Wuj Richin Bix Chire ri Dios 45:15 - Kaqchiquel Bible

¹⁵ Kan rik'in k'a kikoten ye'apon chuchi' ri rachoch ri rey. Y kan ye'ok k'a apo chupan ri jay rik'in janila nimaq'ij.

Wuj Richin Bix Chire ri Dios 45:15 ပူးပေါင်းရင်းမြစ်များ

Judas 1:24

Kan xaxe chire ri Dios ri qakolonel, ri nitikir yojruchajij richin man yojtzaq ta pa mak y nitikir nuben chiqe chi yojapon chila' chikaj rik'in ch'ajch'ojil y man jun qamak chuwech ri nimalej rajawaren,

Apocalipsis 3:21

Achike k'a ri xtich'akon, kan xtinya' k'a q'ij chire richin chi nitz'uye' junan wik'in. Kan achi'el ri xban chuwe yin toq xich'akon, y xitz'uye' rik'in ri Nata' Dios.

Apocalipsis 3:12

Ri xkech'akon xtinben chike chi xke'ok achi'el jun pilar richin ri rachoch ri nu-Dios y chiri' xkek'oje-wi jantape'. Y chikij k'a rije' xtintz'ibaj ri rubi' ri nu-Dios y ri rubi' ri rutinamit rija', ri k'ak'a' Jerusalem ri niqaqa-pe chila' chikaj. Y chiri' chuqa' xtintz'ibaj ri k'ak'a' nubi' yin.

Wuj Richin ri Isaías 61:10

¡Kan janila k'a xkikikot rik'in ri Jehová! Ri wánima kan jantape' k'a xtik'ases rik'in ri nu-Dios, roma kan ruya'on ri kolotajik chuwe, y kan xiruwiq k'a rik'in ruchojmilal, achi'el ruwiqon-ri' jun ala' ri nibek'ule' yan pe, y chuqa' ri xten ri xtibe'ok rixjayil rukusan chik jalajoj ruwech wiqobel.

Wuj Richin ri Isaías 56:5

wi keri', yin kan k'o ri más utz xtinya' chike ke chuwech kalk'ual. Kan xtinya' q'ij richin ri kibi' kan xtitz'ibex kan richin q'asen, chupan ri wachoch, chirij ri tz'aq, y kan man jun xtiyojo-el chiri'. Y re' xtinben kan richin tibe-q'ij tibe-seq.

Wuj Richin ri Isaías 35:10

Ri xketzolin-pe, ja ri winaqi' ri xkerukol-pe ri Jehová. Y rije' rik'in bix xke'ok-apo chupan ri tinamit Sión. Jantape' xkek'oje' rik'in kikoten, y kan xtikil utz k'aslen. Y chuqa' kan xtik'is ri bis y ri oq'ej.

San Juan 14:3

Chubanik k'a ri' toq yibe y kan xkipe chik jun bey, y xkixink'uaj wik'in richin chi akuchi xkik'oje-wi yin, chiri' chuqa' xkixk'oje-wi rix.

Wuj Richin ri Isaías 51:11

Ri xe'akol-pe rat xketzolej-pe. Y kan xke'ok pa tinamit Sión rik'in bix. Kan niq'alajin kipalej chi janila yekikot richin jantape'. Kan ja ri kikoten ri xtik'oje' kik'in, y kan k'a janila nej xtik'oje-wi kan ri bis y ri oq'ej, yecha' ri winaqi'.

Ez 16:10

xinya' atziaq ri banon jebel retz'aba'l, xinya' axajab ri banon rik'in jebelej taq tz'um, jun ximibel-apan ri banon rik'in lino y chuqa' xinya' jun atziaq ri banon rik'in seda.