Wuj Richin Bix Chire ri Dios 4:6 - Kaqchiquel Bible

⁶ E k'iy ri nikik'utuj y nikibij: ¿Achike ta xtik'utu chiqawech ri utz?, yecha'. Tabana' utzil Jehová, taya' ri awutzil pa qawi' roj.

Wuj Richin Bix Chire ri Dios 4:6 ပူးပေါင်းရင်းမြစ်များ

Wuj Richin Bix Chire ri Dios 80:19

Nimalej Dios tabana' utzil, tabana' chik qik'in achi'el ri abanon-pe. Taya' ri awutzil pa qawi', y qojakolo'.

Wuj Richin ri Q'axanri'il 6:26

Kan xkixrutzu' ta k'a pe ri Jehová y xtuya' ta uxlanibel-k'u'x chiwe.

Wuj Richin Bix Chire ri Dios 119:135

Tabana' utzil tajoyowaj nuwech yin ri in asamajel. Kan tak'utu' chinuwech ri apixa'.

Wuj Richin Bix Chire ri Dios 80:7

Nimalej Dios k'iytisanel richin ronojel, tabana' utzil tabana' chik qik'in achi'el ri abanon-pe. Taya' ri awutzil pa qawi' richin yojakol.

Wuj Richin Bix Chire ri Dios 89:15

Jebel ruwa-kiq'ij ri nikiya' aq'ij rik'in bix, kan yebiyin k'a rik'in ri awutzil.

Wuj Richin Bix Chire ri Dios 67:1

Ri Dios kan ta xtujoyowaj qawech y xqojrurtisaj. Kan ta k'a xtuya' ri rutzil pa qawi', rik'in ajowabel.

San Lucas 16:19

Ri Jesús xubij k'a: Xk'oje' k'a jun achin ri janila beyom. Rija' ruyon k'a jebel taq tzieq ri jotol kajel ri yerukusala', y q'ij-q'ij nubanala' nima'q taq wa'in.

Wuj Richin Bix Chire ri Dios 44:3

Rije', man roma ta ri kikamisabal xe'ok kan chuwech ri ruwach'ulew ri', ni man ja ta ri kuchuq'a' rije' ri xekolo. Kan ja ri awijkiq'a' y ri asaqil rat kik'in rije' ri xbanon chike chi xech'akon, Kere' xaben kik'in roma kan xeqa' chawech.

Wuj Richin Bix Chire ri Dios 39:6

Kan qitzij na wi chi ri nuk'aslen xa kan chi'anin niq'ax achi'el jun mach'ach'il. Ri nukosik xa kan man jun rejqalen. Xinmol janila chi beyomel, jak'a man wetaman ta ri achike xtichinan kan.

Wuj Richin Bix Chire ri Dios 21:6

Kan jantape' k'a anojisan rik'in urtisanik. Kan janila nikikot, roma kan atk'o rik'in.

Santiago 4:13

Y wakami tiwak'axaj k'a rix ri nibij: Wakami o chua'q yojbe pa jun chik tinamit richin yojk'oje' chiri' jun juna', richin yojloq'on y yojk'ayin richin niqach'ek qaméro, yixcha'.

San Lucas 12:19

Xtinbij-qa pa wánima chi janila k'o wik'in y k'iy juna' man xtintej ta wayjal. Xkikikot k'a, y xkinuxlan. Xkiwa' y xkinuk'ya', xcha-qa ri beyom.

Wuj Richin ri Isaías 55:2

¿Achike roma nisech ri iméro chuwech ri xa man tijel ta? ¿Achike roma nisech ri rajel ri isamaj chuwech ri xa man jun nuk'en-pe chiwe? Wi rix kan xtinimaj nutzij, kan k'iy k'a ri xtitej ri janila jebel.

Wuj Richin Bix Chire ri Dios 42:5

¿Achike roma yimayamo' yan qa? ¿Achike roma janila yibison? Yin kan nukuquban nuk'u'x rik'in ri Dios, y kan beneq ruwech xtinya' ruq'ij, roma rija' nukolonel y nu-Dios yin.

Deut 33:19

Kan xtiwelesaj beyomel chiri' chuchi' ri choy, kan k'a chuchi' ri choy xtiwil beyomel. Roma ri' xke'iwoyoj konojel ri iwinaq chiri' pa ruwi' ri juyu' richin yixnimaq'ijun; y chiri' xtisuj kamelabel richin ruchojmilal.

Wuj Richin ri Malaquías 3:3

Y rija' kan xtitz'uye' pa rutz'uyubal richin xtuben ri q'atoj-tzij pan iwi' rix sacerdote. Kan xkixruch'ajch'ojirisaj achi'el yech'ajch'ojirisex ri q'anapueq y ri saqipueq toq yeq'axex pa q'aq', richin xtik'en-pe isipanik rik'in chojmilal.