Wuj Richin Bix Chire ri Dios 41:10 - Kaqchiquel Bible

¹⁰ Jak'a rat Jehová tabana' utzil chuwe richin xkinayek-el chuwech ri nuwarabel, richin xtinya' rutojbalil chike chire ronojel ri xkiben chuwe.

Wuj Richin Bix Chire ri Dios 41:10 ပူးပေါင်းရင်းမြစ်များ

2 Sam 15:12

Rokik ri Absalón nusuj ri kamelabel chuwech ri Jehová, jari' toq xroyoj ri Ahitófel ri aj-Guiló, pixabanel richin ri David. Y ri yakatajinenri'il ri' kan ik'owineq chik ruwi' ri ruchuq'a', y kan e k'iy k'a ri winaqi' ri xetzeqeliben richin ri Absalón.

Wuj Richin ri Achin Job 19:19

Konojel k'a ri wachibil ri kan jantape' xek'oje' wik'in, wakami xa yinketzelaj. Kan konojel k'a ri janila e wajowan, xa xeyakatej chuwij.

Wuj Richin Bix Chire ri Dios 3:3

Jak'a rat Jehová at to'onel wichin yin; rat ri yabanon chuwe chi k'o ruwa-nuq'ij y naben chuwe richin chi yitikir ninyek-wi'.

Wuj Richin Bix Chire ri Dios 55:13

Jak'a xa man keri' ta, roma xa kan ja ri jun ri k'o más naqaj chuwe yin ri xyakatej chuwij, jun ri kan xubananej chi kan xok wachibil.

Wuj Richin Bix Chire ri Dios 55:14

Ri kan junan k'a xqayala' chiqawech ri qakikoten y ri k'o chi xqaben. Kan junan k'a qawech xojbe chupan ri rachoch ri Dios.

Wuj Richin Bix Chire ri Dios 57:1

Tabana' utzil tajoyowaj nuwech nu-Dios yin, taya' ri awutzil pa nuwi'; roma awik'in rat nukuquban-wi nuk'u'x y kan awik'in k'a rat ninto-wi-wi', k'a toq xtiq'ax na ri ruk'ayewal.

Wuj Richin ri Jeremías 20:10

Roma kan ninwak'axaj toq ri winaqi' yinkiyojobej y yejasjot y nikibij: K'o xibinri'il xabakuchi y nikibij: Qabesujuj, yecha'. Jajun ri wachibil koyoben chi yin k'o ta jun ninbij ri man ta nibanatej. Y roma ri' nikibij: Rik'in juba' xtuq'ol-ri' ruyon rija' y k'ari' xqojyakatej roj chirij y xtiqaya' rutojbalil pa ruwi', yecha'.

Wuj Richin ri Abdías 1:7

Konojel ri man e iwinaq ta ri xjunamatej-kiwech iwik'in, xa xkixkiq'ol y xkixkelesaj chupan ri iwulew. Stape' xkiben tununri'il iwik'in, xa xkeyakatej-pe richin xkixketzelaj kan. Y stape' xkitijla' ri ikaxlan-way, xa xtikiya' pikbel pan ibey. Y rix man jun xtiq'ax chiwech.

San Lucas 19:27

Wakami, ninwajo' chi ye'ik'en-pe ri xe'ajowan chi man ta xinok kan rey. Y k'a ja re chinuwech yin ke'ikamisala-wi, xcha' ri rey. Keri' xubij ri Jesús.