Wuj Richin Bix Chire ri Dios 39:10 - Kaqchiquel Bible

¹⁰ Jak'a re wakami tawelesaj pa nuwi' re ruk'ayewal re', roma xa kan yik'is yan qa roma re awoyowal re aya'on-pe pa nuwi'.

Wuj Richin Bix Chire ri Dios 39:10 ပူးပေါင်းရင်းမြစ်များ

Wuj Richin ri Achin Job 9:34

Ri jun ri' nuben ta chire ri Dios chi nrelesaj ta ri ruk'ayewal pa nuwi', y man ta chik xtinna' ri xibinri'il ri nuya' chuwe.

Wuj Richin ri Achin Job 13:21

Tabana' utzil tawelesaj pa nuwi' re tijoj-poqonal re aya'on pa nuwi', y chuqa' kan katane' chuwij chi jantape' aya'on xibinri'il wik'in.

Wuj Richin Bix Chire ri Dios 32:4

Kan chi paq'ij chi chaq'a' xinna' ralal ri aq'a' rat Jehová. Kan xichaqi'j-qa jumul ninna' yin, achi'el jun kotz'i'j toq nichaqi'j-qa roma ri k'aten richin saq'ij.

Wuj Richin ri Achin Job 40:8

¿Achike roma toq rat nabij chi ri nuq'atbel-tzij yin xa man utz ta ri nuk'en-pe, y xaxe richin chi niq'alajin chi rat xa man at aj-mak ta?

1 Sam 6:5

Ke'ibana' k'a ri wachibel ri' roma ja re ch'oy re' ri yek'ison yan re qaruwach'ulew. Y rik'in re' kan tiya' k'a ruq'ij ri ki-Dios ri aj-Israel. Rik'in juba' xtuben richin xtrelesaj-el ri q'axo'n ri k'o qik'in y ri k'o pa kiwi' ri qa-dios y pa ruwi' ri qaruwach'ulew.

Wuj Richin ri Chojmirisabelri'il 10:3

Xeri' ri Moisés xubij chire ri Aarón: Ri Jehová kan ch'owineq chik k'a kan chirij achi'el re xbanatej re wakami, kan rubin chik k'a: Ri kan yejel k'a pe wik'in richin yinkisamajij, kan qitzij wi chi niq'alajin ri nuq'ij-nuk'ojlen chupan ri kik'aslen, y xtitz'et koma konojel winaqi' chi kan man jun chik ri achi'el ta yin; keri' rubin ri Dios, xcha' ri Moisés. Y ri Aarón kan man jun k'a ch'abel ri xubij.

Wuj Richin ri Achin Job 2:10

Roma ri' ri Job xubij chire ri rixjayil: Rat yach'on achi'el ri yech'on ri ixoqi' ri maneq kina'oj. ¿Xaxe kami ri utz ri ruk'amon chi niqak'ul chire ri Dios y ri man utz ta man niqak'ul ta?, xcha'. Man rik'in ri' ri Job man xmakun ta rik'in ri ruch'abel.

Wuj Richin ri K'uxla'anik 3:28

Toq ri Dios nuya' jun ruk'ayewal pa qawi', más utz niqakuquba' qak'u'x y man jun niqabij.