Wuj Richin Bix Chire ri Dios 39:5 - Kaqchiquel Bible

⁵ Rat kan abanon k'a chuwe chi xa ti juba' ok ri nuk'aslen. Ronojel ri nujuna' xa kan man jun ok chawech rat. Ri nuk'aslen xa kan chi'anin niq'ax, y man jun retal nik'oje' kan, achi'el nuben ri kaq'iq'.

Wuj Richin Bix Chire ri Dios 39:5 ပူးပေါင်းရင်းမြစ်များ

Wuj Richin Bix Chire ri Dios 144:4

Ri wineq xa kan chi'anin niq'ax-el, achi'el ri kaq'iq'. Ri q'ij richin ri ruk'aslen xa achi'el ok ri muj ri xa chi'anin niq'ax.

Wuj Richin Bix Chire ri Dios 89:47

Toqaqa chi'ak'u'x chi ri qak'aslen xa ti juba' ok, xa k'o chi yojken.

Wuj Richin Bix Chire ri Dios 62:9

Kan qitzij wi, chi ri wineq xa q'axel achi'el ri kaq'iq', Stape' beyom o k'o ta pa meba'il, xa kan maneq rejqalen. Wi ta ye'etex pa jun etabel konojel, kan yek'ulun chi xa man jun kejqalen.

Wuj Richin ri Molojri'il 2:11

K'ari' chi'anin xintz'et ronojel ri nima'q taq samaj ri xenben yin, chuqa' ri samaj ri janila k'ayew xuben chinuwech y re' xintz'et chi xa ronojel q'axel, y xa man yitikir ta ninwil ronojel ri ninwajo'. Y re' xa man jun nuk'en-pe chuwe chuwech re ruwach'ulew.

Santiago 4:14

Chiwech rix jebel ri ich'obonik, jak'a xa man iwetaman ta achike xtik'uluwachij ri chua'q-kabij. Roma ri qak'aslen xa achi'el jun ti sib ri nik'oje-el juba', y xa chi'anin nik'is-el.

Wuj Richin Bix Chire ri Dios 39:11

Kan rik'in rutojbalil-mak nachojmirisaj ri ruk'aslen ri wineq, Ri rubeyomel kan nak'is, achi'el ri taq chikopi' ri nikichikopirisaj ri jel; Kan qitzij wi chi ri wineq xa q'axel, achi'el niq'ax ri kaq'iq'.

Wuj Richin ri Achin Job 7:6

Ri q'ij richin ri nuk'aslen xa juba' chik ok; xa anineq xinapon chuwech ri nukamik, achi'el toq nik'aq-ok ri ruway ri kem y nitzolix chik jun bey; y xa niq'ate' toq nik'is ri betz' chirij ri ti che'.

Wuj Richin ri Isaías 40:17

Konojel k'a ri tzobaj winaqi' richin ri ruwach'ulew, chuwech rija' xa man jun kejqalen, y xa achi'el man e winaqi' ta.

Wuj Richin ri Molojri'il 1:2

Ronojel xa nik'is, ronojel xa q'axel, keri' nubij ri ch'abaliy ruch'abel ri Dios, ronojel xa nik'is, ronojel xa q'axel. Kan ronojel-wi q'axel.

Wuj Richin ri Rutikeribel 47:9

Y ri Jacob xubij chire: K'o yan 130 nujuna', y chupan ronojel juna' ri' chaq juba-kela' juba-kela' nubanon pa ruwi' re ruwach'ulew. Janila ti juba' ok nujuna', jak'a kan janila ruk'ayewal ri nuq'axalon-pe pa nuk'aslen y k'a man jani ninq'i' ta ri juna' ri xek'ase-el ri wati't-numama', xcha'.

2 Pedro 3:8

Jak'a rix wach'alal ri yalan yixinwajo', ninbij k'a chiwe chi man timestaj chi rik'in ri Dios, jun q'ij achi'el 1,000 juna', y 1,000 juna' achi'el ok jun q'ij.

2 Sam 19:34

Jak'a ri Barzilai xubij chire ri rey: Yibe ta, xa jak'a ri k'iy chik nujuna' y juba' chik ok in k'es richin chi yibe-el awik'in pa Jerusalem.

Wuj Richin Bix Chire ri Dios 90:12

Tabana' utzil Jehová, tak'utu' chiqawech ri rubanik richin yojk'ase', richin keri' kan ta nipe pa qánima ri na'oj.