Wuj Richin Bix Chire ri Dios 37:34 - Kaqchiquel Bible

³⁴ Takuquba' ak'u'x rik'in ri Jehová y tanimaj ri rutzij. Y rija' kan xkarunimirisaj, y xtuya' chawe ri ruwach'ulew richin nawichinaj kan. Y kan xtatz'et toq xkek'is-el ri e banoy taq etzelal.

Wuj Richin Bix Chire ri Dios 37:34 ပူးပေါင်းရင်းမြစ်များ

Wuj Richin Bix Chire ri Dios 27:14

Tawoyobej rik'in ri Jehová. Tatija' aq'ij y man tamalij ak'u'x; kan tawoyobej k'a pa ruq'a' ri Jehová.

Wuj Richin Etamabel-Tzij 20:22

Rat kan man jun bey k'a tabij chire jun wineq: Nabetojo' na pa nuq'a', xa más utz tawoyobej chi ja na ri Jehová nichojmirisan ri' y xkarukol chuwech jun ch'a'oj.

Wuj Richin Bix Chire ri Dios 37:9

Roma ri e banoy etzelal kan xke'elesex-el chuwech re ruwach'ulew, jak'a ri kikuquban kik'u'x rik'in ri Jehová kan xkek'ase' chiri'.

San Mateo 24:13

Jak'a ri man xtutzolij ta ri' chirij y xtukoch' k'a ri pa ruk'isibel chire ronojel, kan xtikolotej-wi k'a ri'.

Wuj Richin Bix Chire ri Dios 37:7

Man tipe awoyowal toq ri banoy etzelal nibe pa jotol, y toq utz nel chuwech ronojel ri nuch'ob, Xa kan katuxlan rik'in ri Jehová, y tawoyobej pa ruq'a' rija' ronojel.

1 Pedro 5:6

Roma ri', kan tiqasaj-iwi' chuwech ri Dios, roma rija' kan k'o-wi ruchuq'a'. Richin keri' toq xtapon ri q'ij, rija' xtunimirisaj iq'ij.

San Lucas 14:11

Roma ri', ri nikinimirisaj-ki', xa xtiqasex kiq'ij. Jak'a ri kan ruqasan-ri', xtinimirisex ruq'ij, xcha' ri Jesús.

Wuj Richin Etamabel-Tzij 16:17

Ri rubeyal ri ruk'aslen ri chojmilej wineq, kan nuch'er-ri' chire ri rubeyal ri itzel k'aslen; ri kan nuchajij k'a ri ruk'aslen, kan nutzu' k'a jebel ri bey ri nuk'uaj.

Wuj Richin Bix Chire ri Dios 91:8

Ronojel re' kan xtiqatz'et k'a roj rik'in ri runaq' taq qawech. Kan xtiqatz'et k'a ri xtikik'ul ri maneq Dios chikiwech.

Wuj Richin Bix Chire ri Dios 37:3

Takuquba' ak'u'x rik'in ri Jehová, y tabana' ri utz. Man tamalij kan y xk'ase' chupan ri ruwach'ulew.

Wuj Richin ri Achin Job 17:9

Y ri yech'obon chi kan choj ri kik'aslen, kan keri' xtikiben-apo jantape'. Chuqa' roma kan nikich'ob chi ch'ajch'oj ri kik'aslen, xtipe y xtipe más kuchuq'a'.

1 Pedro 1:7

Ronojel re' kan nik'atzin richin niq'alajin, wi kan qitzij ikuquban ik'u'x rik'in ri Dios. Achi'el ri q'anapueq ri nik'owisex pa q'aq' richin nitz'et wi utz o man utz ta. Keri' chuqa' rix k'o chi yixtejtobex richin niq'alajin chi ri ikuqubabel-k'u'x utz o man utz ta. Y toq xixtejtobex yan y xikoch' ronojel, xtiya'ox k'a iq'ij y xtibix chiwe chi jebel ri xiben, toq ri Jesucristo xtok'ulun-qa.

Wuj Richin Bix Chire ri Dios 112:9

Rija' kan man k'ek' ta; kan yeruto' ri man jun k'o kik'in. Ri ruchojmilal kan jari' ri nuben jantape'. Rija' xtuk'ul ruwaq'ijaj jantape'.

Deut 5:33

Kan xtitzeqelibej k'a ri bey ri xuk'ut ri Jehová ri qa-Dios chiqawech, richin chi utz k'a xkixbe y kan k'iy juna' xkixk'ase' chuwech ri ruwach'ulew ri xtiberuya' rija' chiwe.

Wuj Richin Bix Chire ri Dios 25:13

Y rije' kan xkebe k'a pa jotol rik'in ronojel. Y ri kijatzul xtikichinaj kan ri ruwach'ulew.

Wuj Richin Bix Chire ri Dios 92:12

Ri winaqi' ri choj kik'aslen, kan utz k'a xtel chikiwech ronojel ri nikiben, xkek'iy k'a achi'el ri palma, y achi'el ri tiox-che' ri k'o pa Líbano.

Wuj Richin Bix Chire ri Dios 112:8

Rija' kan kow k'o, y roma ri' man nuxibij ta ri'. Kan yerutzu' k'a ri e etzelanel richin toq nikitej poqon.

Wuj Richin Etamabel-Tzij 29:16

Toq yek'iyer-q'anej ri ebanoy etzelal, ri etzelal kan nik'iy y nutaluj-ri', y ja rije' ri xkekamiyaj el nabey, chikiwech ri winaqi' ri utz kik'aslen.

Wuj Richin ri Isaías 57:13

Wakami k'a toq xkixsik'in richin nik'utuj to'onik, ri wachibel man xkixkito' ta. Jak'a rije' xa xkeruk'uaj kaq'iq', y kan xkek'is. Jak'a ri winaqi' ri kikuquban kik'u'x wik'in yin, kan xtikichinaj ri ruwach'ulew, y kan xkek'ase' chupan ri juyu' ri akuchi ink'o-wi yin, ncha' ri Dios.