Wuj Richin Bix Chire ri Dios 45:4 - Kaqchiquel Bible

⁴ Kan ta k'a xkabe pa jotol rik'in ri ak'ojlemal, kak'oje' pa ruwi' ri qitzij, ri qasanri'il y ri ruchojmilal. Y rik'in ri awijkiq'a' xtabanala' nima'q taq banobel.

Wuj Richin Bix Chire ri Dios 45:4 ပူးပေါင်းရင်းမြစ်များ

Wuj Richin Bix Chire ri Dios 65:5

Kan nak'uluba' k'a pe ri qach'abel rik'in meyel taq banobel y pa ruchojmilal, ja rat nimalej Dios ri at qakolotajik, awik'in k'a rat kikuquban-wi kik'u'x konojel ri winaqi' richin chijun ri ruwach'ulew, konojel ri ek'o chuchi' taq palou ri k'a janila nej ek'o-wi.

Apocalipsis 19:11

Y toq xitzu'un yan chik, xintz'et k'a ri kaj chi jaqel. Y xintz'et jun seq rij kiej, ch'okoliben roma ri jun ri rubini'an Qitzij y Kan Nuben-wi ri Nubij. Y kan rik'in ruchojmilal niq'aton-tzij y nuben labal kik'in ri ye'etzelan richin.

Apocalipsis 6:2

Y kan jari' xbek'ulun-pe jun seq rij kiej, ch'okoliben roma jun ri ruk'uan jun k'aqbel ch'ab. Xjach k'a jun ru-corona roma kan ch'akowineq chik y xel-el richin nibech'akon chik.

San Mateo 11:29

Tik'uaj k'a ri ejqa'n ri ninsuj chiwe yin, y tiwetamaj nik'uaj, roma yin in jun wineq ch'uch'uj y nuqasan-wi'. Y wi xkinitzeqelibej keri', kan xtiwil k'a uxlanen pa taq iwánima,

Wuj Richin ri Zacarías 9:9

Kan kixkikot k'a janila rix aj-Sión. Kan kixbixan k'a rik'in kikoten rix aj-Jerusalem, roma ri i-rey xa kan xtipe k'a iwik'in. Rija' jun choj laj achin y kan ch'akonel-wi. Kan jun achin ri kan yalan ch'uch'uj. Rija' ch'okol-pe chirij jun alaj bur.

Apocalipsis 11:18

Ri tzobaj winaqi' richin re ruwach'ulew yakatajineq koyowal chawij, jak'a kan xoqaqa ri q'ij richin chi ri awoyowal rat xqaqa pa kiwi' rije'. Kan xoqaqa ri q'ij richin naq'et-tzij pa kiwi' ri kaminaqi'. Q'ij richin chi xtaya' rajel ruk'exel chike ri asamajela' y ri e q'alajirisey ri ach'abel, chike ri awalk'ual y ri yeya'on aq'ij, chi ch'uti'q chi nima'q. Kan xoqaqa k'a chuqa' ri q'ij chi rat ye'ak'is ri winaqi' ri yebanon chire ri ruwach'ulew richin nik'is, yecha'.

2 Tesalonicenses 3:1

Qach'alal, pa ruk'isibel niqak'utuj chiwe chi kixch'on rik'in ri Dios qawi' roj, y tik'utuj chire chi chi'anin ta xtibiyin rutzijoxik ri ruch'abel, y kan ta ninimex achi'el xinimaj rix.

1 Tesalonicenses 2:13

Roj jantape' niqamatioxij chire ri Dios, roma toq xqatzijoj ri ruch'abel ri Dios chiwe, kan xik'ul-wi. Y man xibij ta qa chi ruch'abel wineq, xa kan xibij chi kan ruch'abel-wi ri Dios. Y wakami k'a, ja ch'abel ri' ri nisamej pan iwánima rix ri ikuquban chik ik'u'x rik'in ri Jesucristo.

1 Tesalonicenses 1:5

Roma toq xqatzijoj ri utzilej ch'abel richin kolotajik chiwe, man xqatzijoj ta xaxe rik'in ch'abel, jak'a chuqa' rik'in ri uchuq'a' ri nuya' ri Loq'olej Espíritu, y rik'in chuqa' ri kuqubabel-qak'u'x niqatzijoj. Rix iwetaman ri k'aslen ri qak'uan roj, roma niqajo' ri utz chiwe rix.

2 Corintios 10:1

Rix nibij chi toq ink'o iwik'in yalan ninxibij-wi', jak'a toq nej ink'o-wi, xa man ninpoqonaj ta chik ninbij-el ch'abel chiwe. Man rik'in ri' yin chi utzil yich'on iwik'in, rik'in ch'utirinen y rik'in ch'uch'ujil, kan achi'el xuben ri Cristo.

San Juan 14:6

Y ri Jesús xubij: Ja yin ri bey, yin ri qitzij y ja yin chuqa' ri k'aslen. Xaxe k'a ri xtiniman wichin xtapon rik'in ri nata'.

San Juan 1:17

Ri pixa' xya'ox roma ri Moisés, jak'a ri utzil ri' y ri qitzij, xya'ox roma ri Jesús ri Cristo ri nibix chuqa' ch'abel chire.

San Lucas 19:27

Wakami, ninwajo' chi ye'ik'en-pe ri xe'ajowan chi man ta xinok kan rey. Y k'a ja re chinuwech yin ke'ikamisala-wi, xcha' ri rey. Keri' xubij ri Jesús.

Wuj Richin Bix Chire ri Dios 60:4

Jak'a rat kan xatzeqej k'a ri tzieq richin retal chike ri nikiya' aq'ij, richin ye'animej chikiwech ri e etzelanel kichin.

Wuj Richin Bix Chire ri Dios 2:9

Rat xke'awulaj achi'el xa ta rik'in jun ch'ich', xkek'is achi'el toq nipax jun bojo'y, xcha' chire.

Apocalipsis 20:15

Y kan chupan k'a chuqa' re q'aq' re' xek'aq-wi konojel ri winaqi' ri man tz'ibatel ta kibi' chupan ri wuj richin k'aslen.

Wuj Richin ri Isaías 11:5

Roma ronojel xtuben pa ruchojmilal, man jun bey xtitzaq pa jun pajk'ibel; y roma kan jantape' xtuben ri nubij, xtitikir xtuk'achojirisaj ri rusamaj.