Wuj Richin Bix Chire ri Dios 37:8 - Kaqchiquel Bible

⁸ Taya' kan ri oyowal, y man taya' q'ij chi nich'akon chawij. Man katoyower, roma re' xa más nuyek-q'anej ruwi' ri oyowal.

Wuj Richin Bix Chire ri Dios 37:8 ပူးပေါင်းရင်းမြစ်များ

Wuj Richin Etamabel-Tzij 14:29

Jun wineq ri man chi'anin ta nipe royowal, kan k'o-wi nim etamabel rik'in; jak'a ri xa chi'anin nijalajo' chuwech, xa niq'alajin chi maneq runa'oj.

Wuj Richin Etamabel-Tzij 16:32

Kan janila k'a rejqalen chi ri wineq nuq'et-ri' chire ri royowal, ke chuwech nuk'ut chi man nuxibij ta ri'; y chuqa' kan más jebel nich'akon chirij ri royowal, ke chuwech ri nuch'ek ta jun tinamit.

Efesios 4:31

Tik'is ronojel ri itzel nina' pa taq iwánima, ri ruk'ayewal, ri oyowal y ri yoq'onik. Man kixsik'in chirij jun wineq, y tiya' kan rubanik ronojel ruwech etzelal.

Efesios 4:26

Toq k'o nibanon chiwe chi yixoyower, man kixmakun. Y man tiya' q'ij chi k'a k'o na iwoyowal toq nitzaq-qa ri q'ij.

Colosenses 3:8

Jak'a re wakami xkanej yan kan ronojel. Man k'a ketike' oyowal pa taq iwánima, man tibuqu iwik'in roma iwoyowal, man ke'ibanala' ri man ruk'amon ta, man tiyoq' rubi' ri Dios, y man tibij itzel taq tzij.

Wuj Richin ri Achin Job 5:2

Kan qitzij na wi chi ri chi'anin niyakatej royowal jari' ri nikamisan-el richin, y ri k'o rayinik rik'in jari' chuqa' ri nikamisan-el richin.

Wuj Richin ri Jonás 4:1

Y toq ri Jehová man xuteq ta pe ri ruk'ayewal pa kiwi' ri aj-Nínive, jari' toq ri Jonás xpe janila royowal.

Wuj Richin ri Jonás 4:9

Jak'a ri Dios xubij chire ri Jonás: ¿Kan ruk'amon kami chi nipe awoyowal roma re ti che' xken-qa?, xcha'. Y ri Jonás xubij: Ja', kan ruk'amon chi nipe woyowal, roma ri' ninrayij yiken, xcha'.

Wuj Richin ri Achin Job 18:4

Xa ayon k'a rat natej poqon roma ri awoyowal. Y xa man ruk'amon ta k'a chi awoma rat, ri Dios nuben chike ri winaqi' chi ke'el-el chuwech re ruwach'ulew. Y chuqa' xa awoma ta rat, ri Dios yerunim-el ri juyu' k'a juk'an chik.

Wuj Richin Bix Chire ri Dios 73:15

Xa ta yin ninbij-qa, más utz kich'on na achi'el yech'on rije', y wi ta keri', xa xenq'ol ta ri kikuquban kik'u'x rik'in ri Dios.

Wuj Richin Bix Chire ri Dios 31:22

Toq yin xik'oje' pa latz', xinch'ob chi kan xinamestaj kan. Jak'a toq xink'utuj to'onik chawe, kan xinawak'axaj k'a chi'anin.

Wuj Richin Bix Chire ri Dios 116:11

Roma ri nuq'axo'n kan xinmalij k'a nuk'u'x, xinbij k'a chi konojel winaqi' xa e tz'ukuy taq tzij.

1 Rey 11:22

Jak'a ri rey xuk'utuj chire: ¿Achike k'a ri nik'atzin chawe wawe' chi rat nawajo' yatzolin-el pan aruwach'ulew?, xcha' ri rey chire. Y ri Hadad xubij chi man jun ri achike ta nik'atzin chire, xaxe tiya'ox q'ij chire richin nibe.