Wuj Richin Bix Chire ri Dios 46:5 - Kaqchiquel Bible

⁵ Roma chiri' k'o-wi ri Dios, kan man jun xtitikir xtisilon. Ja ri Dios nichajin richin, toq niseqer-pe.

Wuj Richin Bix Chire ri Dios 46:5 ပူးပေါင်းရင်းမြစ်များ

Wuj Richin ri Zacarías 2:5

Y roma ri' ja ri Jehová xtitaqon-pe jun tz'aq ri banon rik'in q'aq' richin xtusutij-rij ri Jerusalem, y ja rija' xtisaqirisan richin, xcha' ri ángel chire.

Joel 2:27

Richin keri', rix niwetamaj k'a chi yin pan inik'ajal rix ink'o-wi. Chuqa' rix niwetamaj chi ja yin Jehová ri i-Dios, y man jun chik achi'el yin. Chupan ri q'ij ri' kan man jun bey chik xkixk'ixbitej.

Wuj Richin ri Sofonías 3:15

Roma ri Jehová xrelesaj yan ronojel tijoj-poqonal pa qawi'. Kan xeroqotaj yan el konojel ri e etzelanel qichin. Ri Jehová ja rija' ri qa-rey ri k'o pa qanik'ajal roj. Y kan man jun bey chik xtik'oje' rukiy ri ruk'ayewal pa qawi'.

Ez 43:7

Y xubij k'a chuwe: Rat Ezequiel, jare' ri ruk'ojelibal ri nutz'uyubal y ri akuchi xkipa'e-wi. Kan wawe' k'a xkik'oje-wi q'asen chikikojol ri awinaq israelita. Rije' y ri ki-rey man jun bey chik xtikiqasaj nuq'ij. Kan man jun bey chik xtikiya' kiq'ij ch'aqa' chik dios y man xkekilij ta chik. Chuqa' man xtikiben ta chik q'anej kiwachibel ri ki-rey akuchi yekiya-wi kiq'ij ri wachibel toq xeken yan el.

Wuj Richin ri Isaías 12:6

Kan qojsik'in rik'in kikoten. Kan qojbixan qonojel roj winaqi' aj-Sión, roma ri qa-Dios kan nim chiqakojol.

Wuj Richin Bix Chire ri Dios 62:2

Kan xaxe k'a rija' ri nutobal y ri nukolotajik. Rik'in rija' ninto-wi-wi' y kan man xkijilijo' ta k'a.

Wuj Richin Bix Chire ri Dios 112:6

Roma ri' kan man jun bey xtitzaq. Y jantape' xtinatex.

San Mateo 18:20

Roma xabakuchi k'a ri kimolon-ki' ka'i-oxi', wi kan pa nubi' yin kimolon-wi-ki', kan ink'o k'a pa kinik'ajal, xcha' ri Jesús.

Wuj Richin ri Zacarías 8:3

Roma ri' yin xkitzolin chik pa Jerusalem y chiri' xkik'ase-wi. K'ari' ri itinamit xtubini'aj: Nima-Tinamit ri k'o Qitzijri'il Rik'in. Y ri juyu' wichin yin xtubini'aj ri Loq'olej Juyu'.

Ez 43:9

Wakami k'a, wi xtikimalij kan ri itzel taq banobel ri man niqa' ta chinuwech yin y wi man xtikiben ta chik ri wachibel ri kan nikiya' kiq'ij, k'ari' yin xkik'oje' chikikojol richin q'asen.

Wuj Richin Bix Chire ri Dios 62:6

Kan xaxe k'a rik'in rija' ninto-wi-wi' y ja rija' ri nikolon wichin. Ja rija' ri nutobal y roma ri' kan man xkijilijo' ta k'a.

Deut 23:14

Roma ri Jehová ri qa-Dios kan nibiyaj chi'ikojol rix chiri' akuchi ixk'o-wi-qa, richin xkixrukol y xkerujech pan iq'a' ri e etzelanel iwichin. Y roma ri' ri akuchi ixk'o-wi-qa kan k'o chi jantape' ch'ajch'oj, richin chi ri Dios man jun tz'il xtutz'et chiri', y roma ta ri' yixrumalij kan.

Wuj Richin Bix Chire ri Dios 37:40

Ri Jehová yeruto' y yerukol chikiwech ri banoy etzelal, roma kan nikikuquba' kik'u'x rik'in.

Os 11:9

Wakami xa man xtinben ta k'a ri nuch'obon ninben roma woyowal. Kan man xtinya' ta chik k'a ruk'ayewal pan iwi'. Roma yin kan in Dios y man in wineq ta. Ja yin ri in loq'olej ri ink'o chi'ikojol rix, roma ri' kan man xtinya' ta chik ri ruk'ayewal pan iwi', nicha' ri Dios.

Wuj Richin Bix Chire ri Dios 30:5

Ri royowal rija' kan xaxe k'a jun ti ramaj nuben. Jak'a ri rutzil xa kan man k'isel ta. Stape' k'o oq'ej ri chi'aq'a', toq niseqer-pe kan k'o chik ri kikoten.

San Lucas 18:8

Yin kan ninbij k'a chiwe chi chi'anin xkeruto-pe. Jak'a toq yin, ri xiqaqa-pe achi'el wineq chi'ikojol, xkipe chik jun bey wawe' chuwech re ruwach'ulew, ¿xkenwil kami winaqi' ri kikuquban kik'u'x rik'in ri Dios?, xcha' ri Jesús.

Wuj Richin Bix Chire ri Dios 143:8

Tabana' chuwe chi ri pa taq nimaq'a' xtintz'et ta ri awajowabal, roma kan nukuquban nuk'u'x awik'in. Tak'utu' chinuwech ri bey ri akuchi k'o chi yibe-wi, roma awik'in rat yich'on-wi.

Wuj Richin Bix Chire ri Dios 125:1

Ri ququl kik'u'x rik'in ri Dios kan jikil ek'o,*f109* e achi'el ri juyu' Sión, ri kan man nisilon ta, y kan jantape' ek'o.

Wuj Richin Bix Chire ri Dios 68:18

Toq xjote-q'anej pa rachoch, rija' kan e k'iy e etzelanel richin xeruk'uaj pa ximonri'il. Chuqa' kan k'iy sipanik ri xuk'ul chuwi-kiq'a' ri winaqi' ri xeyakatej chirij, y ri Jehová chiri' xtik'oje-wi richin jantape'.

Apocalipsis 2:1

K'ari' xubij chuwe: Tatz'ibaj k'a el chire ri ángel kichin ri molaj nimanela' ri chiri' pan Éfeso y tabij-el chire, chi ri jun ri ek'o ri wuqu' achi'el ch'umila' pa rijkiq'a', ri nibiyaj chikikojol ri wuqu' kandelero ri e banon rik'in q'anapueq nubij:

Ex 14:27

Y jari' toq ri Moisés xuyek k'a ri ruq'a' pa ruwi' ri ya' ri' y kan jari' toq ri ya' rik'in ruchuq'a' xtzolej pa ruk'ojelibal chupan ri jun nimaq'a' ri'. Y ri aj-Egipto nikikanoj k'a achike rubanik nikiben richin ye'animej, jak'a ri ya' man xuya' ta chik q'ij chike; keri' xuben ri Jehová kik'in ri aj-Egipto pa runik'ajal ri Kaqa-Palou.

Ex 14:24

Y xk'uluwachitej k'a, chi toq k'a jukumaj na chire ri q'ij ri', ri Jehová xerutzu-pe ri aj-labal richin Egipto y xuben chike chi xsach kik'u'x. Ri Jehová kan chupan k'a ri sutz' y ri q'aq' ri' beneq-wi.

Ez 47:1

Ri achin ri xuk'ut ri rachoch ri Dios chinuwech xuben chuwe richin xitzolin chik ri pan okibel ri k'o chunaqaj ri rachoch ri Dios. Jari' toq xintz'et chi ri chuxe-qa ri ruchi-jay nibulbu'x-pe ya' ri nel-pe re kere' pa relebel-q'ij. Ri ya' niqaqa-pe pa rijkiq'a' ri rachoch ri Dios y pa xokon chire ri porobel.