Dios 27:6

Keri', kan xkitikir xkench'ek ri e etzelanel wichin. Kan xtinsuj k'a sipanik chire rik'in raqoj-chi'ij y kikoten. Xkibixan y kan ja ri rubi' ri Jehová ri xtinbixaj.

Wuj Richin Bix Chire ri Dios 22:23

Rix nuwinaq ri k'o rukiy ri Jehová chiwech, kan tiya' k'a ruq'ij.

Wuj Richin ri Isaías 49:6

Y roma ri' ri Jehová nubij: Man jun rejqalen richin chi rix xaxe ye'imol kichi' ri juba' chike ri iwinaq ri ek'o kan. Jak'a yin kan xtinben chiwe chi xkixok jun saqil kichin ri ch'aqa' chik winaqi' richin ri ruwach'ulew, richin chi rix xkixk'amon-pe ri kolotajik chike chijun ri ruwach'ulew.

Wuj Richin Bix Chire ri Dios 34:5

Roma ri nikikanoj ri Jehová; kan man jun bey k'a e k'ixbitajineq.

Wuj Richin Bix Chire ri Dios 120:1

Toq yin xik'oje' chupan ri tijoj-poqonal, kan xich'on rik'in ri Jehová. Rija' kan xirak'axaj k'a chire ri nuch'owen.