Wuj Richin Bix Chire ri Dios 37:32 - Kaqchiquel Bible

³² Ri banoy etzelal kan chaq nuq'elebej ri choj ruk'aslen, y nukanoj rubanik richin nukamisaj.

Wuj Richin Bix Chire ri Dios 37:32 ပူးပေါင်းရင်းမြစ်များ

Hechos 9:24

Ri winaqi' ri ye'ajowan yekamisan ri Saulo, kan chi paq'ij chi chaq'a' koyoben k'a apo akuchi niban oken y elen ri pa tinamit, richin nikikamisaj. Jak'a ri kich'obonik ri kibanon chirij, xapon rutzijol rik'in ri Saulo.

San Lucas 20:20

Ri aj-raqen kichin ri sacerdote y ri etamanela' ri' xekiteq k'a pe ch'aqa' chik achi'a' nachanela' ri kan choj kik'aslen niq'alajin, jak'a xa man keri' ta. Rije' xa nikajo' k'a nikiya' ta pa k'ayew ri Jesús, y nitzaq ta pa kiq'a' rik'in ri ch'abel ri nubij. Richin chi nikijech pa ruq'a' ri q'atbel-tzij aj-Roma.

San Lucas 14:1

Pa jun uxlanibel-q'ij, ri Jesús xbe pa rachoch jun fariseo q'atoy-tzij, roma oyon richin jun wa'in. Y ri winaqi' ri ek'o chiri' nikitzu' k'a apo ri Jesús.

San Lucas 11:54

Rije' kan man nikiya' ta k'a kan juba' ri Jesús, k'o ta nikajo' chi nikak'axaj chi rija' k'o ta jun ch'abel ri man ruk'amon ta ri nubij.

San Lucas 6:7

Ek'o-apo jujun etamanela' chirij ri pixa' y chuqa' jujun fariseo ri kiq'eleben ri Jesús richin nikitz'et wi nuk'achojirisaj ri achin ri', richin nikisujuj roma nisamej chupan ri jun uxlanibel-q'ij ri'.

Wuj Richin ri Jeremías 20:10

Roma kan ninwak'axaj toq ri winaqi' yinkiyojobej y yejasjot y nikibij: K'o xibinri'il xabakuchi y nikibij: Qabesujuj, yecha'. Jajun ri wachibil koyoben chi yin k'o ta jun ninbij ri man ta nibanatej. Y roma ri' nikibij: Rik'in juba' xtuq'ol-ri' ruyon rija' y k'ari' xqojyakatej roj chirij y xtiqaya' rutojbalil pa ruwi', yecha'.

Wuj Richin Bix Chire ri Dios 37:12

Ri banoy etzelal nuch'ob richin nuben itzel chire ri choj ruk'aslen, y kan nuqach'ach'ej rey chirij.

Wuj Richin ri Rutikeribel 39:16

Y ri tzieq ri' k'a xk'oje' na kan rik'in rija', richin chi nuk'ut na apo chuwech ri rachijil toq napon pa rachoch.

1 Sam 23:14

Y ri David xebek'oje' k'a chuwi' taq juyu' richin xbekewaj-ki' pa taq jul chiri' pa tz'iran ruwach'ulew richin Zif. Y ri Saúl kan ronojel k'a q'ij xerukanoj, jak'a ri Dios man xeruk'ut ta chuwech.

2 Rey 6:13

Y ri rey aj-Siria xubij: Kixbiyin y tikanoj akuchi k'o-wi richin chi yin ninteq ruchapik, xcha'. Y xya'ox k'a rutzijol chire, chi ri Eliseo k'o pa tinamit Dotán.

Wuj Richin Bix Chire ri Dios 56:7

Nu-Dios yin, tabana' utzil taya' rutojbalil-mak chike. Taqasaj k'a ruq'ij ri kitinamit rik'in ri awoyowal.

Wuj Richin Etamabel-Tzij 24:15

Rat ri xa at aj-mak, man kabek'oje-apo chunaqaj ri rachoch ri wineq choj, xaxe richin chi k'o etzelal ri nawajo' naben chire; kan man k'a kabeteleq'-pe ri chiri', roma ri jay ri' xa jun kuchubel richin rija'.

Wuj Richin ri Jeremías 11:19

Yin kan man jun k'a ninmey, achi'el jun ti karne'l ri yuqen-el richin nibekamisex y kan man wetaman ta k'a chi k'o itzel nikich'ob chuwij. Y nikibij chi yichoy-el achi'el jun che' ri jebel ruwech, richin yinkelesaj-el chuwech re ruwach'ulew, richin chi man jun chik xtinatan wichin.

Wuj Richin ri Jeremías 18:23

Jak'a rat Jehová, kan awetaman ronojel ri kich'obonik ri kibanon chuwij y chi kan nikajo' yinkikamisaj. Man k'a takuy ri itzel taq kibanobal, ni man tamestaj ri kimak. Kan tabana' k'a chike chi chawech rat xtikipajk'ij-wi ri kaqen y kan rik'in k'a ri awoyowal taya' ri rutojbalil pa kiwi', xicha'.

Dn 6:5

Man rik'in ri', re achi'a' re' kan jantape' k'a nikich'ob jebel rij ri achike nikiben chire. Y xkitz'et chi man yetikir ta nikisujuj roma ri rusamaj y roma ri' xkikanoj richin ta ri Daniel nuq'ej ruwi' ri rupixa' ri ru-Dios.