Wuj Richin Bix Chire ri Dios 37:31 - Kaqchiquel Bible

³¹ Ri rupixa' ri Dios kan jari' ri ruyakon pa ránima. Roma ri' kan man jun bey nijilijo'.

Wuj Richin Bix Chire ri Dios 37:31 ပူးပေါင်းရင်းမြစ်များ

Wuj Richin Bix Chire ri Dios 40:8

Yin kan niqa' chinuwech richin niben ri arayibel rat nu-Dios yin. Ri apixa' kan nuyakon k'a pa wánima.

Deut 6:6

Kan tiya' k'a pan iwánima ronojel ri ch'abel ri xinbij chiwe wakami;

Wuj Richin Bix Chire ri Dios 119:11

Kan nuyakon k'a pa wánima ri ach'abel, richin chi man yimakun ta chawech.

Wuj Richin Bix Chire ri Dios 37:23

Ja ri Dios nik'utu chuwech ri wineq ri choj bey, y nuyuqej chupan ri k'aslen ri niqa' chuwech rija'.

Wuj Richin ri Jeremías 31:33

Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri' y kan xtinben richin xtibek'oje' ri nupixa' pa taq kánima. Chupan ri q'ij ri' yin xkinok ki-Dios y rije' xke'ok nutinamit.

Wuj Richin ri Isaías 51:7

Kiniwak'axaj k'a rix winaqi' ri iwetaman ri ruchojmilal, tinamit ri kan k'o ri nupixa' pan iwánima. Man tixibij-iwi', y man kixk'ix chikiwech ri winaqi' ri yech'on itzel chiwij. Y man timayamo-qa ri iwánima chikiwech ri janila yixkiyoq'.

Hebreos 8:10

Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri': Kan xtinben richin xtibek'oje' ri nupixa' pa taq kánima. Yin xkinok ki-Dios y rije' xke'ok nutinamit.

Wuj Richin Etamabel-Tzij 4:4

Ri nata' kan kere' k'a ri ch'abel ri xerubij chuwe: Kan kek'ase' k'a jebel ri nuch'abel ri pan awánima, y kan tabana' k'a ri ninbij chawe, richin chi kan ki' ri k'aslen ri xtawil.

Wuj Richin Bix Chire ri Dios 121:3

Rija' kan man xtuya' ta k'a q'ij richin yajilijo', ni man niwer ta k'a ri nichajin awichin.

Wuj Richin Bix Chire ri Dios 119:98

Rik'in ri apixa', abanon chuwe chi kan más in aj-na'oj, chikiwech ri e etzelanel wichin, roma re pixa' re' kan jantape' k'o wik'in.

Wuj Richin Bix Chire ri Dios 44:18

Kan man qabanon ta richin yatqamalij kan, ni man qach'aron ta kan qi' chire ri bey ri xak'ut chiqawech.

Wuj Richin Bix Chire ri Dios 1:2

Pa ruk'exel ri' xa kan rik'in ri rupixa' ri Jehová nikikot-wi. Ri rupixa' ri Jehová jari' ri nuquqa-rij chi paq'ij chi chaq'a'.

Wuj Richin ri Achin Job 23:11

Ri nubinibal yin kan rutzeqeliben wi k'a naqaj ri rubinibal rija'; kan nuchajin k'a wi' jebel chupan ri rubey rija', y man nujech'en ta kan wi' chire ri rubey.

Wuj Richin Etamabel-Tzij 14:15

Ri wineq ri maneq runa'oj, kan nunimaj ronojel ri nrak'axaj, jak'a ri kan nowineq, nuch'ob na rij jebel ri achike nuben.

Wuj Richin Bix Chire ri Dios 17:5

Kan nutzeqeliben ri abey, roma ri' kan man yitzaq ta.

Wuj Richin Bix Chire ri Dios 73:2

Jak'a yin, kan jubama xitzaq; xa rik'in ta chik juba' xijilijo' ta,

Ez 27:6

Richin xkiben ri taq che' ri ninimo ri barco, xkik'en-pe ri jebelej paten-che', ri nipe pa Basán. Richin xkiben ri rupan, xkik'en-pe jebelej tz'alem k'isis, ri nipe pa ruwach'ulew Chipre. Y chukojol ri tz'alem ri', xekiyala' retz'aba'l ri e banon rik'in ri rey tix.

Wuj Richin Bix Chire ri Dios 40:9

Toq ninya' aq'ij, ninq'alajirisaj k'a chikiwech konojel winaqi' chi rat yinakol. Rat awetaman Jehová chi yin man xinq'et ta wi' richin xinq'alajirisaj re'.