Wuj Richin Bix Chire ri Dios 37:9 - Kaqchiquel Bible

⁹ Roma ri e banoy etzelal kan xke'elesex-el chuwech re ruwach'ulew, jak'a ri kikuquban kik'u'x rik'in ri Jehová kan xkek'ase' chiri'.

Wuj Richin Bix Chire ri Dios 37:9 ပူးပေါင်းရင်းမြစ်များ

Wuj Richin ri Isaías 60:21

Chupan ri q'ij ri' konojel k'a ri iwinaq kan choj xtikiben, y xtikichinaj kan ri kulew richin q'asen, roma rix ix jun banobel ri kan ja yin in banayon, achi'el jun che' ri nutikon-qa. Y rix kan xtiya' nuk'ojlen.

Wuj Richin Bix Chire ri Dios 25:13

Y rije' kan xkebe k'a pa jotol rik'in ronojel. Y ri kijatzul xtikichinaj kan ri ruwach'ulew.

Wuj Richin ri Isaías 57:13

Wakami k'a toq xkixsik'in richin nik'utuj to'onik, ri wachibel man xkixkito' ta. Jak'a rije' xa xkeruk'uaj kaq'iq', y kan xkek'is. Jak'a ri winaqi' ri kikuquban kik'u'x wik'in yin, kan xtikichinaj ri ruwach'ulew, y kan xkek'ase' chupan ri juyu' ri akuchi ink'o-wi yin, ncha' ri Dios.

Wuj Richin Bix Chire ri Dios 37:29

Ri choj kik'aslen chuwech ri Jehová, xtikichinaj ri ruwach'ulew. Y kan xkek'ase' k'a chiri' richin jantape'.

Wuj Richin Bix Chire ri Dios 55:23

Nu-Dios yin, rat xtaben chi ri winaqi' ri nikiben itzel taq banobel xkeken chi'anin. Xtaben k'a chi ri winaqi' ri kan xaxe ri kamik nikajo' nikiben y e q'olonel, man xkek'ase' ta k'a k'iy juna'. Jak'a yin kan awik'in rat ninkuquba' nuk'u'x jantape'.

Apocalipsis 5:10

Xaben chiqe chi xojok jun tzobaj winaqi' richin ri rajawaren ri Dios, chi xojok sacerdote richin niqasuj sipanik chuwech kan xtiqaq'et k'a tzij pa ruwi' ri ruwach'ulew, yecha'.

Wuj Richin Etamabel-Tzij 2:21

Roma xaxe k'a ri wineq ri kan choj ri ruk'aslen, ri xtik'oje' kan chuwech re ruwach'ulew, y kan wawe' k'a xkeyaloj-wi-qa ri kan tz'aqet ri kik'aslen.

Wuj Richin ri Isaías 58:14

Wi keri' xtiben, kan xtiwil kikoten wik'in yin, y kan xtinben chiwe richin chi'anin xkixbe pa jotol chupan ri iruwach'ulew, y rix kan xkixkikot chupan ri iruwach'ulew ri xiwichinaj kan, ri ix rijatzul kan ri Jacob. Yin Jehová ri yibin, xcha'.

Hebreos 11:16

Jak'a koyoben jun ruwach'ulew ri más utz, ri' ja ri chila' chikaj, y roma ri' ri Dios man nik'ix ta nubij chi ja rija' ri ki-Dios; y kan runaban chik ri kitinamit.

Wuj Richin ri Q'axanri'il 26:65

Roma ri Jehová rubin chik chike chi rije' xkeken kan ri pa tz'iran ruwach'ulew y xaxe xkek'ase' kan ri Caleb ruk'ajol ri Jefuné y ri Josué ri ruk'ajol ri Nun.

Deut 5:33

Kan xtitzeqelibej k'a ri bey ri xuk'ut ri Jehová ri qa-Dios chiqawech, richin chi utz k'a xkixbe y kan k'iy juna' xkixk'ase' chuwech ri ruwach'ulew ri xtiberuya' rija' chiwe.

Wuj Richin ri Josúe 14:9

Jari' toq ri Moisés xuya' rutzij y xubij chuwe: Kan qitzij na wi ri ruwach'ulew ri akuchi xaq'ax-wi, jari' xtok awichin rat y kichin ri awijatzul richin jantape', roma kan xaben pa ruchojmilal achi'el xubij ri Jehová ri qa-Dios, xcha' chuwe.

Wuj Richin ri Malaquías 4:1

Yin Jehová ninbij chi kan jujik-wi noqaqa ri q'ij richin niqaqa ri woyowal pa ruwi' ri iruwach'ulew, achi'el jun horno toq nijinon pa q'aq'. Konojel ri kan nim nikina-ki' y ri yebanon ri etzelal kan xkebe'ok achi'el solot, y chupan ri q'ij ri' kan man jun chik xtikolotej kan achi'el ri q'aq' toq nuk'is ronojel.