Wuj Richin Bix Chire ri Dios 44:4 - Kaqchiquel Bible

⁴ Rat, nimalej Dios, ri at nu-rey. Tabana' utzil taya' ri kolotajik chike ri e rijatzul kan ri Jacob.

Wuj Richin Bix Chire ri Dios 44:4 ပူးပေါင်းရင်းမြစ်များ

Wuj Richin Bix Chire ri Dios 74:12

Qa-Dios roj, kan ja rat ri at qa-rey ojer-pe ri'. Ja rat ri xaya'on-pe ri ch'akonik pa ruwi' ri qaruwach'ulew.

Wuj Richin Bix Chire ri Dios 42:8

Ri paq'ij ri Jehová xtuya' rutzil pa nuwi', richin keri' ri chi'aq'a', yin kan xtinbixaj ri rubi' rija', y kan yich'on k'a rik'in ri Dios ri rajaw ri nuk'aslen.

Marcos 9:25

Toq ri Jesús xutz'et chi xa e janila e k'iy winaqi' ri junanin nikimol-apo-ki', jari' toq xuch'olij ri itzel espíritu y xubij chire: Rat ri abanon chire re ala' re' chi man nak'ex ta y amemurisan; katel-el, y man chik katzolin-pe rik'in, xcha'.

Wuj Richin Bix Chire ri Dios 89:18

Kan ja rat Jehová ri at qatobal. Ja rat loq'olej Dios ri at qa-rey.

Marcos 1:41

Ri Jesús kan janila xujoyowaj ruwech ri achin ri', xuchop-apo y xubij: Ninwajo' chi yak'achoj. Tik'is k'a el re yabil re' chawij, xcha' chire.

Marcos 1:31

K'ari' ri Jesús xjel-apo rik'in ri yawa', xuchop chuq'a' y xuben chire chi xyakatej-q'anej. Kan xaxe k'a keri' xuben chire kan jari' xk'is-el ri k'aten chirij. Y ri ixoq ri' kan jari' k'a xuchop kilixik ri Jesús y ri e beneq rik'in.

Wuj Richin Bix Chire ri Dios 149:2

Ri israelita kan kekikot k'a rik'in ri xbanon kichin. Ri aj-Sión, kan kekikot k'a rik'in ri ki-rey.

Wuj Richin ri Isaías 33:22

Ri kolo' richin ri barco ri' xa xyokoyo', y man nitikir ta nuchop ri che' ri chapayon richin ri kolo'. Chuqa' man nitikir ta nurik' ri tzieq richin nroyoj kaq'iq'. K'ari' xtiqelesaj k'iy beyomel chike ri e etzelanel qichin, y kan pa ruk'iyal ri xtik'oje', jajun ri e jetz' ri xke'ilon chuqa' junan qik'in. Roma ri Jehová kan ja rija' ri nichojmirisan richin ri yebanatej; ja ri Jehová ri qaq'atoy-tzij, Jehová ri qa-rey, y kan ja rija' ri xtikolon qichin.

Ex 15:6

Ri awijkiq'a' rat Jehová Dios, nim rik'in uchuq'a'; ri awijkiq'a' rat Jehová Dios, xeruwulaj ri e etzelanel awichin.

Deut 7:8

Ri Jehová ri qa-Dios kan yojrajo', y roma ri' xuben k'a ri rujikiban chik chike ri qati't-qamama'. Rik'in ronojel ruchuq'a' xojrukol-pe pa kiq'a' ri aj-Egipto y xojrelesaj-pe chiri' ri akuchi xqatej-wi poqon roma xojya'ox pa kowilej taq samaj.

Deut 7:19

Tich'obo' rij ri nima'q taq banobel ri xitz'et, ri man jun bey itz'eton, ri xuben ri Jehová Dios ri k'o ronojel uchuq'a' rik'in toq xojrelesaj-pe ri chiri' pan Egipto. Keri' chuqa' xtiberubana' ri Jehová Dios kik'in konojel ri tinamit ri ixibin-iwi' chikiwech.

Wuj Richin ri Josúe 24:12

Nabey chire ronojel ri', xinben chike ri e ka'i' rey kichin ri amorreo chi xe'animej-el chiwech. Man ja ta k'a ri i-espada y ni ta ri rute-ich'ab ri xbanon, xinben chi chaq k'ate' xkik'en jun nimalej rukiy richin xe'animej-el.

Wuj Richin Bix Chire ri Dios 111:6

Ri nimalej ruchuq'a' nuk'ut k'a chikiwech ri rutinamit. Nuya' k'a chike richin nikichinaj kan ri ruwach'ulew kichin ch'aqa' chik winaqi'.