Wuj Richin Bix Chire ri Dios 41:9 - Kaqchiquel Bible

⁹ Jajun ri wachibil ri achoq ik'in nukuquban-wi nuk'u'x, y chuqa' kan wik'in yin nutej-wi ruway, kan xyakatej chuwij.

Wuj Richin Bix Chire ri Dios 41:9 ပူးပေါင်းရင်းမြစ်များ

2 Sam 15:12

Rokik ri Absalón nusuj ri kamelabel chuwech ri Jehová, jari' toq xroyoj ri Ahitófel ri aj-Guiló, pixabanel richin ri David. Y ri yakatajinenri'il ri' kan ik'owineq chik ruwi' ri ruchuq'a', y kan e k'iy k'a ri winaqi' ri xetzeqeliben richin ri Absalón.

Wuj Richin ri Achin Job 19:13

Ri Dios kan xuben k'a chike ri wach'alal chi xkich'er-el-ki' chuwe yin, y ri e etamayon nuwech chi achi'el xa man jun bey xqachibilaj-qi' kik'in.

Wuj Richin ri Achin Job 19:19

Konojel k'a ri wachibil ri kan jantape' xek'oje' wik'in, wakami xa yinketzelaj. Kan konojel k'a ri janila e wajowan, xa xeyakatej chuwij.

Wuj Richin Bix Chire ri Dios 101:3

Kan man xkentzu' ta k'a ri xa man e choj ta; ri kibanobal ri nikich'er kan ki' awik'in kan ninwetzelaj. Kan man xtinya' ta k'a q'ij chi jun chike rije' xtijel-pe wik'in.

Wuj Richin ri Jeremías 20:10

Roma kan ninwak'axaj toq ri winaqi' yinkiyojobej y yejasjot y nikibij: K'o xibinri'il xabakuchi y nikibij: Qabesujuj, yecha'. Jajun ri wachibil koyoben chi yin k'o ta jun ninbij ri man ta nibanatej. Y roma ri' nikibij: Rik'in juba' xtuq'ol-ri' ruyon rija' y k'ari' xqojyakatej roj chirij y xtiqaya' rutojbalil pa ruwi', yecha'.

Wuj Richin ri Abdías 1:7

Konojel ri man e iwinaq ta ri xjunamatej-kiwech iwik'in, xa xkixkiq'ol y xkixkelesaj chupan ri iwulew. Stape' xkiben tununri'il iwik'in, xa xkeyakatej-pe richin xkixketzelaj kan. Y stape' xkitijla' ri ikaxlan-way, xa xtikiya' pikbel pan ibey. Y rix man jun xtiq'ax chiwech.

Wuj Richin ri Miqueas 7:5

Man tikuquba' ik'u'x kik'in ri iwachpochel ni ri iwachibil. Ni kik'in ri iwixjayilal man tikuquba' ik'u'x. Kan man jun titzijoj chike.

San Mateo 26:23

Ri Jesús xubij chike: Jun k'a chiwe rix ri numuba-pe ruway wik'in pa leq, jari' ri xtijacho-el wichin.

San Juan 13:18

Kan ninbij k'a chi man chi'iwonojel ta keri' xtiben, roma yin kan wetaman iwech chi'iwonojel ri xixincha'. Y chuqa' ri tz'ibatel kan, k'o k'a chi nibanatej na, roma nubij: Jajun ri wachibil ri kan nutej ruway wik'in, kan xyakatej chuwij, nicha'.*f18*

Deut 32:15

Jak'a rix aj-Jesurún,*f5* toq jebel xixtzuq yan, xa xixyakatej chirij ri xilin iwichin. Rix xixok k'a achi'el jun chikop ri liq'-liq' rij, kan jebel k'a xixti'ojir. Jari' toq kan xipiskolij-el-iwi', jari' toq xixbe nej chire ri Dios ri xbanon iwichin. Xa xiwetzelaj kan ri Dios, ri nimalej abej, ri akuchi xiwil to'onik.