Wuj Richin Bix Chire ri Dios 46:2 - Kaqchiquel Bible

² Roma ri', man xtiqaxibij ta qi', stape' nipe jun silonel, stape' wi ta ri nima'q taq juyu' yetzaq ta pa ruk'u'x ri palou.

Wuj Richin Bix Chire ri Dios 46:2 ပူးပေါင်းရင်းမြစ်များ

Wuj Richin Bix Chire ri Dios 23:4

Stape' k'o chi yiq'ax chupan jun bey ri janila q'equ'm, kan man xtinxibij ta wi', roma rija' kan beneq wik'in. Yiruyuqej k'a rik'in ri ruch'ame'y y yirukol k'a rik'in ri ruch'aybal, re' kan nuben chuwe chi kan ninkuquba' nuk'u'x.

Hebreos 13:6

Y roma ri' kan rik'in k'a ronojel ik'u'x yixtikir nibij:*f28* Yin ja ri ajaw ri nito'on wichin. Roma ri' man xtinxibij ta wi' chuwech ri itzel ri xtuben ri wineq chuwe.

Wuj Richin Bix Chire ri Dios 27:3

Stape' jun tzobaj aj-labal xtikisutij-wij richin yinkich'ek, yin man xtinxibij ta wi'. Stape' pa nuwi' yin xtikichop-q'anej oyowal, yin kan kuqul k'a nuk'u'x.

San Mateo 21:21

Ri Jesús xubij k'a chike: Kan qitzij ninbij chiwe chi wi ta rix kan nikuquba' ik'u'x, y man nipe ta pan iwánima chi xa man nibanatej ta ri nik'utuj; wi ta keri', man xaxe ta chire re wíkix ri yixtikir niben kere'. Xa kan nibanatej k'a chuqa' wi ta nibij chire jun juyu' chi tel-el ri akuchi k'o-wi y tiq'ax chupan ri palou, y kan keri' nibanatej.

San Lucas 21:33

Re ruwach'ulew y ri kaj kan richin-wi yek'is. Jak'a ri nuch'abel man xtik'is ta choj keri'.

Wuj Richin Bix Chire ri Dios 82:5

Rix xa man jun iwetaman y xa man jun niq'ax chiwech, xa kan pa q'equ'm k'a ix beneq-wi; roma ri itzel taq ibanobal rix, kan nisilon k'a ri ruxe' ri ruwach'ulew.

Wuj Richin Bix Chire ri Dios 18:7

K'ari' xpe jun nimalej silonel; y kan xesilon k'a ri ruxe' ri juyu'. Kan chijun k'a ruwach'ulew xsilon roma kan xpe royowal ri Jehová.

2 Sam 22:3

Jehová, rat kan at achi'el k'a jun abej ri ninwewaj-wi' chirij, achi'el jun jay ri akuchi utz ninto-wi-wi'. Rat kan yinakol-wi. Kan xtinkuquba' k'a nuk'u'x awik'in. Ja rat k'a ri at nutobal yin. Rat yinakol chikiwech ri e etzelanel wichin. Ja rat k'a ri yato'on wichin chuwech ronojel.

Wuj Richin Bix Chire ri Dios 28:7

Rat Jehová yinato' y naya' wuchuq'a'. Yin ninkuquba' nuk'u'x awik'in, y roma ri' rat yinato'. Kan janila nikikot ri wánima, y roma ri' yibixan richin ninmatioxij chawe.

Wuj Richin Bix Chire ri Dios 37:39

Jak'a ri kikolotajik ri choj kik'aslen kan rik'in ri Jehová peteneq-wi. Ja rija' ri kuchuq'a' chupan ri ruk'ayewal.

Wuj Richin Bix Chire ri Dios 59:17

Nu-Dios yin, ja rat ri at wuchuq'a', roma ri' ninbixaj ri abi'. Kan ja rat k'a ri at nutobal y ri ajoyowanik pa nuwi' kan richin jantape'.

Wuj Richin Bix Chire ri Dios 62:8

Chi'iwonojel rix winaqi', jantape' tikuquba' ik'u'x rik'in. Titzijoj chire ronojel ri k'o pan iwánima, roma rija' kan jari' ri qatobal.

Wuj Richin Bix Chire ri Dios 62:9

Kan qitzij wi, chi ri wineq xa q'axel achi'el ri kaq'iq', Stape' beyom o k'o ta pa meba'il, xa kan maneq rejqalen. Wi ta ye'etex pa jun etabel konojel, kan yek'ulun chi xa man jun kejqalen.

Wuj Richin Bix Chire ri Dios 91:2

Yin kan ninbij k'a chire ri Jehová, chi ja rija' ri nutobal. Rija' kan achi'el jun jay ri sutin-rij chi tz'aq ri akuchi ninto-wi-wi'. Ja rija' nu-Dios ri kan nukuquban nuk'u'x rik'in.

Wuj Richin Bix Chire ri Dios 142:6

Tabana' utzil tawak'axaj ri nuch'abel, roma kan janila in poqonatajineq. Kinakolo' chikiwech ri e tzeqelibeyon wichin. Roma rije' kan más kuchuq'a' chinuwech yin.

Wuj Richin ri Jeremías 14:8

Kan ja rat ri at oyobenri'il qichin roj. Kan at kolonel qichin chupan ri ruk'ayewal. ¿Achike roma yojato' xaxe jun q'ij y ri jun chik q'ij xa yabe?

Wuj Richin ri Nahum 1:7

Ri Jehová kan janila utz; rija' kan jun tobel chupan ri q'ij toq k'o q'axomal. Kan yeruto' ri kikuquban kik'u'x rik'in.