Wuj Richin Bix Chire ri Dios 41:1 - Kaqchiquel Bible

¹ Jebel ruwa-ruq'ij ri wineq ri yeruto' ri ek'o pa meba'il. Toq xtipe ri q'ij richin ruk'ayewal, kan xtito'ox roma ri Jehová.

Wuj Richin Bix Chire ri Dios 41:1 ပူးပေါင်းရင်းမြစ်များ

Wuj Richin Etamabel-Tzij 19:17

Ri kan k'o ri nuya' chire jun wineq ri man jun ok k'o rik'in, xa achi'el jun qajo'n ri nuya' chire ri Jehová, y ri Jehová kan nuya-wi rutzij chi kan nuya' rajel-ruk'exel chikijujunal ri utzil.

Wuj Richin Etamabel-Tzij 14:21

Ri wineq ri kan nrixowaj ri rachk'uljay, kan mak wi ri nuben; jak'a ri wineq ri kan nujoyowaj ruwech ri man jun k'o rik'in, jebel ruwa-ruq'ij.

Hechos 20:35

Yin kan xink'ut k'a chiwech chi nik'atzin chi yixsamej richin nich'ek iméro richin chi rik'in ri' ye'itobej ri nik'atzin kito'ik. Toqaqa k'a chi'ik'u'x ri rubin kan ri ajaw Jesús chi más nikikot ránima ri wineq ri nisipan ke chuwech ri nik'ulun jun sipanik, xcha'.

Santiago 2:13

Roma wi man xtijoyowaj ta kiwech ri ch'aqa' chik winaqi', ri Dios man xtujoyowaj ta chuqa' iwech rix chupan ri q'ij toq xtuq'et-tzij. Jak'a wi xtijoyowaj kiwech ri ch'aqa' chik, xkixch'akon, roma ri Dios chuqa' xtujoyowaj iwech rix chupan ri q'ij ri'.

Hebreos 6:10

Ri Dios kan choj wi, y roma ri' man xtumestaj ta ri samaj ri ibanon-pe, y ri ajowabel ri k'o iwik'in, roma e ito'on-pe ri ch'aqa' chik ralk'ual ri Dios, y k'a ye'ito' na.

Wuj Richin Bix Chire ri Dios 37:19

Ri choj kik'aslen, stape' k'o ruk'ayewal, kan man xkek'oje' ta pa k'ayew. Stape' xtipe jun nimalej wayjal chikij, rije' kan man xkewayjan ta.

Wuj Richin Bix Chire ri Dios 112:9

Rija' kan man k'ek' ta; kan yeruto' ri man jun k'o kik'in. Ri ruchojmilal kan jari' ri nuben jantape'. Rija' xtuk'ul ruwaq'ijaj jantape'.

Marcos 14:7

Roma ri winaqi' ri man jun k'o kik'in xa kan jantape' k'a ek'o chi'ikojol, y xabachike q'ij niwajo' ye'ito', kan tibana' k'a utzil chike. Jak'a yin man jantape' ta xkik'oje' iwik'in.

Wuj Richin Bix Chire ri Dios 37:26

Ri choj ruk'aslen jantape' k'o joyowanik rik'in, y nuya' ri niqaj chire. Y koma ri ralk'ual nikil urtisanik ch'aqa' chik winaqi'.

Apocalipsis 3:10

Y roma kan itaqen rik'in koch'onik ri nubij ri nuch'abel; yin kan xkixinchajij k'a chuwech ri ruk'ayewal ri xtipe pa ruwi' ri ruwach'ulew richin yetejtobex konojel ri winaqi'.

Gálatas 2:10

Xaxe k'a xkichilabej-pe chiqe chi kan ke'oqaqa chiqak'u'x ri man jun k'o kik'in ri ek'o pa Jerusalem. Y jari' ri nintej nuq'ij ninben.

1 Tesalonicenses 5:14

Chuqa', qach'alal, ke'ipixabaj ri qach'alal ri k'o kiq'oral. Y ri qach'alal ri xa ka'i' kik'u'x rubanon, tikuqubala' kik'u'x. Y ri man jani k'o ta kuchuq'a' jebel chupan ri kik'aslen rik'in ri Jesucristo, kan ke'itola'. Y chuqa' ke'ikoch'ola' konojel.

Wuj Richin Etamabel-Tzij 16:14

Toq kan royowal ri rey, jari' ri nibin chi kan k'o-wi ri xtuteq pa kamik ri q'ij ri'; jak'a ri wineq ri kan k'o runa'oj, nitikir nuben chi niqaqa ruwi' ri royowal ri rey.

Wuj Richin Bix Chire ri Dios 34:19

Ri choj kik'aslen kan k'iy-wi q'axo'n ri nikiq'axaj. Jak'a ri Jehová kan yerelesaj k'a chupan ronojel re'.

Wuj Richin ri Molojri'il 12:1

Kan tik'oje' chi'ak'u'x chupan chijun ri ak'aslen y man tamestaj ri k'iytisanel awichin. Rokik k'a at k'ajol na y man jani katapon chupan ri ajuna' toq xtabij: Ronojel ri k'o xa man jun chik kikoten nuk'en-pe chuwe.

Wuj Richin ri Rut 2:19

Roma ri' ri ralite' xuk'utuj chire: ¿Akuchi k'a xapich'olin-wi? Ja ta ri Dios xtiya'on urtisanik pa ruwi' ri achin ri xato'on, xcha' ri Noemí. Y ri Rut xutzijoj k'a chire ri ralite' chi ri ulew ri akuchi xpich'olin-wi, richin jun achin rubini'an Booz.

Wuj Richin ri Jeremías 39:17

Jak'a yin chupan ri q'ij ri', xkatinkol chuwech ronojel y keri' kan man xkaqaqa ta pa kiq'a' ri achoq chuwech janila naxibij-awi'.