Wuj Richin Bix Chire ri Dios 5:7 - Kaqchiquel Bible

⁷ Jak'a yin, roma ri nimalej awutzil ri aya'on pa nuwi' xkinok chupan ri awachoch. Chiri' xtinya' k'a aq'ij achi'el ri ruk'amon chawe rat.

Wuj Richin Bix Chire ri Dios 5:7 ပူးပေါင်းရင်းမြစ်များ

1 Rey 8:35

Y wi ri kaj nitz'ape' y man ta nuben job roma xemakun chawech rat, jak'a wi nikik'utuj kuyubel kimak chawech pa ruchojmilal re awachoch re' y xtikiya' chik aq'ij, y wi xketane' chire ri mak toq nikik'owisaj ri tijoj-poqonal;

1 Rey 8:38

y wi k'o ta jun ri nutz'et ri nima-ruk'ayewal y nuna' ri q'axo'n pa ránima y xtuyek ta ri ruq'a' y xtitzu'un pa ruchojmilal ri awachoch richin nich'on awik'in o nuk'utuj chawe;

Wuj Richin Bix Chire ri Dios 101:7

Ri pa wachoch yin kan man xtik'oje' ta k'a jun wineq ri kan xaxe q'oloj yeruben. Ri tz'ukuy-tzij kan man xtintzu' ta k'a ruwech yin.

Wuj Richin Bix Chire ri Dios 130:4

Jak'a awik'in rat kan k'o k'a ri kuyubel-mak, y roma ri' kan ninimirisex k'a aq'ij.

Wuj Richin Bix Chire ri Dios 132:7

Keri' xqabij chi xqojok-apo akuchi k'o-wi rija', richin niqaya' ruq'ij akuchi tz'uyul-wi.

Wuj Richin Bix Chire ri Dios 138:2

Yitzu'un pa ruchojmilal ri awachoch, y ninya' aq'ij. Xtinbixaj k'a ri abi' roma ri ajoyowanik y kan naben ri nabij, roma kan animirisan k'a ri abi' y ri ach'abel pa ruwi' ronojel.

Wuj Richin Bix Chire ri Dios 28:2

Tabana' utzil kinawak'axaj toq yin yich'on awik'in chupan ri awachoch, toq ninyek ri nuq'a' richin nink'utuj to'onik chawe.

Wuj Richin Bix Chire ri Dios 34:17

Ri choj kik'aslen yech'on rik'in ri Jehová y kan yerak'axaj, y kan yerukol chire ronojel ri tijoj-poqonal.

Wuj Richin Bix Chire ri Dios 51:1

Nu-Dios yin, tabana' utzil tajoyowaj nuwech roma ri awajowabal ri man k'isel ta. Roma ri awutzil tayojo' ronojel ri numak.

Wuj Richin Bix Chire ri Dios 52:8

Jak'a yin ink'o chupan ri rachoch ri Dios, achi'el jun ruche'el olivo ri rex-rex rubanon, roma yin, rik'in k'a ri rujoyowanik ri Dios nukuquban-wi nuk'u'x jantape'.

Wuj Richin Bix Chire ri Dios 55:16

Jak'a yin kan rik'in k'a ri nu-Dios ri xkitzijon-wi. Y rija' kan xkirukol-wi.

Wuj Richin Bix Chire ri Dios 69:13

Jak'a yin kan awik'in rat Jehová yitzijon-wi, kinakolo' toq rat keri' nawajo'. Kinawak'axaj k'a roma ri awajowabal, y tajoyowaj nuwech.

Wuj Richin Bix Chire ri Dios 69:16

Tak'uluba' k'a pe ri nuch'abel Jehová, roma ri ajoyowanik kan janila nim. Kinatzu' k'a pe achi'el ri nimalej awutzil.

Wuj Richin Etamabel-Tzij 6:16

Ri Jehová kan yeretzelaj k'a waqi' banobel richin ri wineq ri ruyon itzel k'o pa ruk'aslen, y toq kan napon-q'anej k'a pa wuqu', kan más nretzelaj y nuya' q'axo'n chire ri ránima.

Wuj Richin Etamabel-Tzij 6:17

Y jare' k'a ri wuqu' banobel ri más nretzelaj rija': Ri nimirisanen; ri tz'ukuj-tzij; ri banoj kamik;

Wuj Richin ri Isaías 55:7

Ri winaqi' ri janila e itzel kan tikiya' kan ri itzel taq kibanobal; chuqa' ri kamisanela' kan tikiya' kan ri itzel kich'obonik. Kan titzolej k'a pe kik'u'x wik'in yin Jehová, y yin kan xtinjoyowaj kiwech y ninkuy ri kimak.

Wuj Richin ri Isaías 64:11

Roj y ri qati't-qamama' xqaya' aq'ij chupan ri awachoch akuchi k'o-wi ri ak'ojlen. Jak'a re wakami xa kan xk'is yan roma ri q'aq'. Ronojel ri ek'o qik'in ri taq e jebel ok, kan xek'is.

Dn 6:10

Jak'a ri Daniel, toq xunabej chi xtalux yan rutzijol re jun pixa' re', xjote-q'anej chupan ri ka'i' wiq rachoch, xujeq ri ru-ventana ri k'o pa ruchojmilal ri tinamit Jerusalem y xxuke' richin nich'on y nimatioxin rik'in ri Dios, kan achi'el ri rubanon-pe. Y re' xuben oxi' mul pa jun q'ij.

Os 3:5

Chirij ri' xketzolej chik pe ri israelita, kan xtikikanoj chik k'a ri Jehová ri ki-Dios. Xtikikanoj k'a ri ki-rey chikikojol ri e rijatzul kan ri David. Chupan ri ruk'isibel taq q'ij kan xtikik'en rukiy ri Jehová. Kan xkekikot k'a rik'in ronojel ri rubanon rija' kik'in.

Hechos 9:31

Y ri q'ij ri', ri molaj qach'alal ri ek'o pa taq tinamit ri chiri' pa Judea, ri Galilea y ri Samaria, man k'a nikik'owisaj ta chik tijoj-poqonal. Xa kan kichapon k'a k'iyinen chupan ri ruch'abel ri Dios, y k'o ruq'ij y rejqalen ri ajaw chikiwech. Xek'iyer janila roma ri ruchuq'a' ri Loq'olej Espíritu.

Hebreos 4:16

Roma ri' kan kuqul k'a qak'u'x qojjel-apo rik'in ri Dios ri niya'on ronojel utzil. Richin chi xtujoyowaj qawech y xtuya-pe ri rutzil pa qawi'. Y toq k'o jun xtiqak'uluwachij, kan jari' k'o-pe qik'in richin yojruto'.

Wuj Richin ri Josúe 24:15

Wi man niqa' ta chiwech nisamajij ri Jehová, kan ticha' k'a wakami ri achike ri nisamajij; wi ja ri dios ri xkisamajij ri qate-qatata' toq xek'oje' ri juk'an chik chire ri raqen-ya' Éufrates, o ja ri ki-dios ri amorreo ri akuchi ixk'o-wi wakami. Jak'a yin y ri e aj pa wachoch kan ja k'a ri Jehová ri xtiqasamajij, xcha'.