Wuj Richin Bix Chire ri Dios 42:4 - Kaqchiquel Bible

⁴ Toq noqaqa chinuk'u'x ronojel re', kan achike na k'a nuben ri wánima. Noqaqa k'a chinuk'u'x ri ojer toq in beneq kik'in ri tzobaj winaqi', y yenk'uaj k'a chupan ri awachoch. Y qonojel kan yojnimaq'ijun k'a, y ri qabix kan richin k'a kikoten y matioxinik.

Wuj Richin Bix Chire ri Dios 42:4 ပူးပေါင်းရင်းမြစ်များ

2 Rey 18:30

Man nikuquba' ik'u'x rik'in ri Jehová toq ri Ezequías nubij chiwe chi ri Jehová kan xkixrukol, y chuqa' chi ri itinamit man xtijach ta pa nuq'a', nicha' ri rey richin Asiria.

2 Rey 18:32

K'ari' rija' xkixruk'uaj-el pa jun chik ruwach'ulew ri junan rik'in ri iruwach'ulew rix. Y chiri' xkixtikir xtitik-qa jalajoj ruwech ixin y ri uva. Chiri' xtiben kaxlan-wey y vino. Ri ruwach'ulew ri' xtuya' aceite richin olivo, kab ri nikiya' ri taq chikopi'. Y keri' rix man xkixken ta, jak'a xa kan xkixk'ase' kan. Jak'a man tiwak'axaj ri nubij ri Ezequías roma rija' xa yixruq'ol toq nubij chi ri Jehová xkixrukol.

2 Crón 7:10

Y chirij chik ri nimaq'ij ri', chupan ri q'ij juwineq oxi', chire ri ruwuq ik', ri Salomón xerutaluj-el ri winaqi', richin xebe chi taq kachoch rik'in kikoten pa taq kánima roma ri xuben ri Jehová rik'in ri ánima David, rik'in ri Salomón y rik'in ri rutinamit Israel.

Wuj Richin ri Achin Job 29:2

¡Janila ninrayij chi yitzolej ta chupan ri ka'i' oxi' ik' kan chuwij, chupan ri q'ij toq kan ja wi ri Dios ri chajiyon wichin!

Wuj Richin Bix Chire ri Dios 100:4

Qojq'ax-apo rik'in matioxinik pan okibel chire ri rachoch. Qojok-apo chupan ri ruwa-jay rik'in bix. Kan qojmatioxin chire y tiqaya' ruq'ij.

Wuj Richin Bix Chire ri Dios 102:10

Ronojel re' nink'owisaj roma ri awoyowal ri yakatajineq chuwij. Rat xinachop richin xinak'eq pan ulew.

Wuj Richin Bix Chire ri Dios 115:2

Ri winaqi' ri man yatkitzeqelibej ta yojkiyojobej y nikibij: ¿Akuchi k'a k'o-wi ri ki-Dios?

Wuj Richin Bix Chire ri Dios 122:1

Yin kan janila k'a xikikot kik'in ri yebin chuwe, Jo', pa rachoch ri Jehová.

Wuj Richin Bix Chire ri Dios 122:8

Roma ri wajowabal pa kiwi' ri wach'alal y ri wachibil, kan xtinbij k'a yin: Ri uxlanibel-k'u'x xtik'oje' rik'in ri tinamit Jerusalem.

Wuj Richin Bix Chire ri Dios 55:14

Ri kan junan k'a xqayala' chiqawech ri qakikoten y ri k'o chi xqaben. Kan junan k'a qawech xojbe chupan ri rachoch ri Dios.

Wuj Richin Bix Chire ri Dios 62:8

Chi'iwonojel rix winaqi', jantape' tikuquba' ik'u'x rik'in. Titzijoj chire ronojel ri k'o pan iwánima, roma rija' kan jari' ri qatobal.

Wuj Richin Bix Chire ri Dios 79:10

Roma ri winaqi' ri man yatkitzeqelibej ta nikibij-pe: ¿Akuchi k'a k'o-wi ri i-Dios?, yecha'. Niqajo' chi rat naya' ruk'ayewal pa kiwi' ri winaqi' ri', roma xkiben chi xbiyin kikik'el ri qawinaq ri e asamajela'.

Wuj Richin Bix Chire ri Dios 80:6

Xaya' q'ij chi yojkiyojobej ri winaqi' ri ek'o chiqanaqaj, ri e etzelanel qichin kan yetze'en chiqij.

Wuj Richin ri Isaías 30:29

Jak'a chiwe rix nuwinaq israelita kan xtibebixex bix, achi'el toq niban nimaq'ij pa tinamit Sión. Kan xtikikot janila ri iwánima, achi'el nikikot kánima ri nikixupuj xul toq yejote-el pa Jerusalem richin nikiya' ruq'ij ri Jehová ri k'o janila ruchuq'a'.

Wuj Richin ri K'uxla'anik 2:19

Ri pa taq chi'aq'a', kixyakatej y tiraqa' ichi'. Toq nokoq'a-pe, kan tijaqa' ri iwánima chuwech ri qajaw. Tiyaka' ri aq'a' chuwech richin nik'utuj utzil pa kiwi' ri iwalk'ual, ri yeken-qa roma wayjal pa taq bey richin ri tinamit.

Wuj Richin ri K'uxla'anik 4:1

Ri q'anapueq xa kan janila k'a xq'eqer. Ri jebelej q'anapueq xa man nitz'intz'ot ta chik. Ri jebelej taq abej richin ri rachoch ri Dios xa kan e talutajineq k'a kan pa taq krusin-bey.

Ez 46:10

Y ri q'atoy-tzij k'o chi nok-apo pa nabey y chiri' nik'oje-wi, k'a toq yek'is na pe konojel winaqi', k'ari' nel-pe rija'.

Joel 2:17

Chuqa' ke'oq' ri sacerdote ri rusamajela' ri Jehová. Ke'oq' chukojol ri okibel richin ri rachoch ri Dios y ri porobel. Y tikibij: Jehová takuyu' janila qamak ri oj atinamit; man taya' q'ij richin ri ch'aqa' chik winaqi' yojkiyojobej, ni man taya' q'ij chi rije' yek'oje' pa qawi'. Man taya' q'ij chike richin nikibij: ¿Akuchi-k'o-wi ri ki-Dios?

Wuj Richin ri Nahum 1:15

Rix winaqi' aj-Judá titz'eta' ri achike k'amayon-pe ri utzilej rutzijol. Rija' kan peteneq k'a chuwa taq juyu'; kan peteneq k'a ri niq'alajirisan ri uxlanibel-k'u'x. Kan kixnimaq'ijun k'a rix aj-Judá; kan ke'iya' k'a ri isujun chire ri Jehová, roma man jun bey chik k'a xkepe chiwij ri e etzelanel iwichin. Rije' xa kan jumul k'a xkek'is-el.

San Lucas 16:25

Jak'a ri Abraham xubij chire: Toqaqa k'a chi'ak'u'x, chi toq xak'ase' chuwech ri ruwach'ulew, yalan jebel xak'owisaj ri ak'aslen, jak'a re Lázaro yalan tijoj-poqonal xuk'owisaj. Jak'a re wakami, rija' yalan jebel ri ruk'aslen ri xorila' wawe', y rat xa jun k'aslen richin tijoj-poqonal xawil.

Deut 16:11

Kan xkixnimaq'ijun k'a chuwech ri Jehová ri qa-Dios ri chiri' ri akuchi ruch'aron-wi rija', richin niya'ox ruq'ij, junan kik'in ri iwalk'ual, ri isamajela', ri levita ri xkek'oje' pan itinamit, ri winaqi' ri man e iwinaq ta, ri meba'i' y ri malkani' ri xkek'oje' chi'ikojol pa taq itinamit.

Wuj Richin ri Rut 1:21

Toq xinel-el re wawe' ronojel k'o wik'in, jak'a re wakami re xitzolin-pe, xa nuq'eten chik nuq'a', roma ri Jehová keri' ri xrajo' chuwe. Roma ri' man chik k'a tibij Noemí chuwe, roma ri Dios ri nitikir nuben ronojel, xuq'alajirisaj yan chiwech ronojel ri tijoj-poqonal ri xuya' pa nuwi', xcha' ri Noemí chike.