Wuj Richin Bix Chire ri Dios 45:17 - Kaqchiquel Bible

¹⁷ Re jun bix re' kan xtuben k'a chi ri jantape' sol winaqi', kan xtikinataj ri abi'. Y kan xtikiya' k'a aq'ij konojel tinamit tibe-q'ij tibe-seq.

Wuj Richin Bix Chire ri Dios 45:17 ပူးပေါင်းရင်းမြစ်များ

Wuj Richin ri Isaías 62:3

Ri tinamit ri' xtok achi'el jun corona ri k'o janila rejqalen pa ruq'a' ri Jehová ri qa-Dios

Wuj Richin ri Malaquías 1:11

Ri nuq'ij-nuk'ojlen kan yalan-wi nim chikiwech ri ch'aqa' chik winaqi' richin ri ruwach'ulew, nitiker-pe akuchi nel-wi-pe ri q'ij y napon k'a akuchi niqaqa-wi-qa. Kan konojel k'a nikiporoj pom chinuwech. Y ri sipanik ri nikisuj chuwe kan ronojel ch'ajch'oj.

Wuj Richin ri Isaías 61:9

Ri kijatzul kan xtinimirisex k'a kiq'ij chikikojol ri ch'aqa' chik tzobaj winaqi' richin ri ruwach'ulew. Konojel k'a ri xketz'eton kichin xtikinimaj k'a chi rije' kan kik'ulun urtisanik pa nuq'a' yin. Kere' nubij ri Dios, ncha'.

San Mateo 26:13

Tiwak'axaj na pe jebel re xtinbij chiwe, chi xabakuchi k'a ri xtitzijox-wi ri utzilej ch'abel richin kolotajik, chiri' chuqa' xtitzijox-wi re xuben re jun ixoq re'. Kan ronojel k'a ruwach'ulew xtitzijox-wi, y man jun bey k'a xtimestex, xcha' ri Jesús.

Wuj Richin ri Isaías 59:21

Pa ruwi' ronojel re' ri Jehová xubij: Yin kan xtinben jun jikibel-tzij iwik'in, chi ri nu-Espíritu kan man xtel ta chik iwik'in rix, y ri nutijonik ri ik'ulun, kan man xtimestaj ta kan, y ni ta kik'in ri iwijatzul richin tibe-q'ij tibe-seq, xcha'.

Wuj Richin ri Nimalej Bix 6:9

Jak'a rat, wajowanel yin, kan xaxe rat ri k'o aq'ij chikikojol, rat kan at jebel ok. Rat at juney xten rik'in ri ate', y kan janila yarajo'. Toq ri ch'aqa' chik xtani' yatkitz'et, nikibij chawe chi jebel ruwa-aq'ij; ri reina y ri ch'aqa' chik ixoqi' nikiya' aq'ij.

Wuj Richin Bix Chire ri Dios 138:4

Kan tikiya' aq'ij rat Jehová, konojel ri rey richin ri ruwach'ulew, roma kak'axan ri ach'abel.

1 Corintios 11:26

Roma ri' toq roj niqamol-qi' richin niqatej ri kaxlan-wey y niqaqum chuqa' ri vino, kan ja wi k'a ri rukamik ri Cristo ri niqaq'alajirisaj k'a toq xtapon ri q'ij chi xtipe chik jun bey.