Wuj Richin Bix Chire ri Dios 45:12 - Kaqchiquel Bible

¹² Ri xtani' ri e richin ri tinamit Tiro xkepe awik'in rik'in sipanik. Ri beyoma' richin ri tinamit kan xkepe richin xtikik'utuj utzil chawe.

Wuj Richin Bix Chire ri Dios 45:12 ပူးပေါင်းရင်းမြစ်များ

Wuj Richin Bix Chire ri Dios 22:29

Konojel ri e beyoma' kan xkexuke' chawech y xtikiya' aq'ij, roma konojel re winaqi' re' xa kan xke'ok chik poqolaj, y kiyon rije' kan man yetikir ta nikiya-qa kik'aslen.

Wuj Richin ri Isaías 49:23

Ri e rey jari' xke'ok achi'el itata', y ri e reina achi'el ite'. Kan xtikiqasaj-ki' chiwech k'a pan ulew, y kan xtikireq' ri poqolaj ri k'o chirij ri iwaqen. Xtibanatej ronojel re' richin niwetamaj chi ja yin Jehová, y ri xtikikuquba' kik'u'x wik'in yin, kan man xkek'ixbitej ta.

Wuj Richin ri Isaías 60:3

Konojel k'a ri ruwach'ulew xkepe richin ye'ok'oje' chupan ri isaqil. Chuqa' ri ch'aqa' chik rey richin ri ruwach'ulew xkepe, richin xke'ok'oje' junan iwik'in chupan ri q'ij ri'.

Wuj Richin Bix Chire ri Dios 72:10

Ri e rey richin ri ruwach'ulew Tarsis y ri ek'o pa taq'aj, xtikik'en-pe sipanik chire; keri' chuqa' ri e rey richin ri ruwach'ulew Sabá y ri e richin Sebá.

San Mateo 2:11

Kan xe'ok k'a apo pa jay y xkitz'et ri ak'ual y ri María ri rute', y kan jari' xkiqasaj-qa-ki' k'a pan ulew richin xkiya' ruq'ij ri ak'ual. Y chuqa' kan xekijaqala-qa ri kiyakonabal y xkisipala' k'a q'anapueq, pom y mirra chire.

Wuj Richin Bix Chire ri Dios 68:29

Kan k'a chupan ri nimalej awachoch ri k'o pa Jerusalem, akuchi ri e rey richin ch'aqa' chik ruwach'ulew xtikisuj sipanik chawe.

Wuj Richin ri Nimalej Bix 2:14

Wajowanel yin, ri awewan-awi', rat kan at achi'el jun ti paloma ri rewan-ri' chupan jun jul chuwech nimalej taq abej, o chupan jun ti sokaj pa juyu'. Tak'utu' k'a awi' chinuwech, Taya' q'ij chuwe richin ninwak'axaj ri ach'abel, roma ri ach'abel kan janila jebel ok, y chuqa' janila jebel ok ri yatzu'un.

Wuj Richin ri Nimalej Bix 7:11

Katanpe k'a wajowanel yin, jo' pa taq juyu', xtibeqaq'axaj ri aq'a' pa jun ko'ol tinamit.