Wuj Richin Bix Chire ri Dios 49:2 - Kaqchiquel Bible

² keri' ri k'o kiq'ij y ri maneq ok kiq'ij, ri janila kibeyomel, y ri man jun ok k'o kik'in.

Wuj Richin Bix Chire ri Dios 49:2 ပူးပေါင်းရင်းမြစ်များ

Wuj Richin ri Achin Job 34:19

Chuwech rija' qonojel oj junan, man xaxe ta kik'in ri achi'a' e tata'al k'o-wi, chuqa' man xaxe ta ri beyoma' ri yeruto', xa kan yeruto' chuqa' ri man jun k'o kik'in, roma kan qonojel roj winaqi' kan ja ri ruq'a' rija' ri banayon qichin.

Wuj Richin Bix Chire ri Dios 62:9

Kan qitzij wi, chi ri wineq xa q'axel achi'el ri kaq'iq', Stape' beyom o k'o ta pa meba'il, xa kan maneq rejqalen. Wi ta ye'etex pa jun etabel konojel, kan yek'ulun chi xa man jun kejqalen.

Wuj Richin Etamabel-Tzij 22:2

Ek'o winaqi' e beyoma' y ek'o chuqa' ri man jun ok k'o kik'in; jak'a ri ka'i' kiwech winaqi' ri', xa e junan, roma kan ja ri Jehová ri banayon-pe kichin.

Wuj Richin ri Isaías 34:1

Rix winaqi' richin chijun ruwach'ulew, kan kixjel-pe richin niwak'axaj. Rix tzobaj winaqi' kan jebel tiya' ixikin. Tiwak'axaj k'a rix ri ixk'o pa taq ronojel ruwach'ulew.

Wuj Richin ri Miqueas 1:2

Tiwak'axaj k'a rix winaqi' richin ronojel tinamit; rix winaqi' richin chijun ruwach'ulew, kan tiya' k'a ixikin, roma ri Jehová ri qajaw qonojel nich'on-pe k'a chupan ri rachoch. Rija' xtuq'alajirisaj k'a ronojel ri ibanobal.