Wuj Richin Bix Chire ri Dios 38:10 - Kaqchiquel Bible

¹⁰ Ri wánima kan janila k'a nitino y ri wuchuq'a' kan maneq chik, y chuqa' kan man yitzu'un ta chik.

Wuj Richin Bix Chire ri Dios 38:10 ပူးပေါင်းရင်းမြစ်များ

Wuj Richin Bix Chire ri Dios 6:7

Kan man yitikir ta chik yitzu'un, roma ri e etzelanel wichin kan nikiben chuwe richin janila yinoq'.

Wuj Richin Bix Chire ri Dios 88:9

Ri runaq'-nuwech kan xeq'equmatej yan k'a roma ri q'axo'n. Kan ronojel k'a q'ij at woyon, nimalej Jehová; kan chawech k'a rat nuyakon-q'anej ri nuq'a' richin yich'on awik'in.

Wuj Richin Bix Chire ri Dios 69:3

Xikos yan janila, roma yisik'in chuk'utuxik to'onik, ri nuqul kan niq'axon chik, y xjasjo' yan. Ri runaq'-nuwech chuqa' nik'is yan qa ruchuq'a', roma yatinkanoj rat nu-Dios.

Wuj Richin ri K'uxla'anik 2:11

Ri woq'ej kan nuk'is k'a ruchuq'a' ri runaq'-nuwech. Ri nupan kan achike na k'a nuben roma ri q'axo'n. Kan niq'axon ri wánima roma nintz'et ri tijoj-poqonal ri nikik'owisaj ri nuwinaq; roma ri ak'uala' y ri neneya' e punupuxineq pa taq bey richin ri tinamit.

Wuj Richin ri Isaías 21:4

Kan sachineq nuk'u'x, y ri xibinri'il kan xuya' tew chuwij. Y ri chi'aq'a' ri kan janila woyoben richin yinuxlan, xa kan janila nink'en rukiy.

Wuj Richin Bix Chire ri Dios 119:123

Ri runaq' taq nuwech xa kan xk'is-qa kuchuq'a' richin koyoben ri asujun. Kan woyoben k'a chi yitotej achi'el ri asujun chuwe.

Wuj Richin Bix Chire ri Dios 42:1

Achi'el ri masat nrajo' nril jun raqen-ya' richin nuqum ruya', keri' k'a yatinkanoj rat, nu-Dios yin.

Wuj Richin Bix Chire ri Dios 31:10

Kan xirijix yan qa roma q'axo'n; ri k'iy nujuna' nuben chuwe chi xaxe chik yijiq'ijo'x. Ri wuchuq'a' kan xk'is yan k'a roma ri numak; ri nubaqil kan maneq chik ruchuq'a' chuqa'.