Wuj Richin Bix Chire ri Dios 39:12 - Kaqchiquel Bible

¹² Jehová, tabana' utzil tawak'axaj ri nuch'abel, tawak'axaj ri nuch'owen richin to'onik. Man kak'oje-qa chaq keri' chire ri woq'ej. Chawech rat, yin xa in q'axel, yin xa man in aj wawe' ta achi'el xeq'ax-el ri wati't-numama'.

Wuj Richin Bix Chire ri Dios 39:12 ပူးပေါင်းရင်းမြစ်များ

1 Pedro 2:11

Wach'alal ri yalan yixinwajo', roma xa ix q'axel chuwech re ruwach'ulew, ninbij k'a chiwe chi man tiya' q'ij chire ri itzel taq rayinik pan ik'aslen roma jari' ri yebanon oyowal iwik'in.

Hebreos 11:13

Konojel k'a rije' xkikuquba-el kik'u'x rik'in ri Dios y keri' xeken-el. Y stape' man xkik'ul ta el ri rusujun ri Dios chike, jak'a roma ri kikuqubabel-k'u'x k'anej xkitzu-wi-apo y xekikot rik'in; rije' kan xkiq'alajirisaj k'a chi xa e q'axel chuwech re ruwach'ulew.

Wuj Richin Bix Chire ri Dios 119:19

Yin xa in q'axel re wawe' chuwach'ulew. Man naben chuwe richin man niq'ax ta chinuwech ri apixa'.

Wuj Richin ri Chojmirisabelri'il 25:23

Man k'a tik'ayij ri iwulew richin q'asen, roma ri ulew ri akuchi ixk'o-wi kan wichin yin, roma rix xa ix q'axel y man ja ta rix ri ix rajaw.

Wuj Richin ri Rutikeribel 47:9

Y ri Jacob xubij chire: K'o yan 130 nujuna', y chupan ronojel juna' ri' chaq juba-kela' juba-kela' nubanon pa ruwi' re ruwach'ulew. Janila ti juba' ok nujuna', jak'a kan janila ruk'ayewal ri nuq'axalon-pe pa nuk'aslen y k'a man jani ninq'i' ta ri juna' ri xek'ase-el ri wati't-numama', xcha'.

1 Pedro 1:17

Ri Dios ri nibij qatata' chire, jun chojmilej q'atoy-tzij, y man nuben ta rukojol kik'in ri winaqi'. Roma wi utz o man utz ta, ri ibanobal rija' nuya' rutojbalil chiwe. Roma ri' kan tixibij-iwi' yixmakun rokik ixk'o chuwech re ruwach'ulew.

Wuj Richin Bix Chire ri Dios 56:8

Rat awetaman janipe' mul in animajineq chuwech ri oyowal; re' kan atz'iban k'a chupan ri awuj. Ri ruya'al runaq'-nuwech kan ayakon k'a chupan jun jebelej k'ojelibel.

1 Crón 29:15

Chawech rat xa oj q'axel achi'el ri qati't-qamama', y ri qak'aslen achi'el muj ri niq'ax chuwech re ruwach'ulew.

2 Rey 20:5

Katzolin, y kere' tabij chire ri Ezequías: Rat at rey pa ruwi' ri nutinamit. Y yin in a-Dios rat, y ri ru-Dios chuqa' ri David ri ánima amama'. Xinwak'axaj ri ach'owen, y xintz'et ri ruya'al runaq'-awech. Wakami k'a xkatink'achojirisaj richin keri' pa rox q'ij xkabe-el pa wachoch richin naya' nuq'ij.

Hebreos 5:7

Toq ri Cristo k'a k'o na wawe' chuwech re ruwach'ulew y xapon chuwech ri tijoj-poqonal, xch'on rik'in ri Dios rik'in ronojel ruchuq'a', xoq' y xuk'utuj chire chi tuto', roma retaman chi ri Dios kan nitikir-wi nuto' chuwech ri kamik. Y ri Dios kan xrak'axaj-wi ri Cristo, roma rija' kan ruya'on-wi ruq'ij ri Dios.

Wuj Richin Bix Chire ri Dios 116:3

Yin kan chuwi' kamik chik k'a ink'o-wi. Ri rukiy ri jul muqbel kamineq xa kan xoqaqa yan k'a chuwij. Xa kan ruyon chik k'a bis y q'axo'n ri wilon.

Wuj Richin ri Achin Job 16:20

Stape' ri wachibil kan janila yinketzelaj, yin kan chuwech ri Dios yinoq'-wi, richin chi kiruto'.

2 Sam 16:12

Rik'in juba' ri Jehová xtutz'et ri tijoj-poqonal ri ninq'axaj, y kan xtujoyowaj nuwech pa ruk'exel ri itzel oyonik ri xuya' ri Simí pa nuwi', xcha'.

2 Corintios 5:6

Roma ri' roj kan kuqul qak'u'x jantape', roma qetaman chi re k'a ojk'o na chupan re ch'akulaj re', man jani ojk'o ta chupan ri k'ak'a' qachoch rik'in ri ajaw Jesús.

Wuj Richin Bix Chire ri Dios 102:1

Nimalej Jehová tabana' utzil tawak'axaj ri nuch'owen. Toq yin yisik'in-q'anej awik'in kan ta xtawak'axaj.

Wuj Richin Bix Chire ri Dios 119:54

Jehová, ri apixa' rat kan jari' k'a nok nubix yin, xabakuchi yik'oje-wi.

Wuj Richin ri Rutikeribel 21:34

Y rija' xk'oje' chiri' pa ruwach'ulew Filistea k'iy juba' juna'.

Wuj Richin ri Achin Job 13:28

Rat keri' yatajin chubanik wik'in, rokik yin q'ij-q'ij in beneq-qa, achi'el toq ri tzieq nichikopir-qa, xcha'.

Wuj Richin Bix Chire ri Dios 90:9

Ri q'ij chire ri qak'aslen xa kan beneq pa xulan roma rat nipe awoyowal chiqe. Ronojel juna' ri niqaq'axaj, xa achi'el ok jun ch'obonik.