Wuj Richin Bix Chire ri Dios 43:1 - Kaqchiquel Bible

¹ Nu-Dios yin, taq'ata' tzij pa nuwi', y taq'alajirisaj chi maneq numak. Kinato' k'a chikiwech ri winaqi' ri man yatkitzeqelibej ta, y chikiwech ri kan xaxe q'oloj y ri itzel taq banobel ri yekiben.

Wuj Richin Bix Chire ri Dios 43:1 ပူးပေါင်းရင်းမြစ်များ

2 Sam 15:31

Y ri David kan retaman chik k'a chi ri Ahitófel k'o chikikojol ri e yakatajineq chirij. Roma ri' xuk'utuj utzil chire ri Dios chi xtuyoj ta ronojel ri ruch'obonik ri Ahitófel.

2 Sam 16:20

K'ari' ri Absalón xuk'utuj chire ri Ahitófel ri achike k'atzinel nikiben.

2 Sam 18:8

Ri oyowal xuchop k'a chijun ri ruwach'ulew ri'. Y más k'a e k'iy xeken roma ri ruq'a' taq che' ri ek'o chiri' ke chuwech ri xeken chi espada.

Wuj Richin Bix Chire ri Dios 140:5

Ri kinimirisan-ki' e kewalon kan pikbel pa nubey yin. Rije' kiya'on achi'el ya'l pa nubey. Nikajo' k'a nikiq'et chuwaqen; roma ri' e kiya'on kan re pikbel re'.

Wuj Richin Bix Chire ri Dios 26:1

Jehová tabana' utzil taq'alajirisaj chi yin man jun mak nubanon, roma yin kan tz'aqet k'a ri nubanobal chawech. nukuquban nuk'u'x awik'in y man rik'in ta ka'i' nuk'u'x.

Wuj Richin Bix Chire ri Dios 35:1

Jehová, tapaba-awi' chikiwech ri nikipaba-ki' chinuwech yin. Tabana' oyowal kik'in ri yebanon oyowal wik'in yin.

Wuj Richin Bix Chire ri Dios 35:24

Tabana' utzil taq'alajirisaj chi yin maneq numak. Tabana' richin man ta xkekikot chuwij.

Wuj Richin Bix Chire ri Dios 5:6

Kan xke'ak'is k'a ri jantape' yetz'ukun-tzij; ri kamisanela' y ri q'olonela' kan ye'awixowaj rat Jehová.

Wuj Richin Bix Chire ri Dios 54:3

Roma kan e k'iy k'a ri man e nuwinaq ta ri e yakatajineq chuwij. E k'iy k'a winaqi' ri janila e itzel, ri yinkikanoj richin yinkikamisaj. Re winaqi' re' kan man yatoqaqa ta k'a chikik'u'x.

Wuj Richin Bix Chire ri Dios 7:7

Tikimolo' k'a ki' ri tinamit, richin k'a chila' chikaj xkaq'aton-pe tzij pa kiwi'.

Wuj Richin Bix Chire ri Dios 7:8

Jehová ja rat ri yaq'aton-tzij pa kiwi' ri winaqi'. Taq'ata' k'a tzij chuqa' pa nuwi' yin, achi'el ri ruchojmilal ri nuk'aslen.

Wuj Richin Bix Chire ri Dios 7:9

Tik'is k'a wakami ri ketzelal ri aj-maki' y takolo' ri choj ruk'aslen, roma rat at jun Dios choj, y kan nanik'oj ri ránima y ri ruch'obonik ri wineq.

Wuj Richin Bix Chire ri Dios 71:4

Nu-Dios yin, kinakolo' k'a pa kiq'a' ri man yatkitzeqelibej ta rat, pa kiq'a' ri e banoy taq etzelal y kan janila e mal.

Wuj Richin Bix Chire ri Dios 75:7

Ri Jehová ri chojmirisey richin ronojel ri yebanatej; k'o ri nuqasaj kiq'ij y k'o ri nunimirisaj kiq'ij.

Wuj Richin Etamabel-Tzij 22:23

Roma kan ja ri Jehová ri xtich'on pa kiwi' rije', richin chi yeruto', y ri xkejachon pa kamik ri winaqi' ri', rija' kan xtrelesaj chuqa' ri kik'aslen.

Wuj Richin Etamabel-Tzij 23:11

Roma wi keri' naben chike, rije' kan k'o k'a ri nito'on kichin y kan k'o ronojel uchuq'a' pa ruq'a'; ri kan nitikir-wi nuben chi nitzolin pa kiq'a' ri kan kichin rije'.

Wuj Richin ri Miqueas 7:9

Roma roj kan xojmakun chuwech ri Jehová, jak'a xtiqakoch' ri royowal. Rokik ri', rija' xutz'et ri xqaben, y ja k'a rija' xtibin chi maneq qamak. Chirij ri' ri Jehová kan xtuya' chik ri saqil chiqe, y xtiqatz'et chi rija' kan choj pa qawi'.

1 Corintios 4:4

Yin ninna' chi kan jebel nubanon chire ri samaj. Jak'a man roma ta ri' yitikir ninbij chi ronojel ri nubanon, kan utz. K'a ja ri Cristo ri xtitz'eton ri nusamaj, y xtubij wi utz xinben chire ó xa man utz ta.

1 Pedro 2:23

Toq xebix poqon taq ch'abel chire, man xutzolij ta ruk'exel rik'in poqon taq ch'abel. Toq xban chire chi nutej poqon, man xubij ta chi nuben ruk'exel chike. Xa pa ruq'a' ri Dios ri kan pa ruchojmilal niq'aton-tzij xuya-wi ronojel ri xkiben chire.

1 Sam 24:15

Kan ja ri Jehová ri xtiq'aton-tzij pa qawi' roj oj ka'i'. Kan ja k'a rija' xtitz'eton ri nuk'aslen y kan xkiruto' pan aq'a' rat, xcha' ri David chire ri Saúl.