Wuj Richin Bix Chire ri Dios 49:3 - Kaqchiquel Bible

³ Kan xkibech'on k'a rik'in na'oj. Kan xtinbenq'alajirisaj k'a ri nojibel ri nel-pe pa wánima.

Wuj Richin Bix Chire ri Dios 49:3 ပူးပေါင်းရင်းမြစ်များ

Wuj Richin Bix Chire ri Dios 19:14

Jehová kan ta k'a xtak'awomaj ri ch'abel ri ye'el pa nuchi' y ri ninch'ob pa wánima; xtapon ta chawech rat nimalej Jehová ri at nutobal y nukolonel yin.

San Mateo 12:35

Jun utzilej wineq kan chukojol k'a ri utzilej beyomel ri k'o pa ránima yerelesaj-pe ri yerubij. Jak'a ri wineq ri man utz ta, kan chukojol k'a ri itzel ri k'o pa ránima yerelesaj-pe ri yerubij.

Wuj Richin Etamabel-Tzij 22:17

Kan jebel k'a taya' axikin chire ri ch'abel ri xtinbij chawe, roma jare' ri na'oj ri kibin kan ri aj-na'oj. Kan tajacha' ri awánima chi retamaxik ronojel ri na'oj ri kiya'on kan rije'.

Wuj Richin Bix Chire ri Dios 45:1

Kan nalex k'a pe pa wánima re utzilej bix re', y ninwajo' ninbixaj chire ri rey. Ri waq' kan achi'el k'a jun tz'ibabel richin ri más utz tz'ibanel.

Wuj Richin Bix Chire ri Dios 37:30

Ri choj ruk'aslen kan nich'on rik'in na'oj. Kan nich'on k'a rik'in ruchojmilal.

Wuj Richin Bix Chire ri Dios 119:130

Ri rusolik rij ri ach'abel kan nisaqirisan. Kan nusaqirisaj k'a kiwech ri maneq kinojibal.

Wuj Richin ri Achin Job 33:33

Y wi xa man jun k'a ri nawajo' nabij, kinawak'axaj na, man kach'on-pe y yin xtink'ut chawech achike rubanik naben richin nik'oje' ana'oj.

Wuj Richin ri Achin Job 33:3

Ri nuch'abel yin kan xtuq'alajirisaj k'a chi choj ri wánima; ri nuchi' yin kan ja ri qitzij ri xtuq'alajirisaj, kan xtubij k'a ronojel ri ninnojij.

Deut 32:2

Ri nutijonik xtiqaqa ta achi'el ri job; ri nuch'obonik xtiqaqa ta achi'el niqaqa ri raxq'ab; achi'el nuben ri mismil job pa ruwi' ri q'ayis ri k'a juba' tel-pe, y achi'el nuben ri tz'uj ya' pa ruwi' ri q'os ri k'a alaj na.

Wuj Richin Bix Chire ri Dios 104:34

Ri nuch'obonik rik'in rija', kan janila jebel, yin kan jantape' k'a xkikikot rik'in.

Wuj Richin Bix Chire ri Dios 4:3

Tiwetamaj k'a chi ri Jehová e rucha'on ri choj kik'aslen chuwech rija'. Roma ri' kan xtrak'axaj toq yin xkich'on rik'in.