Wuj Richin Bix Chire ri Dios 47:5 - Kaqchiquel Bible

⁵ Kan rik'in k'a raqoj-chi'ij richin kikoten, nijote-q'anej ri Jehová chupan ri rajawaren. Ri Jehová kan niya'ox ruq'ij rik'in trompeta.

Wuj Richin Bix Chire ri Dios 47:5 ပူးပေါင်းရင်းမြစ်များ

Wuj Richin Bix Chire ri Dios 68:33

tikinimirisaj ruq'ij ri nibiyajilan pa ruwi' ri kaj ri kan k'o-pe tibe-q'ij tibe-seq! Rija' xtuben chi kan xtak'axatej ri ruch'abel ri kan k'o uchuq'a' ruk'uan.

1 Tesalonicenses 4:16

Roma ri ajaw xtipe chila' chikaj y xtich'on-pe kow. Chuqa' xtisik'in-pe ri nimalej ángel, y xtiq'ajan-pe ri trompeta richin ri Dios. Y jari' toq xkek'astej-el ri kaminaqi' ri xkikuquba' kik'u'x rik'in ri Jesucristo.

1 Corintios 15:52

Xtibanatej k'a chi xa pa jun ti ramaj xqojjalatej-el, achi'el pa jun ruyupik runaq'-wachaj. Kan jak'a toq xtuya' rutzijol ri ruk'isibel trompeta, jari' xkek'astej-el ri kaminaqi' rik'in chik kich'akul ri man k'isel ta. Y roj ri k'a oj k'es kan, xqojjalatej-el chuqa'.

Wuj Richin Bix Chire ri Dios 150:3

Tibixaj ri rubi' ri Dios rik'in ri xupubel. Tibixaj ri rubi' rik'in ri salterio y ri arpa.

Wuj Richin Bix Chire ri Dios 78:65

Chirij ri' ri ajaw xyakatej achi'el toq niyakatej jun wineq chire ri ruwaran, achi'el jun ri maneq xibinri'il chuwech ri kan kow nuna-ri' roma ruqumun k'iy vino.

2 Sam 6:15

Ri David y konojel ri winaqi' israelita ri kik'uan ri káxa kan yesik'in k'a rik'in kikoten y nikixupula' k'a ri ki-trompeta.

Wuj Richin ri Josúe 6:5

Y chirij ri' toq xtiwak'axaj chi yeyaloj xtikixupuj ri uk'a' richin karne'l, konojel ri achi'a' xkesik'in rik'in ronojel kuchuq'a', y ri tz'aq richin ri tinamit Jericó xtitzaq jumul k'a pan ulew; jari' toq ri achi'a' choj xke'ok-apo, xcha' ri Jehová chire ri Josué.

Wuj Richin ri Q'axanri'il 23:21

Man jun itzel banobel ri tz'eton ta chikij ri e rijatzul kan ri Jacob; man jun ruk'ayewal ri niqaqa ta chikij ri israelita. Roma ri Jehová ri ki-Dios kan k'o-wi kik'in; rije' kan nikibij k'a chi ri Dios kan ja wi ri' ri ki-rey.

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.

1 Timoteo 3:16

Y qitzij na wi chi kan janila nim rejqalen ri ruq'alajirisan chik ri Dios chiqawech re wakami: Ri Jesucristo xpe wawe' chuwech re ruwach'ulew, y xok wineq achi'el roj. Xk'ut chiqawech roma ri Loq'olej Espíritu chi kan choj wi ruk'aslen. chuqa' xtz'etetej koma ri ángel. Xtzijox chuwech ronojel re ruwach'ulew, y e k'iy xkikuquba' kik'u'x rik'in. Y toq xel-el chuwech re ruwach'ulew, xk'ul chila' chikaj roma ri Dios.

Wuj Richin Bix Chire ri Dios 98:6

Tiya' ruq'ij ri Jehová rik'in trompeta, y rik'in xupubel ri e banon rik'in uk'a'. Kan keri' tibana' chuwech ri Jehová ri rey.

Wuj Richin Bix Chire ri Dios 81:3

Toq nalex ri ik', kan tixupux k'a ri trompeta, richin nitikeribex ri nimaq'ij, keri' chuqa' tiban toq ri ik' seton-seton rubanon.

1 Crón 16:42

Rije' nikixupuj trompeta, nikiq'ojomaj ri platillo y ri ch'aqa' chik kiwech q'ojom richin chi nikibixaj rubi' ri Dios. Ri e ruk'ajol ri Jedutún, jari' ri yechajin ri ruchi' ri rachoch ri Dios.

1 Crón 15:28

Keri' k'a konojel ri aj-Israel yekikot kik'uan ri káxa richin ri rujikibel-tzij ri Jehová; y nikireq k'a kichi' roma kikoten. Chuqa' nikixupuj ri trompeta y ri uk'a'; y nikiq'ojomaj ri platillo, ri salterio, y ri arpa.

1 Crón 15:24

Y ri yexupun ri trompeta chuwech ri káxa ja ri sacerdote Sebanías, ri Josafat, ri Natanael, ri Amasai, ri Zacarías, ri Benaías y ri Eliézer. Ri Obed-edom y ri Jehías chuqa' nikichajij ri káxa.

Ez 20:6

Ri q'ij ri' kan xinya' k'a ri nuq'a' pa kiwi' y xinya' nutzij chike chi yin yenwelesaj-pe chiri' y yenk'uaj chupan jun ruwach'ulew ri kan kichin rije' ri akuchi niwachin ronojel ruwech tiko'n, jun ruwach'ulew ri kan jebel chikiwech konojel.

Am 8:7

Ri Jehová, ri qa-Dios roj israelita, xuya' rutzij pa rubi' rija', chi man jun bey xtumestaj ri itzel taq ibanobal ri xe'iben.

Wuj Richin ri Malaquías 2:3

Chuqa' yin xtinya' ruk'ayewal pa kiwi' ri iwijatzul, y kan xtink'eq k'a el chi ipalej ri nikipamaj ri chikopi' ri ye'isuj chinuwech, richin junan xkixink'eq-el rik'in ri pamaj.