Wuj Richin Bix Chire ri Dios 48:1 - Kaqchiquel Bible

¹ Nimalej ruq'ij ri Jehová y kan ruk'amon richin niya'ox ruq'ij jantape', chupan ri rutinamit ri k'o pa ruwi' ri juyu'.

Wuj Richin Bix Chire ri Dios 48:1 ပူးပေါင်းရင်းမြစ်များ

Wuj Richin ri Nehemías 9:5

K'ari' ri jun chik tzobaj levita; ri Josué, ri Cadmiel, ri Binuy, ri Hasabnías, ri Serebías, ri Hodías, ri Sebanías y ri Petahías, xech'on kik'in ri winaqi' y xkibij chike: Kixyakatej y tiqaya' ruq'ij ri Jehová ri qa-Dios ri kan k'o-pe y xtik'oje' ri tibe-q'ij tibe-seq, xecha'. Y jari' toq ri winaqi' xkibij chire ri Jehová:

Wuj Richin Bix Chire ri Dios 145:3

Kan nimalej aq'ij rat Jehová. Kan ruk'amon richin niya'ox ronojel bix chawe. Ri animirinen rat kan man nuq'i' ta ri qach'obonik roj.

Wuj Richin Bix Chire ri Dios 147:5

Ri qajaw roj kan k'o janila nim ruq'ij, y kan janila uchuq'a' rik'in. Ri runojibal kan maneq ruchi'.

Wuj Richin Bix Chire ri Dios 2:6

Y xtubij: Yin kan nucha'on chik ri rey pa ruwi' ri tinamit Sión, ri nujuyu' ri k'o janila rejqalen, xticha'.

Wuj Richin Bix Chire ri Dios 30:1

Jehová, kan xkatinnimirisaj k'a, roma kan xinakol. Kan man xaya' ta k'a q'ij chi ri e etzelanel wichin xekikot ta chuwij.

Wuj Richin Bix Chire ri Dios 42:1

Achi'el ri masat nrajo' nril jun raqen-ya' richin nuqum ruya', keri' k'a yatinkanoj rat, nu-Dios yin.

Wuj Richin Bix Chire ri Dios 46:1

Ri Dios jari' ri quchuq'a' y rik'in rija' niqato-wi-qi'. Toq k'o ruk'ayewal kan chi'anin k'a yojruto'.

Wuj Richin Bix Chire ri Dios 46:4

K'o k'a jun raqen-ya' ri pa rutinamit ri Dios, ri nuben chi kan nik'ases nitzu'un, chiri' chupan ri rachoch ri akuchi k'o-wi rija'.

Wuj Richin Bix Chire ri Dios 47:8

Ri Dios kan tz'uyul chupan ri tz'uyubel richin q'atoj-tzij, kan nuq'et k'a tzij pa ruwi' ri ruwach'ulew.

Wuj Richin Bix Chire ri Dios 65:1

Nimalej Dios, kan awichin k'a rat ronojel bix ri yebixex chupan ri tinamit Sión. Kan ruk'amon k'a chi nitoj ronojel ri sujun chawe.

Wuj Richin Bix Chire ri Dios 78:68

Kan jak'a ri tzobaj richin ri Judá ri xucha'; kan ja ri juyu' Sión ri janila xrajo'.

Wuj Richin Bix Chire ri Dios 86:10

Roma rat kan janila at nim, y kan ye'abanala' nima'q taq banobel. ¡Kan xaxe rat ri at Dios!

Wuj Richin Bix Chire ri Dios 87:1

Ri Jehová kan xujikiba' k'a ri tinamit Sión pa ruwi' ri juyu' ri kan ch'aron.

Wuj Richin Bix Chire ri Dios 87:3

Rutinamit ri Dios, kan janila k'a k'iy jebelej taq ch'abel ri yebix chawij rat.

Wuj Richin Bix Chire ri Dios 96:4

Roma ri Jehová kan janila nim, y kan ruk'amon richin niqanimirisaj ruq'ij. Kan xaxe wi rija' ri ruk'amon chi niqaya' ruq'ij chikiwech ri ch'aqa' chik dios.

Wuj Richin Bix Chire ri Dios 99:9

Tinimirisaj ruq'ij ri Jehová ri qa-Dios. Tiqasaj k'a iwi' chuwech rija', roma ri Jehová ri qa-Dios roj kan loq'olej-wi.

Wuj Richin ri Isaías 27:13

Chupan ri q'ij ri' kan xtixupux k'a ri trompeta; ri ek'o chiri' pan Asiria y ri e beneq pan Egipto xkepe richin xtokiya' ruq'ij ri Jehová chupan ri juyu' ri chiri' pa Jerusalem.

Wuj Richin ri Jeremías 31:23

Yin Jehová ri k'o ronojel uchuq'a' pa nuq'a' y roma ri' ninbij chi toq yin xtinjel ri rubanik ri kik'aslen ri winaqi' ri ek'o pa tinamit Judá, jari' toq rije' xkek'oje' chik jun bey pa kiruwach'ulew y pa taq kitinamit. Y xkech'on wik'in y xtikik'utuj chuwe chi yin xtinwurtisaj ri wachoch ri k'o pa ruwi' re juyu' re'.

Wuj Richin ri Abdías 1:17

Jak'a chupan ri juyu' Sión ek'o ri xkekolotej kan, y ri juyu' ri' kan xtok xaxe richin ri Dios. Ri e rijatzul kan ri Jacob xtikichinaj chik jun bey ri kulew.

Wuj Richin ri Miqueas 4:1

Xtibek'uluwachitej chupan ri ruk'isibel taq q'ij, chi ri juyu' ri akuchi k'o-wi ri rachoch ri Jehová kan xtiya'ox chik k'a ruq'ij jun bey. Ri juyu' ri' más nim rujotolen chikiwech ri ch'aqa' chik juyu', y konojel k'a winaqi' richin ri ch'aqa' chik ruwach'ulew, xke'apon-el chiri'.

Wuj Richin ri Zacarías 8:3

Roma ri' yin xkitzolin chik pa Jerusalem y chiri' xkik'ase-wi. K'ari' ri itinamit xtubini'aj: Nima-Tinamit ri k'o Qitzijri'il Rik'in. Y ri juyu' wichin yin xtubini'aj ri Loq'olej Juyu'.

San Mateo 24:15

Chuqa' kan xtapon-wi ri q'ij toq xkebanatej ri itzel taq banobel ri achoq chirij xch'on-wi kan ri Daniel. Y ri etzelal ri' xtiban chupan ri loq'olej jay akuchi man jun nok-apo, chupan ri rachoch ri Dios. Ri nitz'eton ri tz'ibatel kan wawe', kan tiq'ax k'a chuwech ri nutz'et.

Hebreos 12:22

Jak'a roj ri qaniman chik ri Jesucristo, chuxe' ri juyu' Sión oj apowineq-wi-apo; ojk'o chik naqaj chire ri tinamit richin ri k'aslik Dios, ri nibix Jerusalem aj-chikajil chire, akuchi ek'o-wi e k'iy ángel ri kan man e ajlatel ta.

Apocalipsis 19:5

Y jari' toq kan k'o jun ri xbech'on-pe akuchi k'o-wi ri tz'uyubel xubij: Kan tiya' ruq'ij ri Dios chi'iwonojel rix ri ix rusamajela', ri k'o rukiy ri Dios chiwech, chi ch'uti'q chi nima'q, xcha'.

Apocalipsis 21:2

Y xintz'et ri k'ak'a' Jerusalem ruchapon-pe qajen chila' chikaj rik'in ri Dios. Kan jebel k'a ruchojmirisan y ruwiqon-pe ri', achi'el jun xten ri nuwiq-ri' jebel royoben ri ala' ri nik'ule-wi-el.