Wuj Richin Bix Chire ri Dios 50:21 - Kaqchiquel Bible

²¹ Ja ronojel re' ri abanobal y yin kan man jun nubin. Roma ri', rat kan ach'obon k'a chi yin in junan awik'in rat. Wakami k'a xkatinch'olij, y xtinq'alajirisaj chawe ronojel ri abanobal.

Wuj Richin Bix Chire ri Dios 50:21 ပူးပေါင်းရင်းမြစ်များ

Wuj Richin ri Isaías 57:11

¿Achike k'a dios ri' ri achoq chuwech más nixibij-iwi' richin niya' ruq'ij? Roma ri' kan xinimalij kan yin jumul. Xinimestaj kan yin, y man yinoqaqa ta chik chi'ik'u'x. Toq rix man niya' ta nuq'ij, yin kan man jun ninbij, y ninben chi man yixintz'et ta.

Wuj Richin Etamabel-Tzij 29:1

Ri wineq banoy richin etzelal, ri kan man nuqasaj ta ri', kan pa jun ti ramaj xtiya'ox-pe ri kamik pa ruwi' y man jun chik ri xtikolon richin.

Wuj Richin Bix Chire ri Dios 90:8

Ri qamak kan ronojel k'a natz'et-pe. Ri itzel taq qabanobal, kan ronojel k'a tik'il chawech rat.

1 Corintios 4:5

Roma ri' rix man kixnabeyej yan chuq'atik tzij. Nik'atzin chi tiwoyobej na ri q'ij toq xtipe chik jun bey ri Cristo Jesús. Rija' kan xkerelesaj-pe chuwa-saqil ri banobel ri man yeq'alajin ta y xkeruq'alajirisaj-pe ri achike k'o pa taq qánima. Y ri Dios jari' toq xtubij chiqe chiqajujunal roj chi utz ri xeqabanala'.

Wuj Richin ri Isaías 42:14

Ri Jehová nubij: Kan janila k'iy q'ij ri man jun xinbij. Kan nuq'aton-wi' richin man yiq'ajan ta. Jak'a re wakami kan xkijilon, achi'el nuben jun ixoq toq nralaj jun ti ral, y k'ayew nujiq'aj ruxla'.

Wuj Richin ri Molojri'il 12:14

Ri Dios kan k'o k'a jun q'ij toq xtuq'et-tzij pa ruwi' ronojel banobel, chi tz'etel y man tz'etel ta, chi utz y man utz ta.

Wuj Richin Bix Chire ri Dios 50:3

Ri qa-Dios nipe k'a rik'in nimalej rutzijol. Chuwech rija' peteneq jun q'aq' ri kan nuk'is ronojel. Y pa runik'ajal jun nimalej kaq'iq', chiri' peteneq-wi rija',

Am 8:7

Ri Jehová, ri qa-Dios roj israelita, xuya' rutzij pa rubi' rija', chi man jun bey xtumestaj ri itzel taq ibanobal ri xe'iben.

Wuj Richin Bix Chire ri Dios 73:11

Kan nikibij k'a chi ri Dios man nretamaj ta ri nikiben rije', y chi man jun bey xtunabej.

Apocalipsis 3:19

Yin kan yench'olij y yenpixabaj ri yenwajo'. Roma ri' rix kan rik'in k'a ronojel iwánima titzolej chik pe ik'u'x wik'in y tiya' kan ronojel ri imak.

Wuj Richin ri Isaías 26:10

Stape' rat nak'ut ri ajowabel chikiwech ri winaqi' ri itzel kik'aslen, rije' kan man xtiketamaj ta xkebiyin pa ruchojmilal. Stape' kan pa ruchojmilal xtiban kik'in, rije' xa kan nikiben etzelal, y xa kan pa rubanik nikiben chi man nikitz'et ta chi rat Jehová kan k'o-wi aq'ij.

2 Pedro 3:9

Ri ajaw man jani nipe. Jak'a man roma ta man nuben ta ri rubin. Rija' xa k'a nim na ri ránima qik'in, y man nrajo' ta k'a chi k'o ta jun ri nisach richin jantape'. Y roma ri' kan k'a ruya'on na q'ij chike ri aj-maki' richin nitzolin-pe kik'u'x rik'in.

Wuj Richin ri Q'axanri'il 23:19

Ri Dios man junan ta rubanik rik'in jun achin y nutz'uk ta tzij, rija' man wineq ta richin chi nujel ruch'obonik. Ronojel ri nusuj rija', kan nuben-wi. Toq nich'on k'a rija', kan nibanatej-wi.

Ex 3:14

K'ari' ri Dios xubij chire ri Moisés: JA YIN RI' RI KAN JANTAPE' INK'O. Y xubij chuqa': Keri' xtabij chike ri awinaq: RI JANTAPE' INK'O, jari' ri in taqayon-pe iwik'in rix, xtabij, xcha' ri Dios chire ri Moisés.

Wuj Richin Bix Chire ri Dios 50:8

Man yixinch'olij ta roma ri isipanik, ni man roma ta ri chikopi' ri ye'iporoj jumul, ri jantape' ek'o chinuwech yin.

Wuj Richin ri Achin Job 34:33

Rat, Job, nawajo' chi ri Dios nuya' rutojbalil chawe achi'el ri nawajo' rat, y rat xa man nawajo' ta nitzolin-pe ak'u'x. Y roma kan ja rat ri nawajo' yabin ri achike ri nawajo', y man ja ta yin. Tabij k'a pe chiqe ri nach'ob.

Wuj Richin ri Jeremías 2:23

¿Achi'el toq nibij chi man ix tz'ilobitajineq ta, ni man jun bey xitzeqelibej ch'aqa' chik dios? Toqaqa chi'ik'u'x ri ibanobal ri xiben chiri' pa taq'aj kojol juyu'.*f2* Toqaqa k'a jebel chi'ik'u'x ri achike ri e ibanalon. Rix xa kan xitzeqelibej achi'el nuben jun ixoq camello ri nibujuj richin nukanoj jun achij y xabakuchi nibe-wi.