Wuj Richin Bix Chire ri Dios 50:1 - Kaqchiquel Bible

¹ Ri Jehová ri k'o ruq'ij chikiwech ch'aqa' chik dios nich'on, yeroyoj k'a konojel winaqi' richin chijun ruwach'ulew, nitiker-pe pa relebel-q'ij y napon k'a pa qajbel-q'ij.

Wuj Richin Bix Chire ri Dios 50:1 ပူးပေါင်းရင်းမြစ်များ

Wuj Richin Bix Chire ri Dios 113:3

Kan k'a akuchi k'a nel-wi-pe ri q'ij, y k'a akuchi nibeqaqa-wi, kan tinimirisex k'a ri rubi' ri Jehová.

San Mateo 25:32

Kan xkemol-wi k'a apo chinuwech ri winaqi' richin konojel ri ruwach'ulew. Kan xkench'er-wi-el konojel, achi'el nuben jun yuq'unel kik'in ri taq rawej toq yeruch'er ri taq karne'l y ri taq tzuntzun.

Wuj Richin ri Josúe 22:22

Ri Jehová Dios ri k'o pa kiwi' ri ch'aqa' chik dios, xtuq'alajirisaj chiwech ri qach'obonik, chi roj man xqaben ta q'anej re jun porobel re' richin yojyakatej chirij rija', roma wi ta keri' kan ja k'a rix ri xkixkamisan qichin ri'.

Am 3:8

Toq ri koj niwuyin, konojel ri winaqi' nikixibij-ki'. Y toq yin yich'on, ri q'alajirisey nuch'abel k'o chi nubij ri xinbij chire.

Wuj Richin ri Isaías 1:2

Tawak'axaj k'a rat kaj, tawak'axaj k'a rat ruwach'ulew, roma ri Jehová nibech'on y niberubij: Xenk'iytisaj walk'ual, jak'a rije' xa xeyakatej chuwij.

Wuj Richin ri Nehemías 9:6

Xaxe rat Jehová ri atk'o pa qawi', y man jun chik achi'el rat. Ja rat ri xabanon ri kaj ri tz'etel y ri man tz'etel ta, y xe'aben ri ch'umila', ri ruwach'ulew y ronojel ri ek'o chuwech. Keri' chuqa' xe'aben ri palou y ronojel ri ek'o chupan. Ja rat ri yaya'on ri k'aslen chike konojel ri ek'o, y roma ri' konojel ri ek'o chikaj nikiya' aq'ij.

Wuj Richin ri Malaquías 1:11

Ri nuq'ij-nuk'ojlen kan yalan-wi nim chikiwech ri ch'aqa' chik winaqi' richin ri ruwach'ulew, nitiker-pe akuchi nel-wi-pe ri q'ij y napon k'a akuchi niqaqa-wi-qa. Kan konojel k'a nikiporoj pom chinuwech. Y ri sipanik ri nikisuj chuwe kan ronojel ch'ajch'oj.

Wuj Richin ri Jeremías 10:6

K'ari' xinbij chire ri Dios: Kan man jun chik achi'el rat Jehová. Rat kan janila utzilej atzijol ri k'o. Kan janila nim ri aq'ij y k'o ronojel uchuq'a' pan aq'a'.

Wuj Richin ri Isaías 54:5

roma yin kan xkixinchajij achi'el nuben jun achijlonel. Ja yin ri in k'iytisanel iwichin, y ri nubi' ja ri Jehová k'iytisanel richin ronojel. Ja yin ri in loq'olej ri xtikolon iwichin rix israelita, y ri winaqi' kan nikibij chuwe chi ja yin in Dios richin chijun ruwach'ulew.

Wuj Richin ri Isaías 37:20

Re wakami k'a, Jehová Dios ri at qichin roj, kan qojakolo' k'a pa ruq'a' ri Senaquerib, richin chi konojel ri winaqi' richin ri ruwach'ulew xtiketamaj chi kan xaxe rat ri Jehová ri atk'o, xcha'.

Wuj Richin ri Isaías 9:6

Roma kan xtiya'ox-pe jun ak'ual richin xto'alex-qa, alk'ualaxel ri kan xtiya'ox-pe chiqe. Xtiya'ox-pe q'atbel-tzij pa ruq'a'. Y kan xtubini'aj k'a: Ri jebelej pixabanel, Ri Dios ri k'o ronojel uchuq'a' rik'in, Tata'aj richin q'asen, Tata'al ri xtuk'en-pe uxlanibel-k'u'x.

Wuj Richin Bix Chire ri Dios 83:1

Nimalej Dios ¿Achike roma man jun nabij? ¡Man taben chi man jun nabij, ni man kak'oje' kan choj keri'!

Wuj Richin Bix Chire ri Dios 73:1

Kan qitzij wi chi ri Dios kan janila utz rik'in ri rutinamit Israel, kik'in ri ch'ajch'oj kánima chuwech rija'.

Wuj Richin ri Nehemías 9:32

Roma ri' nimalej qa-Dios, ri k'o ronojel uchuq'a' awik'in y kan xaxe chawech rat ruk'amon chi yojbaybot. Rat ri xajikiba-atzij chiqawech y kan xaben ri xabij. Man ta ti ko'ol ok chawech re tijoj-poqonal re niqaq'axaj roj, ri e qa-rey, ri e qatata'al, ri e qa-sacerdote, ri e q'alajirisey ri ach'abel, ri e qawinaq y ri qate-qatata'. Ri qawinaq kan xkitej-pe poqon kan ja toq xepe ri aj-Asiria, k'a chupan re q'ij re'.

2 Crón 29:30

Chirij re' ri rey y ri e tata'al xkibij chike ri e levita richin tikiya' ruq'ij ri Jehová rik'in bix ri rubanon kan ri David y ri Asaf ri nitz'eton ri peteneq. Y rije' kan xkiben rik'in janila kikoten y chuqa' xexuke' richin xkiya' ruq'ij ri Dios.

1 Crón 25:6

Y ri Hemán ja rija' ri k'o pa kiwi' rije', richin yekiq'ojomaj ri platillo, ri salterio y ri arpa pa rachoch ri Dios richin nikiya' ruq'ij. Y ri Asaf, ri Jedutún y ri Hemán yesamej chuxe' rutzij ri rey.

1 Crón 25:2

Ri Asaf k'o pa kiwi' ri ruk'ajol kibini'an: Jacur, José, Netanías y Asarela. Y rije' xesamej chuxe' rutzij ri rey.

1 Crón 16:37

Chirij ri', ri David xuya' k'a kan ri Asaf y ri e rachibil richin yesamej q'ij-q'ij chupan ri rachoch ri Jehová ri akuchi k'o-wi rija'.

1 Crón 15:17

Ri xecha'ox richin nikiq'ojomaj ri platillo jari' ri Hemán ruk'ajol ri Joel, ri kach'alal rubini'an Asaf ruk'ajol ri Berequías y ri Etán Cusaías, y rije' e rijatzul kan ri Merarí. Y ri xeto'on kichin ja ri Zacarías, ri Jaaziel, ri Semiramot, ri Jehiel, ri Uní, ri Eliab, y ri Benaías. Konojel k'a rije' nikiq'ojomaj ri ki-salterio achi'el nikiben ri elamita. Chuqa' ri Maaseías, ri Matatías, ri Elifelehu, ri Mecneías, ri Azazías y ri ka'i' chajinela' ri kibini'an Obed-edom y ri Jeiel, rije' chuqa' xeto'on. Y xkiq'ojomaj ri arpa achi'el nikiben ri siminita.

1 Rey 18:21

Y toq ri winaqi' ek'o chik chiri', jari' toq ri Elías xubij chike: ¿K'a janipe' k'a xkixtane' rix richin chaq kaka' ik'u'x? Wi ja ri Jehová jari' ri Dios titzeqelibej k'a rija'. Y wi ja ri Baal, kixbiyin k'a chikij rije', xcha' chike. Y ri winaqi' kan man jun k'a xkibij chire.

Wuj Richin ri Rutikeribel 17:1

Ri Abram k'o jumuch' belejlajuj rujuna' toq xuk'ut chik ri' jun bey ri Jehová chuwech, y xubij chire: Ja yin ri in Dios ri k'o Ronojel Uchuq'a' Pa Nuq'a'.*f14* Tak'uaj ri nubey y tabana' ri utz.

1 Crón 6:24

ri Asir xralk'ualaj ri Táhat, ri Táhat xralk'ualaj ri Uriel, ri Uriel xralk'ualaj ri Ozías, y ri Ozías xralk'ualaj ri Saúl.

Wuj Richin Bix Chire ri Dios 74:1

Nimalej Dios, ¿achike roma oj amalin kan jumul? ¿Achike roma kan yakatajineq awoyowal chiqij roj ri oj achi'el akarne'l richin ri aqejoj?

Wuj Richin Bix Chire ri Dios 75:1

Yojmatioxin chawe qa-Dios, kan yojmatioxin-wi k'a, roma rat naqaj atk'o chiqe roj. Roj kan niqatzijoj k'a ri meyel taq banobel ri ye'aben rat.

Wuj Richin Bix Chire ri Dios 76:1

Ri Dios kan janila etaman ruwech chupan ri ruwach'ulew Judá; ri rubi' rija' kan nimirisan k'a chupan chijun ruwach'ulew Israel.

Wuj Richin Bix Chire ri Dios 77:1

Yin kan xisik'in k'a chuk'utuxik to'onik chire ri Dios; kan chire k'a rija' xink'utuj-wi roma kan yirak'axaj.

Wuj Richin Bix Chire ri Dios 78:1

Nutinamit yin, tiwak'axaj k'a ri nutijonik, kan tiya' k'a ixikin chire ri nuch'abel.

Wuj Richin Bix Chire ri Dios 79:1

Nimalej Dios, ri winaqi' ri man yatkitzeqelibej ta xepe wawe' chupan re aruwach'ulew. Xepe y xkiqasaj ruq'ij ri awachoch. Y kan xkiwulaj kan jumul ri tinamit Jerusalem.

Wuj Richin Bix Chire ri Dios 80:1

Tawak'axaj ri qach'owen, rat nimalej Jehová ri yachajin ri tinamit Israel. Qojachajij k'a, achi'el nuben jun yuq'unel kik'in ri taq rukarne'l. Rat ri atk'o pa kiwi' ri kiwachibel ri querubín,*f80*

Wuj Richin Bix Chire ri Dios 81:1

Tiqabixaj rik'in kikoten ri rubi' ri Dios, ri qatobal roj; kan rik'in kikoten tiqanimirisaj ruq'ij ri ru-Dios ri Jacob.

Wuj Richin Bix Chire ri Dios 82:1

Ri Dios kan k'o-wi chikikojol ri to'onela' ri yeq'aton-tzij Kan chikikojol k'a ri ch'aqa' chik dios nuq'et-wi tzij.