Y xinbij: ¡Nu-Dios yin! Kan janila in k'ixbitajineq, y chuqa' kan janila xkiqasaj nuq'ij, y man yitikir ta ninyek-q'anej ri nuwech chawech, nu-Dios yin, roma ri itzel taq qabanobal kan janila k'iy y xapon yan k'a chikaj.
Roma janila ruk'ayewal ri nuk'uluwachin kan man yitikir ta ninwajlaj. Ri numak kan xiruq'i' yan, y roma ri' kan man yitikir ta chik yitzu'un. Kan más k'a xek'iyer ke chuwech ri rusumal-nuwi', y kan janila xinmalij-qa nuk'u'x.
Jak'a re wakami, ri Dios nubij: Chirij ri poqonal, ri nusamajel kan xtikikot y kan xtikuqer ruk'u'x. Ri nusamajel ri choj ruk'aslen kan e k'iy winaqi' ri xkerukol, y kan ja rija' ri xtuk'uan ri kimak.
Ri ralal ri qamak kan jak'a ri' ri xuya' ri Dios pa qawi'. achi'el ri che' ri niya'ox pa kiwi' ri bóyix. Y ri' kan xuk'is k'a chijun quchuq'a'. Ri qajaw xojrujech pa kiq'a' ri winaqi' ri man xojtikir ta chikij.
Y wi ta ek'o ri yetijo ri pa rox q'ij, ri kamelabel ri xisuj kan man xtink'awomaj ta y man jun chik xtuq'ajuj, roma ri ti'ij ri' kan chuwirineq chik chinuwech yin, y ri xtitijo ja rija' ri xtejqalen ri mak.
Ja rija' ri xuk'uan ri qamak chuwech ri cruz richin xojrukol pa ruq'a' ri mak richin niqachop ta el jun k'aslen choj. Ja rija' ri xsokotej y xken richin nichojmir ri qak'aslen.