Wuj Richin Bix Chire ri Dios 42:10 - Kaqchiquel Bible

¹⁰ Ri q'axo'n ri nikiya' chuwe ri e etzelanel wichin kan k'a chupan ri nubaqil napon-wi. Ronojel q'ij nikik'utula' chuwe akuchi k'o-wi ri nu-Dios.

Wuj Richin Bix Chire ri Dios 42:10 ပူးပေါင်းရင်းမြစ်များ

Wuj Richin Bix Chire ri Dios 42:3

Kan chi paq'ij chi chaq'a' k'a yinoq' chawech rat. Ri woq'ej jari' ri nuway. Jak'a ri winaqi' chaq palik nikibij chuwe: ¿Akuchi k'a k'o-wi ri a-Dios richin yaruto'?

Joel 2:17

Chuqa' ke'oq' ri sacerdote ri rusamajela' ri Jehová. Ke'oq' chukojol ri okibel richin ri rachoch ri Dios y ri porobel. Y tikibij: Jehová takuyu' janila qamak ri oj atinamit; man taya' q'ij richin ri ch'aqa' chik winaqi' yojkiyojobej, ni man taya' q'ij chi rije' yek'oje' pa qawi'. Man taya' q'ij chike richin nikibij: ¿Akuchi-k'o-wi ri ki-Dios?

San Lucas 2:35

Kan roma k'a rija' toq xtibeq'alajin-pe ri etzelal ri k'o pa taq kánima ri winaqi'. Roma ronojel re', kan xtana' k'a chi kan achi'el jun espada ri xtiju'ux pan awánima, xcha' ri Simeón chire ri María.

Wuj Richin ri Miqueas 7:10

Rix ri ix etzelanel qichin kan xtitz'et ri xtibanatej. Kan xkixk'ixbitej k'a janila, rix ri xixtze'en chiqij, ri kan nibila' chiqe chi akuchi k'o-wi ri Jehová ri qa-Dios. Wakami k'a xtiqatz'et ri xtiberuk'uluwachij ri iruwach'ulew. Rix kan xkixbexolq'otix achi'el ri ch'abeq ri k'o pa taq bey.

Wuj Richin Etamabel-Tzij 12:18

Ek'o winaqi' ri man nikipoqonaj ta yech'on, y ri kich'abel xa yesokon achi'el espada; jak'a ri kaq' ri kan k'o-wi na'oj kik'in, ri ch'abel ri yekibij kan ye'aq'oman k'a.

Wuj Richin Bix Chire ri Dios 43:2

Nu-Dios yin, kan ja wi rat ri at nutobal. ¿Achike k'a roma in amalin kan? ¿Achike roma chaq xkibison roma ri q'axo'n ri nikiben chuwe ri e etzelanel wichin?

Wuj Richin Bix Chire ri Dios 55:4

Kan janila k'a niq'axon ri wánima, yin ninna' chi ri kamik niqaqa yan pa nuwi'.

Wuj Richin ri K'uxla'anik 5:20

¿Achike k'a roma achi'el oj amestan kan jumul? ¿Achike k'a roma kan k'iy yan chik juna' ri oj amalin kan?