Wuj Richin Bix Chire ri Dios 39:6 - Kaqchiquel Bible

⁶ Kan qitzij na wi chi ri nuk'aslen xa kan chi'anin niq'ax achi'el jun mach'ach'il. Ri nukosik xa kan man jun rejqalen. Xinmol janila chi beyomel, jak'a man wetaman ta ri achike xtichinan kan.

Wuj Richin Bix Chire ri Dios 39:6 ပူးပေါင်းရင်းမြစ်များ

Wuj Richin ri Molojri'il 2:26

Roma ri Dios k'o nuya' chire ri wineq ri niqa' chuwech rija': Nuya' na'oj, ronojel ruwech etamabel y kikoten, jak'a chire ri wineq aj-mak nuya' q'ij chi janila k'iy numol richin chi nuya' kan chire ri qajineq chuwech ri Dios; chuqa' re' xa kan q'axel y xa man yatikir ta nawil ronojel.

Santiago 4:14

Chiwech rix jebel ri ich'obonik, jak'a xa man iwetaman ta achike xtik'uluwachij ri chua'q-kabij. Roma ri qak'aslen xa achi'el jun ti sib ri nik'oje-el juba', y xa chi'anin nik'is-el.

1 Corintios 7:31

Y keri' chuqa' ri winaqi' ri nikiben jalajoj ruwech samaj ri e richin re ruwach'ulew, man k'a tikiya' q'ij chi jari' ri nibanon chike chi man nikiben ta chik ri achike nrajo' ri Dios, roma ronojel ri e richin re ruwach'ulew xa e q'axel.

Wuj Richin ri Molojri'il 12:13

Wakami kan tawak'axaj y tawetamaj k'a ri achike nuk'atzinej-wi re jun wuj re': Kan tawetamaj k'a nik'oje' rukiy ri Dios chawech y tabana' ri nubij ri rupixa', roma kan jare' ri achike roma toq ri wineq k'o chuwech re ruwach'ulew.

Wuj Richin ri Molojri'il 5:14

Roma re beyoma' re' xaxe chupan itzel taq banobel nikik'is-wi ronojel ri kibeyomel, jak'a chike ri xekalk'ualaj xa kan man jun chik xtikiya' kan.

1 Pedro 5:7

Y tiya' k'a pa ruq'a' ri Dios ronojel ri iq'axo'n, roma rija' kan yixruchajij-wi.

San Lucas 12:29

Roma ri' rix man tich'ujerisaj-iwi' richin nikanola' ri iway-iwuk'ya'.

Wuj Richin ri Isaías 55:2

¿Achike roma nisech ri iméro chuwech ri xa man tijel ta? ¿Achike roma nisech ri rajel ri isamaj chuwech ri xa man jun nuk'en-pe chiwe? Wi rix kan xtinimaj nutzij, kan k'iy k'a ri xtitej ri janila jebel.

Wuj Richin ri Molojri'il 12:8

Ronojel xa nik'is, ronojel xa q'axel, keri' nubij ri q'alajirisey ruch'abel ri Dios, ronojel xa q'axel k'a.

Wuj Richin ri Molojri'il 2:8

Xinch'ek k'a janila chi q'anapueq y saqipueq y ri beyomel ri e kik'amalon-pe ri ch'aqa' chik rey kichin ch'aqa' chik ruwach'ulew. Xek'oje' e k'iy nubixanela' chi achi'a' chi ixoqi'. Y kan xinben ri achike ri rurayibel ránima jun achin: Ri qumuj vino y janipe' chi ixoqi' ri xenwajo'.

Wuj Richin ri Molojri'il 1:14

Xintz'et k'a ronojel ri samaj ri niban chuwech re ruwach'ulew chi maneq rejqalen. Xa man yatikir ta nawil ri nawajo', xa kan achi'el ta nawajo' nachop ri kaq'iq'.

Wuj Richin Etamabel-Tzij 13:22

Ri wineq ri kan utz, kan k'o k'a ri nuya' kan richin nikichinaj kan ri e riy-rumam; jak'a ri beyomel ri nuya' kan ri wineq aj-mak, kan niyake' kan, richin chi ja ri choj kik'aslen ri ye'ichinan.

Wuj Richin Bix Chire ri Dios 127:2

Xa man jun nik'atzin-wi chi janila nimaq'a' yan yixyakatej richin yixsamej, man jun nik'atzin-wi chi yixsamej nej aq'a', roma ri Jehová kan nuya' k'a ri k'atzinel chike ri ralk'ual, ri kan yerajo'.

1 Pedro 1:24

Chupan ri ch'abel ri', nubij:*f2* Konojel ri winaqi' xa e achi'el ok ri q'ayis. Y ri kiruwaq'ijaj xa achi'el ok ri kotz'i'j ri ek'o pa juyu'. Roma ri q'ayis xa nichaqi'j-qa, y ri kotz'i'j xa nitzaq-el.

Santiago 5:3

Ri iméro xtipusir y rik'in ri' kan xtiq'alajin chi man xe'ito' ta ri winaqi'. Y jari' ri xtiporon iwichin. Kan k'iy k'a méro imolon richin ri ruk'isibel taq q'ij.

Wuj Richin Etamabel-Tzij 27:24

Roma kan man jun beyomel ri kan richin ta q'asen, ni ri ru-corona jun rey, man xtiyaloj ta.

Wuj Richin Etamabel-Tzij 23:5

Roma wi rat kan natzu' k'a el beyomel chupan ri ak'aslen, toq natzu' yan chik, xa xbe yan; xa achi'el xek'oje-el ruxik', achi'el ri ruxik' ri kot, richin chi nej nibe chikaj.

Wuj Richin ri Achin Job 7:7

Nu-Dios yin, toqaqa k'a chi'ak'u'x chi ri nuk'aslen xa achi'el kaq'iq' ri niq'ax; y kan man jun bey chik xtintz'et ri rutzil ri k'aslen.

Wuj Richin ri Achin Job 7:16

Yin kan ninwetzelaj k'a re nuk'aslen; kan man ninrayij ta yik'ase' q'asen rik'in jun k'aslen kere'. Kinaya' k'a kan, roma xa man k'iy ta chik q'ij xkik'ase'.

Wuj Richin ri Achin Job 14:1

Roj winaqi' xa maneq k'a quchuq'a' y nik'atzin qato'ik, y chuqa' xa ka'i' oxi' ok q'ij nuben ri qak'aslen. Man rik'in ri' kan nojineq chi ruk'ayewal.

Wuj Richin Bix Chire ri Dios 89:48

¿Achike ta k'a wineq ri nik'ase' y man nutz'et ta el ri kamik? ¿Achike ta k'a ri nikolotej chuwech ri jul muqbel kamineq?

Wuj Richin Bix Chire ri Dios 144:4

Ri wineq xa kan chi'anin niq'ax-el, achi'el ri kaq'iq'. Ri q'ij richin ri ruk'aslen xa achi'el ok ri muj ri xa chi'anin niq'ax.

Wuj Richin ri Molojri'il 11:10

Kan tawelesaj k'a el awik'in ronojel ri nibanon chawe chi natej poqon y yaququt janila, roma kan tawetamaj k'a chi ri ak'ajolil xa q'axel.

San Lucas 12:26

Roma wi xa man yixtikir ta niben ri jun ti samaj ri', ¿achike k'a roma toq kan nich'ujerisaj-iwi' richin niwil ri ch'aqa' chik ri yek'atzin chiwe?