Wuj Richin Bix Chire ri Dios 50:20 - Kaqchiquel Bible

²⁰ Ach'obon k'a richin yach'on itzel chirij ri awach'alal. Natz'uk tzij chirij ri xa junan ate' rik'in.

Wuj Richin Bix Chire ri Dios 50:20 ပူးပေါင်းရင်းမြစ်များ

San Mateo 10:21

Xtapon k'a ri q'ij, chi wi ek'o ta e ka'i' kach'alal-ki'; jun chike rije' xtiyakatej y xtujech ri rach'alal pa kamik. Chuqa' ek'o tata'aj ri xkeyakatej chikij ri kalk'ual. Y ri alk'ualaxela' xkeyakatej chuqa' chikij ri kite-kitata' y xkekijech pa kamik.

Wuj Richin Etamabel-Tzij 10:18

Ri nrewaj chi itzel nuna' chire jun chik wineq, xa ka'i' rupalej, ri kan chi'anin nuq'alajirisaj-apo ri nuna', xa maneq runa'oj.

Wuj Richin ri Chojmirisabelri'il 19:16

Man k'a tikamuluj-tzij chi'ikojol rix: man k'a tiyoj-iwi' kik'in ri yekamisan kichin ri iwinaq. Yin Jehová ri yibin.

Apocalipsis 12:10

Y jari' toq yin Juan xinwak'axaj k'a chi ri chila' chikaj k'o k'a jun ri nich'on y rik'in uchuq'a' nubij: Xoqaqa yan ri kolotajik, xoqaqa yan ri ajawaren y ri uchuq'a' richin ri qa-Dios. Keri' chuqa' xoqaqa yan ri ruq'atbel-tzij ri Cristo. Roma xk'aq yan el ri nosujun kichin ri qach'alal chuwech ri Dios chi paq'ij chi chaq'a'.

San Mateo 5:11

Jebel ruwa-iq'ij rix, toq xkixyoq', xkixtzeqelibex y xtitz'uk-tzij chiwij woma yin.

Wuj Richin Bix Chire ri Dios 31:18

Kan ketane' k'a qa ri e tz'ukuy taq tzij, roma rije' yech'on rik'in janila nimirisanen, y kan janila k'a itzel yech'on chirij ri choj ruk'aslen.

Tito 2:3

Ke'atijoj chuqa' ri rijita'q taq ixoqi' chi nikik'uaj ta jun utzilej k'aslen ri niqa' chuwech ri Dios. Man ta e yakol-tzij chikij winaqi', man ta yeq'aber, y nikik'ut ta jun utzilej k'aslen chikiwech ri ch'aqa' chik.

1 Timoteo 3:11

Y keri' chuqa' wi k'o jun ixoq ri nrajo' nilin: Nik'atzin chi nuk'uaj ta jun k'aslen utz chikiwech ri winaqi', man ta kamuluy-tzij, jun chojilej ixoq ta y kan nuben ta ronojel ri nubij.

San Lucas 22:65

K'iy k'a ch'abel ri man e utz ta ri xkibila' chire.