Wuj Richin Bix Chire ri Dios 46:4 - Kaqchiquel Bible

⁴ K'o k'a jun raqen-ya' ri pa rutinamit ri Dios, ri nuben chi kan nik'ases nitzu'un, chiri' chupan ri rachoch ri akuchi k'o-wi rija'.

Wuj Richin Bix Chire ri Dios 46:4 ပူးပေါင်းရင်းမြစ်များ

Wuj Richin Bix Chire ri Dios 87:3

Rutinamit ri Dios, kan janila k'a k'iy jebelej taq ch'abel ri yebix chawij rat.

Wuj Richin Bix Chire ri Dios 48:8

Kan achi'el k'a ri qak'axan-pe, kan keri' ri xqatz'et; keri' xqatz'et chupan ri rutinamit ri Jehová k'iytisanel richin ronojel. Chupan ri rutinamit ri qa-Dios, rija' kan xtujikiba' k'a richin jantape' ri tinamit Jerusalem.

Wuj Richin Bix Chire ri Dios 23:2

Chiri' akuchi k'o-wi ri rex taq q'os, chiri' yiruya-wi richin yinuxlan. Chunaqaj k'a kokoj raqen taq ya', chiri' yiruyuq'uj-wi.

Wuj Richin ri Isaías 60:14

Kan janila xtikiqasaj-ki' chiwech ri winaqi' ri xetz'ilon iwichin, y konojel k'a ri xe'etzelan iwichin kan xkexuke' chiwech. Kan xtikibij chi ri itinamit Sión jari' ri nutinamit yin, ri in loq'olej richin ri Israel.

Wuj Richin Bix Chire ri Dios 65:9

Kan no'atz'eta' k'a qa re ruwach'ulew y kan naya'aj; kan janila k'a nim beyomel naya' pa ruwi'. Rik'in ri ya' ri k'o awik'in, rat naben k'a chi nik'iy-pe ri tiko'n. Kan niwachin k'a roma kan keri' ri arayibel rat.

2 Crón 6:6

Ri Dios xubij chuqa' chi rija' xucha' ri tinamit Jerusalem richin chi wawe' niqaya-wi ruq'ij, y chi rija' xucha' ri David richin nuq'et-tzij pa qawi'.

Wuj Richin ri Isaías 48:18

¡Xa ta iya'on ixikin chire ri nupixa'! Xk'oje' ta uxlanibel-k'u'x pa ruk'iyal iwik'in, achi'el jun raqen-ya' ri kan nibulbu'x. Xk'oje' ta ch'akonik jantape' iwik'in rix, achi'el ri ruwi' ri palou ri kan jantape' ye'apon-qa pa sanayi'.

Apocalipsis 21:10

Chupan k'a ri jun achi'el achik' ri xinben, ri ángel ri xch'on wik'in xiruk'uaj k'a pa ruwi' jun nimalej juyu', y chiri' k'a ojk'o-wi toq xuk'ut chinuwech ri Jerusalem ri cha'on roma ri Dios, ruchapon-pe qajen chila' chikaj.

Wuj Richin ri Miqueas 6:6

¿Achike ta k'a xtink'uaj richin xkinapon chuwech ri Jehová? ¿Achike xtinsipaj chire toq xtinya' ruq'ij ri nimalej Dios? ¿Kan ruk'amon kami chi xkinapon chuwech rik'in poron chikop? ¿Xkenk'uaj ta k'a el alaji' wákix ri k'o jujun kijuna'?

Wuj Richin Bix Chire ri Dios 92:1

Nimalej Jehová, kan janila k'a jebel ri niya'ox aq'ij rat. Ri nibixex ri nimalej abi' kan janila jebel.

Wuj Richin Bix Chire ri Dios 91:1

Ri nikito-ki' rik'in ri nimalej rutzil ri Dios, kan kuqul k'a kik'u'x yek'oje' chuxe' ri rumujal rija'.

Wuj Richin Bix Chire ri Dios 48:1

Nimalej ruq'ij ri Jehová y kan ruk'amon richin niya'ox ruq'ij jantape', chupan ri rutinamit ri k'o pa ruwi' ri juyu'.

Wuj Richin Bix Chire ri Dios 43:3

Tataqa-pe ri asaqil y ri ach'abel, richin chi jare' xkinuk'uan akuchi atk'o-wi rat, pa ruwi' ri ajuyu'.

Hebreos 12:22

Jak'a roj ri qaniman chik ri Jesucristo, chuxe' ri juyu' Sión oj apowineq-wi-apo; ojk'o chik naqaj chire ri tinamit richin ri k'aslik Dios, ri nibix Jerusalem aj-chikajil chire, akuchi ek'o-wi e k'iy ángel ri kan man e ajlatel ta.

Wuj Richin ri Molojri'il 5:8

Man tamey toq yetz'ilox ri winaqi' man jun k'o kik'in y xa man pa ruchojmilal ta ri niban chike. Roma ri jun aj-raqen k'o jun chik ri k'o más ruq'ij ri k'o pa ruwi' y ri k'o más kejqalen ja chik ri' ri ek'o pa kiwi' ri e ka'i' rije'.

Wuj Richin Bix Chire ri Dios 92:8

Jak'a rat Jehová kan jantape' k'a nimalej aq'ij.

Wuj Richin Bix Chire ri Dios 93:3

Nimalej Jehová, ri raqen taq ya' kan yewajin k'a; kan yewajin k'a roma kan janila e nima'q.