Wuj Richin Bix Chire ri Dios 5:4 - Kaqchiquel Bible

⁴ Rat man at jun Dios ta ri niqa' chawech ri etzelal. Ri e banoy etzelal man xkek'oje' ta junan awik'in rat.

Wuj Richin Bix Chire ri Dios 5:4 ပူးပေါင်းရင်းမြစ်များ

Wuj Richin Bix Chire ri Dios 11:5

Ri Jehová kan yerutejtobej k'a ri choj kik'aslen, jak'a ri aj-maki' y ri niqa' chikiwech yekamisan, kan yerixowaj.

Hebreos 12:14

Titija' iq'ij chi nik'oje' uxlanibel-k'u'x chi'ikojol kik'in konojel winaqi', y tik'uaj jun k'aslen ri kan loq'olej. Roma wi man keri' ta, man xkixtikir ta xtitz'et ruwech ri Dios.

Wuj Richin ri Malaquías 2:17

Ri Jehová kan xkos yan k'a chi rak'axaxik ri ich'abel, y man rik'in ri' rix nik'utuj ri achike k'a ri nibij rix richin ri Jehová xkos yan iwik'in. Roma rix kan jantape' nibij chi ri Jehová kan yeqa' chuwech konojel ri nikiben itzel, y chuqa' man niniman ta chike ri winaqi' ri yebanon etzelal.

Wuj Richin Bix Chire ri Dios 140:13

Kan qitzij chi ri choj kik'aslen kan xtikiya' aq'ij. Ri choj yebiyin chawech kan xkebek'oje' awik'in richin q'asen.

Wuj Richin Bix Chire ri Dios 50:21

Ja ronojel re' ri abanobal y yin kan man jun nubin. Roma ri', rat kan ach'obon k'a chi yin in junan awik'in rat. Wakami k'a xkatinch'olij, y xtinq'alajirisaj chawe ronojel ri abanobal.

Apocalipsis 21:27

Jak'a ronojel ri xa tz'il, kan man jun bey xtok-apo chupan. Ni man jun chuqa' wineq ri xa nuya' ruq'ij jun chik dios, ni chuqa' ri e tz'ukuy taq tzij, ri xke'ok-apo ri chiri', xaxe ri tz'ibatel kibi' chupan ri wuj richin k'aslen, ri ruwuj ri Karne'l.

Wuj Richin ri Habacuc 1:13

Rat Jehová kan at ch'ajch'oj y man nakoch' ta natz'et ri mak. Chuqa' man nakoch' ta natz'et ri etzelal ri yebanatej. ¿Achike k'a roma xtaya' q'ij chike ri aj-Babilonia richin xtikiben ri etzelal? ¿Achike k'a roma kan man jun xtabij, toq rije' xqojkiya' pa tijoj-poqonal, stape' roj más choj qak'aslen chikiwech rije'?

Wuj Richin Bix Chire ri Dios 92:15

Y keri' nitalutej ri utzilej rutzijol, chi ri Jehová ri nutobal kan choj-wi, y chi rik'in rija' kan xaxe ri ruchojmilal k'o.

2 Pedro 3:13

Jak'a roj ri qakuquban qak'u'x rik'in ri Jesucristo, ja ri k'ak'a' kaj y ri k'ak'a' ruwach'ulew ri qoyoben, roma jari' ri rusujun kan ri Dios. Y ri chiri', kan ruyon pa ruchojmilal ri yeban.*f3*

Wuj Richin Bix Chire ri Dios 101:7

Ri pa wachoch yin kan man xtik'oje' ta k'a jun wineq ri kan xaxe q'oloj yeruben. Ri tz'ukuy-tzij kan man xtintzu' ta k'a ruwech yin.

Wuj Richin Bix Chire ri Dios 94:20

Rat kan man yeqa' ta k'a chawech ri man pa ruchojmilal ta yeq'aton-tzij. Ri kan nikiq'ej ruwi' ri pixa' xaxe richin man nikiq'et ta tzij pa ruchojmilal.

Apocalipsis 21:23

Ri tinamit ri' man nik'atzin ta ri rusaqil ri q'ij y ri ik' chire, roma ri nisaqirisan richin ja ri rusaqil ri Dios, y ri Karne'l chuqa' nisaqirisan achi'el jun lámpara.

San Juan 14:23

Roma ri' ri Jesús xubij: Ri kan yirajo', kan nuben ri nubij ri nuch'abel. Ri jun ri xtibanon keri', kan xtajowex-wi roma ri nata' chuqa'. K'ari' ri nata' y yin kan xqojpe rik'in y xtiqaben k'a qachoch ri pa ránima.

1 Crón 29:17

Yin wetaman jebel chi rat natzu' ri qach'obonik, y kan yeqa' chawech ri winaqi' toq nikiben pa ruchojmilal. Yin kan rik'in ronojel wánima xinsuj ronojel re' chawe. Y ri atinamit rik'in ronojel ránima xusuj chawe ri xkik'en-pe. Roma ri' janila yikikot.

Wuj Richin Bix Chire ri Dios 63:2

Richin nintz'et ri awuchuq'a' y ri ak'ojlemal. achi'el toq xatintz'et chupan ri awachoch.

Wuj Richin Bix Chire ri Dios 88:14

¿Achike k'a roma yinawixowaj yin? ¿Achike roma man yinatzu' ta pe?