Wuj Richin Bix Chire ri Dios 40:12 - Kaqchiquel Bible

¹² Roma janila ruk'ayewal ri nuk'uluwachin kan man yitikir ta ninwajlaj. Ri numak kan xiruq'i' yan, y roma ri' kan man yitikir ta chik yitzu'un. Kan más k'a xek'iyer ke chuwech ri rusumal-nuwi', y kan janila xinmalij-qa nuk'u'x.

Wuj Richin Bix Chire ri Dios 40:12 ပူးပေါင်းရင်းမြစ်များ

Wuj Richin Bix Chire ri Dios 38:4

Y roma ri ralal kan yijiq' yan. Kan achi'el k'a jun ejqa'n rubanon chuwij, ri kan man yitikir ta nink'uaj.

Wuj Richin Bix Chire ri Dios 73:26

Ri nuch'akul y ri wánima xa nik'is-qa kuchuq'a', jak'a rat Jehová naya' wuchuq'a' y jantape' k'a naya' ri nik'atzin chuwe.

Wuj Richin Bix Chire ri Dios 69:4

Yinketzelaj y xa man jun achike ta roma; janila k'a xek'iyer, y kan man e ajlatel ta chik, kan más chik k'a xek'iyer ke chuwech ri rusumal-nuwi'. Ri e etzelanel wichin kan xk'oje' k'a kuchuq'a'. Kan nikich'ojij k'a chuwe ri xa man xinweleq'aj ta.

Wuj Richin Bix Chire ri Dios 116:3

Yin kan chuwi' kamik chik k'a ink'o-wi. Ri rukiy ri jul muqbel kamineq xa kan xoqaqa yan k'a chuwij. Xa kan ruyon chik k'a bis y q'axo'n ri wilon.

Wuj Richin Bix Chire ri Dios 19:12

¿Achike ta k'a wineq ri nitikir nutz'et-qa-ri' chire ri man ja ta ri yeruben? Roma ri' tabana' utzil Jehová, takuyu' ri numak ri kan man yitikir ta nintz'et-qa yin.

Wuj Richin ri Isaías 53:6

Chiqajujunal k'a roj xqaben ri xqa' chiqawech, achi'el ri taq karne'l ri kitalun-ki', y chikijujunal nikikanoj kibey. Jak'a ri Jehová xuya' pa tijoj-poqonal ri rusamajel roma re mak re'.

1 Pedro 3:18

Roma ri Cristo xutej chuqa' poqon xaxe jun bey roma ri mak.stape' ri ruk'aslen rija' kan choj wi, jak'a kan xken pa ruk'exel ri itzel ruk'aslen. Y rik'in ri' yojruk'uaj chuwech ri Dios. Stape' rija' xken rik'in ri ruch'akul richin wineq, jak'a kan xk'astej rik'in ri espíritu.

Hebreos 4:15

Ri qanimalej sacerdote kan retaman ri niqana' toq man jun quchuq'a', roma toq xk'oje' re wawe' chuwech re ruwach'ulew, rija' xtejtobex rik'in ronojel ruwech mak, achi'el yojtejtobex roj; xaxe rija' man xmakun ta.

San Lucas 21:26

Ri winaqi' kan xkemayamo-qa roma xibinri'il roma xtikich'ob rij ronojel ri xtipe pa ruwi' re ruwach'ulew. Roma ronojel ri nimalej taq uchuq'a' ri e richin ri chikaj xkesilon roma ri ruchuq'a' ri Dios.

Wuj Richin ri Rutikeribel 42:28

Y rija' xubij k'a chike ri rach'alal: Ri nu-méro xa xtzolix-pe chuwe. Jare' k'o pa nu-costal, xcha'. Y rije' janila xuxibij-ri' ri kánima y yebaybot roma xibinri'il, y xkibila-qa chikiwech: ¿Achike k'a roma kere' nuben ri Dios qik'in?, xecha'.

Wuj Richin Bix Chire ri Dios 61:8

Keri', kan xtinbixaj ri abi' richin jantape'. Kan xtinben k'a ri nusujun chawech ronojel q'ij.