Wuj Richin Bix Chire ri Dios 4:8 - Kaqchiquel Bible

⁸ Rik'in uxlanibel-k'u'x xkikotz'e-qa y keri' xkiwer jebel; roma xaxe rat Jehová ri yabanon chuwe chi kuqul nuk'u'x yik'ase'.

Wuj Richin Bix Chire ri Dios 4:8 ပူးပေါင်းရင်းမြစ်များ

Wuj Richin Etamabel-Tzij 3:24

Jari' chuqa' xtibanon chiwe chi toq yixkotz'e-qa, man xtixibij ta iwi', y chuqa' toq yixkotz'e-qa, kan jebel xkixwer ri junaq'a'.

Wuj Richin Bix Chire ri Dios 3:5

Yin xikotz'e-qa y xiwer, xik'astej chik el, roma kan ja rat ri xato'on wichin.

1 Tesalonicenses 5:10

Rija' xken qoma roj, richin keri', wi k'a oj k'es na wawe' chuwech re ruwach'ulew, niqak'ul qak'aslen rik'in rija'. Y wi oj kaminaqi' chik el, k'o chuqa' qak'aslen rik'in rija'.

Deut 12:10

Kan napon yan k'a ri q'ij chi xtiq'axaj ri raqen-ya' Jordán y xkixbek'oje' chupan ri ruwach'ulew ri xtiberuya' chiwe. Chiri' rija' kan xtuya' k'a uxlanenri'il chiwe pa kiq'a' ri etzelanel iwichin ri ek'o chi'inaqaj, y kan kuqul k'a ik'u'x xkixk'ase'.

Wuj Richin ri Chojmirisabelri'il 26:5

Kan janila k'a xtiwachin ri jalajoj ruwech ixin, y k'a yixtajin na k'a chuch'ayik ja ri' toq xtapon chik ri q'ij richin xtiwachin ri uva. Y yixtajin na k'a chuwuxik ri uva ri' toq napon chik ri q'ij richin yixtikon chik qa jun bey. Roma ri' xkixwa' jebel y kan xtich'uch'u' ri iwánima, y rik'in k'a ch'uch'ujil xkixk'oje' chiri' pa iruwach'ulew.

Os 2:18

Roma ri nutinamit Israel, toq xtapon k'a ri q'ij ri', xtinben jun jikibel-tzij kik'in ri chikopi'; kik'in ri k'uxunela' taq chikopi', kik'in ri aj-xik' taq chikopi' y kik'in ri kumatzi'. Xtinpaba' k'a ronojel oyowalen chirij, xtinben k'a chi kan kuqul kik'u'x xkek'ase'.

Apocalipsis 14:13

Chirij ri' xinwak'axaj chi k'o jun ri nich'on-pe k'a chila' chikaj y nubij: Tatz'ibaj k'a re xtinbij chawe; kan jebel k'a ruwa-kiq'ij konojel ri xkeken-apo ri kikuquban kik'u'x rik'in ri Jesús, xcha'. Y xinwak'axaj chuqa' chi ri Loq'olej Espíritu xubij: Ja', roma kan xke'uxlan chire ri kisamaj, y ri kisamaj kan xtikachibilaj-el, xcha'.

Ez 34:25

Chupan ri q'ij ri' xtinben k'a jun tununri'il kik'in ri iwinaq richin chi xtinjikiba' chike jun k'aslen richin uxlanenri'il, achi'el jun yuq'unel yeruk'is ri k'uxunela' taq chikopi' richin chi rije' yek'ase' rik'in ch'uch'ujil y xkewer k'a pa taq juyu' y pa taq k'echelaj.

Wuj Richin Bix Chire ri Dios 16:11

Xtak'ut k'a chinuwech ri bey richin k'aslen. Awik'in rat kan k'o kikoten richin jantape'. Kan jebel k'a ri k'aslen awik'in rat

Wuj Richin ri Isaías 9:2

Ri qawinaq ri ek'o pa jun nimalej q'equ'm, kan xtikitz'et jun nimalej saqil. Ri xek'ase' chupan jun ruwach'ulew ri kan xkitz'et ruwech kikamik, jak'a re wakami ri saqil kan xkerusaqirisaj.