Wuj Richin Bix Chire ri Dios 40:6 - Kaqchiquel Bible

⁶ Rat kan man yakikot ta k'a rik'in ri jalajoj kiwech sipanik. Man ak'utun ta ri chikop ri niporox jumul, ni ta ri kamelabel richin kuyubel-mak. Pa ruk'exel re', xaben chuwe richin xinwak'axaj ri ach'abel.

Wuj Richin Bix Chire ri Dios 40:6 ပူးပေါင်းရင်းမြစ်များ

Wuj Richin ri Achin Job 33:16

Ri Dios kan nich'on chuqa' pa ja's pa ruxikin ri wineq, toq nubij chire ri achike nibebanatej, kan nipe k'a jun nimalej xibinri'il chire.

Wuj Richin ri Achin Job 5:9

Kan pa ruq'a' ta ri Dios ninjech-wi, roma rija' kan yeruben nima'q taq banobel ri man yeq'ax ta chiqawech, y kan meyel taq banobel ri yeruben, y man e ajlatel ta.

Wuj Richin Bix Chire ri Dios 139:17

¡Nimalej Dios, ri ach'obonik kan janila k'a e k'ayew chinuwech yin, Y kan man e ajlatel ta chuqa'!

Wuj Richin Bix Chire ri Dios 139:18

Roma kan janila k'iy, kan achi'el k'a ri rajlabal ri sanayi'. Y wi ta yin ninchop rajlaxik xa nipe-qa nuwaran y toq nuna' nuwech, rat kan k'a atk'o na wik'in.

Wuj Richin Bix Chire ri Dios 50:8

Man yixinch'olij ta roma ri isipanik, ni man roma ta ri chikopi' ri ye'iporoj jumul, ri jantape' ek'o chinuwech yin.

Wuj Richin Bix Chire ri Dios 51:16

Rat kan man niqa' ta k'a chawech chi yin ninsuj kamelabel chawe. Man nawajo' ta chi ninporoj chikop chawech.

Wuj Richin Bix Chire ri Dios 71:15

Yin kan chijun q'ij k'a xtintzijoj ri ruchojmilal ri naben rat. Xtintzijoj k'a ri rubanik richin xojakol, stape' man yitikir ta ninbij ronojel, roma man e ajlatel ta.

Ex 21:6

Jari' toq ri rajaw xtuk'uaj ri achin ri', richin chi niberuq'alajirisaj kan chikiwech ri to'onela'. Y k'ari' rija' xtutz'araba-apo ri ruxikin ri rusamajel chuwech ri che' ri chapayon ri ruchi' ri jay, o chuwech ri tz'alem richin ri ruchi-jay, richin nuwop rik'in jun ch'ich' ri is-is rutza'n. Jare' k'a ri xtok retal chi re achin re' xyuqe' kan pa samaj rik'in richin jantape'.

Wuj Richin ri Isaías 1:11

¿Achike ta k'a nik'atzin chuwe ri janila chi kamelabel ri niben? Kan xik'o yan nuk'u'x rik'in ri poron taq karne'l, y ri kiq'anal ri e tiojirisan taq chikopi'. Man ninrayij ta chik ri kikik'el ri bóyix, ni kichin ri alaji' taq karne'l ni ri taq tzuntzun.

Wuj Richin ri Isaías 25:1

Ja rat Jehová, ja rat ri at qa-Dios, xtiqanimirisaj y xtiqabixaj ri abi'. Ri ojer kan rat xach'ob xe'aben meyel taq banobel, y wakami kan xaben ri xabij. Kan xaben ri xasuj.

Wuj Richin ri Isaías 66:3

Ek'o winaqi' ri nikisuj jun bóyix chuwe, y k'ari' nibekikamisaj kan jun kiwinaq. Rije' nikisuj jun karne'l chuwe, y k'ari' nikisuj jun tz'i' chire ri ki-dios. Nikisuj jalajoj kiwech trigo chuwe, y k'ari' nikisuj ri rukik'el jun aq chire ri dios ri'. Nikisuj pom chuwe yin, y k'ari' nikiya' chik ruq'ij jun wachibel. Ri winaqi' ri' xa kan chikijujunal xkicha' ri achike xkiben, y kan janila xkajo' ri kan ninwetzelaj yin.

Os 6:6

Yin ninwajo' chi rix kan ta rik'in ronojel iwánima yiniwajo' y man ja ta ri kamelabel ri nisujula-pe chinuwech. Ri niya' wejqalen yin kan más rejqalen chikiwech ri poron chikopi'.

Am 5:22

Man ninwajo' ta nisuj chikop ri niporox chijun. Man nink'awomaj ta ri sipanik richin jalajoj ruwech ixin. Toq nik'en-pe ri sipanik ri niq'alajirisan chi junan iwech wik'in, re' kan man jun rejqalen chinuwech yin.

San Mateo 12:7

Rix man ta xixtikir xibij chi man utz ta ri yetajin chubanik ri nutijoxela', xa ta kan iwetaman achike nik'ulun-wi chi tzij ri nubij: Ninwajo' chi rix kan ta rik'in ronojel iwánima yiniwajo' y man ja ta ri kamelabel ri nisujula-pe chinuwech, keri' ri tz'ibatel kan.*f18*

San Mateo 9:13

K'ari' xubij chik: Yin man xipe ta chikikanoxik ri winaqi' ri choj kik'aslen. Yin xipe chikikanoxik ri man choj ta kik'aslen richin nitzolej-pe kik'u'x. Kixbiyin k'a chukanoxik chupan ri pixa' y chi retamaxik ri achike nik'ulun-wi ri nubij ri Dios: Yin ninwajo' chi rix kan ta rik'in ronojel iwánima yiniwajo' y man ja ta ri kamelabel ri nisujula-pe chinuwech, nicha' ri pixa', xcha'.*f16*

1 Sam 15:22

Y ri Samuel xubij: Ri Jehová kan más k'a niqa' chuwech chi ninimex ri rutzij. Man ja ta ri naporoj chikop ri niqa' chuwech, Man ja ta ri nasuj kamelabel ri niqa' chuwech. Rija' kan más k'a nikikot rik'in ri niniman-tzij ke chuwech nasuj kamelabel chuwech. Más rejqalen ri nanimaj rutzij ke chuwech ri ruq'anal ri chikop.