Wuj Richin Bix Chire ri Dios 46:8 - Kaqchiquel Bible

⁸ Kixanpe, titz'eta' ri nima'q taq banobel ri rubanon ri Jehová. Kan nuk'is k'a el ruwech chijun ri ruwach'ulew.

Wuj Richin Bix Chire ri Dios 46:8 ပူးပေါင်းရင်းမြစ်များ

Wuj Richin Bix Chire ri Dios 66:5

Kixanpe k'a, titz'eta' ronojel ri rubanon ri Dios, ri meyel taq banobel ri xuben kik'in ri qate-qatata'.

Wuj Richin ri Isaías 24:1

Ri Jehová kan xtiberujosq'ij jebel chijun ri ruwach'ulew. Kan xtuyoj, kan xtuwulaj ri ruwach'ulew, y konojel ri ek'o chupan kan xkerutaluj-el.

Wuj Richin ri Isaías 61:4

Kan xkepabex chik ri tz'aq ri e banon rik'in abej; kan xtiyak chik el ri kan wulatejineq kan. Ri tinamit ri wuluwik kibanon, xa kan xkepabex chik.

Ex 12:30

Y chupan ri aq'a' ri' xyakatej ri rey, ri aj-raqen y konojel ri winaqi' aj-Egipto. Y kan xak'axatej jun nimalej raqoj-chi'ij chupan chijun ri Egipto, roma xa kan man jun jay ri man ta k'o jun ri kamineq.

Wuj Richin ri Josúe 11:20

Xbanatej k'a ronojel re' roma kan ja ri Jehová xkowirisan ri kánima ri winaqi', richin xkiben oyowal kik'in ri aj-Israel. Y ri Jehová xuben keri' richin chi xekamisex, y man jun xjoyowan ta kiwech. Keri' xek'is konojel tinamit, achi'el k'a xubij ri Jehová chire ri Moisés.

Wuj Richin ri Q'axanri'il 23:23

Chirij ri Jacob man jun ri nitikir, man jun itzinik ri nik'atzin. Wakami xa ruk'amon chi nibix chikij: Titzu' k'a rix winaqi' ri rubanon ri Dios kik'in rije'.

Ex 10:7

Xeri' ri aj-raqen ri ek'o rik'in ri rey xkibij chire: ¿K'a jampe' k'a xtitane' chuya'ik ruk'ayewal pa qawi' re achin re'? Xa kan más utz taya' q'ij chike richin yebe y nibekisamajij ri ki-Dios. ¿Kan man natzu' ta k'a chi re qaruwach'ulew xa kan nik'is yan roma ronojel ruk'ayewal ri qajineq pa ruwi'?, xecha'.

Wuj Richin ri Q'axanri'il 14:9

Ri nrajo' ja ri man kixyakatej chirij ri Jehová, chuqa' man tixibij-iwi' chikiwech ri winaqi' ri richin ri ruwach'ulew ri', roma roj kan chaqba' xkeqach'ek, roma rije' kan man jun chik xtito'on ta kichin, jak'a roj kan k'o ri Jehová qik'in, xecha'.

Deut 20:1

Toq rix xkixbe pa labal kik'in ri etzelanel iwichin, y kan xke'itz'et chi ek'o janila kikiej y ki-carruaje e richin labal y kan janila e k'iy ri aj-labal más ke chiwech rix, man tixibij-iwi' chikiwech, roma rix man iyon ta ixk'o, kan k'o ri Jehová ri qa-Dios iwik'in, ri xojelesan-pe pan Egipto.

Wuj Richin Bix Chire ri Dios 59:10

Rat, ri najoyowaj nuwech, xkayuqen wichin; xtaya' k'a q'ij chuwe chi yin xkikikot chikij ri e etzelanel wichin.

Wuj Richin Bix Chire ri Dios 146:5

Jebel ruwa-ruq'ij ri wineq, ri kan ja ri qa-Dios roj israelita ri nito'on richin, ri kan nukuquba' ruk'u'x rik'in ri Jehová ri qa-Dios.

Wuj Richin ri Isaías 7:14

Roma ri' ri Dios kan xtuya' k'a pe jun retal chiwech. Jun xten xtipe alanik chirij.*f2* Y xtibe'alex jun ti ral. Y Emanuel*f3* ri rubi' ri xtuya'.

Wuj Richin ri Isaías 8:10

Stape' xtich'ob ri achike niben, jak'a kan man jun utz xtel chiwech. Nibij-apo ri niwajo' niben, jak'a xa kan man xtibanatej ta, roma ri Dios kan k'o-wi qik'in roj, xecha' ri aj-Judá.