Wuj Richin Bix Chire ri Dios 39:7 - Kaqchiquel Bible

⁷ Wakami k'a wajaw ¿Achike ta chik k'a xtinwoyobej? Yin kan awik'in k'a rat nukuquban-wi nuk'u'x.

Wuj Richin Bix Chire ri Dios 39:7 ပူးပေါင်းရင်းမြစ်များ

Wuj Richin ri Rutikeribel 49:18

Yin kan ninwoyobej k'a ri akolotajik rat Jehová, xcha'.

Wuj Richin ri Achin Job 13:15

Y stape' ri Dios kan yirukamisaj, yin kan nukuquban nuk'u'x rik'in. Chuqa' xtinq'alajirisaj chuwech rija' ri rubanik ri nuk'aslen.

Wuj Richin ri Achin Job 14:2

Ri k'aslen nik'ulun-pe, achi'el nik'ulun-pe jun kotz'i'j, y xa chi'anin nimayer-qa. Chuqa' achi'el ri muj ri xa junanin niq'ax-el.

Wuj Richin Bix Chire ri Dios 119:166

Jehová, yin kan woyoben k'a richin yinakol. Kan jantape' nubanon-pe ri nubij ri apixa'.

Wuj Richin Bix Chire ri Dios 119:81

Ri wánima kan nilawalo' yan qa chi royobexik ri kolotajik ri naya' rat Jehová. Kan jantape' k'a xtinkuquba' nuk'u'x rik'in ri ach'abel.

Wuj Richin Bix Chire ri Dios 38:15

Roma ri' yin kan woyoben chi rat Jehová yato'on wichin. Rat xkach'on pa nuwi' yin, Jehová nu-Dios.

Wuj Richin Bix Chire ri Dios 49:11

Stape' xkiya' ri kibi' rije' chire ri kulew y ri kachoch kichin ri kijatzul, kan jak'a ri muqbel kamineq, jari' ri kachoch richin q'asen. Chiri' k'a xkek'oje-wi jantape'.

Wuj Richin ri Molojri'il 2:21

roma jun achin ri nisamej rik'in na'oj, rik'in etamabel y rik'in ruchojmilal k'o chi nuya' kan ri rubeyomel chire jun chik ri xa man jun xuben chuch'akik. Re' chuqa' xa kan q'axel y man ruk'amon ta.

Wuj Richin ri Molojri'il 4:8

Etaman k'a chirij jun achin ri xa ruyon k'o: Maneq rixjayil, maneq ralk'ual y man jun chuqa' rach'alal. Man rik'in ri' man nitane' ta chi samaj y man nikuqer ta ruk'u'x rik'in ri rubeyomel ri rumolon chik y kan man nubij ta qa juba', ¿achoq roma k'a janila yisamej? Y ¿achike roma man yik'ase' ta juba' chi utzil man nicha' ta qa? Ronojel re' xa kan q'axel y janila samaj ruk'amon-pe.

San Lucas 2:25

Ri chiri' pa Jerusalem k'o jun achin rubini'an Simeón. Rija' choj ri ruk'aslen y ya'ol ruq'ij ri Dios. Kan k'o-wi ri Loq'olej Espíritu rik'in y royoben toq xtipe ri Cristo chukolik ri tinamit Israel.

Romanos 15:13

Ri Dios nuben k'a chiwe chi jantape' kuqul-apo ik'u'x rik'in. Y ri nurayibel yin chiwe rix, chi rija' nunojisaj ta ri iwánima rik'in ronojel kikoten y uxlanen roma ri kuqubabel-ik'u'x. Richin keri' xkixruto' ta rik'in ri ruchuq'a' ri Loq'olej Espíritu, richin chi kan kuqul ik'u'x niwoyobej ri rutzil ri Dios.