Wuj Richin Bix Chire ri Dios 50:22 - Kaqchiquel Bible

²² Chi'iwonojel ri imestan kan ri Dios, tiq'ax k'a chiwech wakami; man xa xkixink'ajij y kan man jun k'a xkixkolon pa nuq'a'.

Wuj Richin Bix Chire ri Dios 50:22 ပူးပေါင်းရင်းမြစ်များ

Wuj Richin ri Achin Job 8:13

Kan keri' k'a nikik'uluwachij ri winaqi' ri nikimestaj kan ri Dios; ri kan maneq-wi Dios chikiwech kan man jun chik utz ri xtikoyobej-apo;

Wuj Richin Bix Chire ri Dios 9:17

Ri e banoy taq etzelal xa xke'apon chupan ri jul richin muqbel, ri maneq Dios chikiwech xa chupan k'a ri tojbel-mak xkebe-wi.

Os 4:6

Ri nutinamit maneq etamabel rik'in roma ri' xk'is, roma rix sacerdote ximalij kan ri etamabel; Yin chuqa' xa xtinwelesaj chiwe ri samaj richin sacerdote. Roma kan ximestaj kan ri pixa' ri xinya' chiwe. Yin chuqa' kan xkenmalij kan ri iwijatzul.

Wuj Richin Bix Chire ri Dios 7:2

Roma rik'in juba' nikelesaj ri nuk'aslen y xkinkiwech' achi'el nuben jun koj, y kan man jun xkikolon pa kiq'a'.

Os 13:8

Kan xkiqaqa k'a pan awi' achi'el jun ixoq oso ri ek'o taq ral y yakatajineq royowal roma e majon kan chuwech. Xtinwech' k'a ri awánima, kan xkatink'is k'a jumul achi'el nuben ri koj.

Wuj Richin ri Jeremías 2:32

¿Kan numestaj kami jun xten, ri ruwi' ruxikin, ri retz'aba'l ruwi-ruq'a', ri richinaj y ronojel ri nukusaj? o ri xten ri nibek'ule' yan ¿Numestaj kami ri ruwiqobal richin ri ruk'ulubik? Jak'a rix ri nutinamit, kan k'o yan chik k'iy q'ij ri in imestan kan.

Deut 32:18

Rix winaqi' israelita xa xiya' kan ri nimalej abej ri akuchi xiwil-wi to'onik, y ja nimalej abej ri', ri xixkolon. Rix xa ximestaj kan ri Jehová ri xya'on ik'aslen.

Am 2:14

Stape' janila ye'anin man xkekolotej ta kan chuwech ri ruk'ayewal. Ri k'o janila ruchuq'a' xa man xtik'oje' ta chik uchuq'a' rik'in. Y ri más utz chikikojol ri aj-labal man xtitikir ta xtukol-ri'.

Wuj Richin ri Isaías 51:13

Rix xa kan xinimestaj yin Jehová ri xibanon iwichin. Ja yin ri xirik'o ruwech ri kaj, y xinben ri ruxe' ri ruwach'ulew. ¿Achike k'a roma ronojel mul nixibij iwi' chikiwech ri yetz'ilo iwichin? ¿Y akuchi ek'o-wi rije' wakami?

Wuj Richin Bix Chire ri Dios 10:4

Roma nim nuna-ri', kan man yarukanoj ta rat, kan man yarunataj ta k'a chupan ronojel ri nuch'ob.

2 Sam 22:42

Xkik'utuj k'a kito'ik, jak'a man jun xto'on kichin. Kan xkoyoj k'a chuqa' ri Jehová, jak'a rija' man xerak'axaj ta.

San Lucas 15:17

Y re ala' re', k'ari' xtzolin-pe ruk'u'x, y xuch'ob-qa: Konojel ri e rusamajela' ri nata' man nikitej ta wayjal, roma k'o k'iy kiway. Jak'a yin yiken yan qa roma wayjal wawe'.

Wuj Richin ri Hageo 1:5

Roma ri' yin Jehová ri k'o ronojel uchuq'a' wik'in ninbij: Tich'obo' jebel wi utz ri yixajin chubanik.

Ez 18:28

Wi xunojij y xutz'et jebel ri itzel ri najin chubanik y chirij ri' kan man nuben ta chik y ronojel ri nuben xa pa ruchojmilal, kan qitzij wi chi rija' xtik'ase' y man xtinwelesaj ta ri ruk'aslen.

Wuj Richin ri Miqueas 5:8

Keri' chuqa' ri xkekolotej kan chire ri qawinaq, ri kitalun-ki', xkeyakatej chikij ri e etzelanel kichin achi'el jun koj ri niyakatej chikij ri chikopi' ri ek'o pa k'echelaj. Xkekik'is achi'el jun koj ri yeruwech' ri q'ataj karne'l, y kan yeruk'is konojel. Y kan man jun xtitikir xtuto-ri' chuwech.

Os 5:14

Yin kan xkiyakatej k'a chirij ri Israel, achi'el toq niyakatej royowal jun koj. Xkiyakatej chuqa' chikij ri aj-Judá achi'el nuben jun alaj koj. Kan jak'a yin xkiwulan kichin, chirij ri' kan xkitzolej k'a; xkenchop k'a y man jun xkekolon pa nuq'a'.

Wuj Richin ri Molojri'il 7:14

Toq kan ronojel utz eleneq chawech o toq ronojel xa man utz ta nel chawech, kan toqaqa chi'ak'u'x chi ja ri Dios niya'on-pe ri utz y ri man utz ta, y chi ri wineq man nretamaj yan ta ri achike ri peteneq chuwech-apo.

Deut 32:39

Titz'eta' k'a wakami, xaxe k'a ri Jehová ri qitzij Dios. Ja rija' ri nelesan ri k'aslen y rija' niya'on k'aslen; rija' ri nisokon iwichin rik'in ri ruk'ayewal y ja rija' naq'oman iwichin, Y man jun xkixkolon pa ruq'a'.

Wuj Richin ri Achin Job 10:7

Stape' rat kan jebel awetaman chi yin kan man in aj-mak ta, man rik'in ri' kan pan aq'a' ink'o-wi, y man jun ri xtitikir xtikolon wichin.

Wuj Richin Bix Chire ri Dios 9:18

Ri Dios kan man yerumestaj ta ri k'o nik'atzin chike, ri oyobenri'il kichin ri ek'o pa meba'il, kan man xtik'is ta qa.