Wuj Richin Bix Chire ri Dios 47:9 - Kaqchiquel Bible

^9-10 Ri aj-raqen kichin ri ruwach'ulew kan nikimol k'a ki', kan achi'el nikimol-ki' ri rutinamit ri ru-Dios ri Abraham, roma kan pa ruq'a' ri Dios ek'o-wi konojel ri q'atoy taq tzij. Rija' kan k'o k'a pa ruwi' ronojel.

Wuj Richin Bix Chire ri Dios 47:9 ပူးပေါင်းရင်းမြစ်များ

Wuj Richin Bix Chire ri Dios 89:18

Kan ja rat Jehová ri at qatobal. Ja rat loq'olej Dios ri at qa-rey.

Wuj Richin ri Rutikeribel 49:10

Ri q'atbel-tzij*f32* kan man jun k'a xtitikir xtelesan pa ruq'a' ri Judá, ri cetro richin ri q'atbel-tzij kan man jun xtelesan chire, k'a ja toq xtoqaqa na ri rajaw, k'ari' xtujech chire, y konojel ri winaqi' chuwech ri ruwach'ulew xtikinimaj rutzij.

Ex 3:6

Y chuqa' xubij chire: Ja yin ri ru-Dios ri atata', ri ru-Dios ri Abraham, ri ru-Dios ri Isaac, y ri ru-Dios ri Jacob, xcha' chire. Toq xrak'axaj keri', ri Moisés xrewaj rupalej, roma xuxibij-ri' richin nutzu' ruwech ri Dios.

Gálatas 3:29

Y roma ri' qonojel ri oj richin chik ri Cristo, xojok riy-rumam kan ri Abraham. Y niqichinaj k'a chuqa' ri utzil ri xusuj ri Dios chire rija' ri ojer kan.

Wuj Richin Etamabel-Tzij 30:5

Chikijujunal ri rutzij ri Dios kan e ch'ajch'oj e ch'ajch'oj; y rija' kan achi'el k'a jun tobel, ri akuchi utz nikito-ki' ri winaqi', ri kan nikikuquba' kik'u'x rik'in.

Wuj Richin Bix Chire ri Dios 97:9

roma rat Jehová kan at nim pa ruwi' chijun ruwach'ulew. Kan xaxe k'a rat ri ninimirisex aq'ij chikiwech ri ch'aqa' chik dios.

Wuj Richin Bix Chire ri Dios 72:11

Konojel k'a ri rey richin chijun ruwach'ulew xkexuke' chuwech rija', y konojel tzobaj winaqi' richin re ruwach'ulew xtikisamajij rija'.

Wuj Richin Bix Chire ri Dios 46:10

Ri Jehová nubij: Kixtane-qa chubanik ri labal y tiwetamaj chi ja yin ri in Dios. xtinimirisex nuq'ij, pa nima'q taq ruwach'ulew, xtiya'ox k'a nuq'ij chuwech re ruwach'ulew.

Romanos 11:25

Wach'alal, yin ninwajo' chi rix iwetaman ta re k'a juba' tuq'alajirisaj ri Dios, richin man xa tina-iwi' iyon rix chi janila iq'ij. Y ri nuwinaq judío ri kowirineq ri kánima y man nikajo' ta nikinimaj ri Dios, keri' xkek'oje', k'a toq xkekolotej na ri man e judío ta.

San Mateo 22:32

Roma nubij: Jak'a yin ri in Dios ri xkiya' ruq'ij ri Abraham, ri Isaac y ri Jacob, nicha'. Y kan qetaman chuqa' chi ri Dios xaxe ki-Dios ri k'o kik'aslen, y xa man kichin ta ri kaminaqi', xcha' ri Jesús.

Wuj Richin ri Isaías 49:23

Ri e rey jari' xke'ok achi'el itata', y ri e reina achi'el ite'. Kan xtikiqasaj-ki' chiwech k'a pan ulew, y kan xtikireq' ri poqolaj ri k'o chirij ri iwaqen. Xtibanatej ronojel re' richin niwetamaj chi ja yin Jehová, y ri xtikikuquba' kik'u'x wik'in yin, kan man xkek'ixbitej ta.

Wuj Richin ri Isaías 49:7

Yin Jehová ja yin ri in ikolonel, y xaxe yin ri in i-Dios. Ri ch'aqa' chik tinamit kan janila ix ketzelan, y kan man yixqa' ta chikiwech. Y rix kan xixime' pa samaj kik'in ri ch'aqa' chik q'atoy taq tzij. Jak'a xtapon jun q'ij toq xkixkitz'et ri rey, y xkepa'e' chiwech richin nikiya' iq'ij, y ri e tata'al xtikilukuba-ki' chiwech, roma ja yin Jehová ri Loq'olej ri in k'o pan iwi' y ri xicha'on iwichin. Y kan xtinben ri ninbij.

Wuj Richin ri Isaías 11:10

Toq ri rijatzul kan ri Isaí xtipe, re' jare' jun retal kichin ri tinamit richin xtitzolin-pe kik'u'x rik'in. Y ri akuchi xtik'oje-wi, kan janila nim ruq'ij-ruk'ojlen.

Ex 3:15

Chuqa' xubij chire ri Moisés: Kere' tabij chike ri awinaq: Jehová ri Dios kichin kan ri qati't-qamama', ri Abraham, ri Isaac, y ri Jacob, ja rija' ri in taqayon-pe iwik'in rix, xkacha' chike. Ja nubi' re' richin q'asen. Rik'in k'a re bi'aj re' xkinatex koma ri winaqi' chi wiq chi tanaj.