Wuj Richin Bix Chire ri Dios 38:11 - Kaqchiquel Bible

¹¹ Ri wachpochel y ri wachibil kan in kiyonoban kan roma ri ch'a'k ri k'o chuwij. Chuqa' ri wach'alal kan nej xek'oje-wi chuwe yin.

Wuj Richin Bix Chire ri Dios 38:11 ပူးပေါင်းရင်းမြစ်များ

Wuj Richin Bix Chire ri Dios 31:11

Kan in yakol k'a kitze'en ri e etzelanel wichin, y ri wachk'uljay chuqa' kan yinkiyojobej; ri etamayon nuwech nikixibij-ki' chinuwech, y ri yetz'eton wichin ye'animej toq yinkitz'et.

San Lucas 23:49

Ri e etamayon ruwech ri Jesús, y ri ixoqi' ri kan k'a pa Galilea e tzeqetel-pe chirij, k'a nej k'a ek'o-wi-el nikitzu-apo ri xbanatej.

Wuj Richin Bix Chire ri Dios 88:18

Xe'ach'er k'a el chuwe yin ri kan ketaman nuwech, y ri wachibil wakami, xa kan ja ri q'equ'm.

San Juan 16:32

Roma kan qitzij ninbij chiwe chi ri jun q'ij ri' kan napon yan k'a, chi rix xa xtitaluj-el-iwi' y xa xkiniya' kan nuyon. Jak'a man kan ta nuyon chuqa' yik'oje' kan, roma ri nata' kan k'o-wi wik'in.

San Lucas 22:54

Xkichop k'a el ri Jesús, y xkik'uaj pa rachoch ri nimalej sacerdote. Y ri Pedro e rutzeqeliben-el, jak'a xa k'anej k'o-wi.

San Mateo 26:56

Jak'a ronojel re nibanatej wakami, xa kan richin k'a chi nibanatej ri tz'ibatel kan chupan ri ruch'abel ri Dios koma ri xeq'alajirisan ruch'abel, xcha'. Y kan jari' k'a toq ri e rutijoxela' ri Jesús xkiya' kan ruyon y xe'animej.

Wuj Richin ri Isaías 53:4

Man rik'in ri', rija' kan xutej poqon pa qak'exel roj, y xuk'uaj ri qaq'axo'n. Y toq rija' k'o chik chupan ri ruk'ayewal, xq'ax chiqawech chi ri ruk'ayewal ri xpe rik'in ri Dios kan richin-wi rija', y chi ri Dios kan xuya' q'ij chi rija' xsokotej.

Wuj Richin ri Isaías 53:8

Kan xkichop-el y xuk'uex richin nikamisex, y kan man jun rijatzul ri xk'oje'. Kan xkelesaj-el ruk'aslen chuwech re ruwach'ulew, y xa roma ri qayakatajinenri'il, rija' xsokotej.

Wuj Richin Bix Chire ri Dios 22:16

Ri e banoy taq etzelal e yakatajineq chuwij, achi'el jun tzobaj tz'i' ri janila e k'a'el. Kan kisutin k'a wij richin nikiwech' ri nuq'a' y ri waqen.