Wuj Richin Bix Chire ri Dios 37:30 - Kaqchiquel Bible

³⁰ Ri choj ruk'aslen kan nich'on rik'in na'oj. Kan nich'on k'a rik'in ruchojmilal.

Wuj Richin Bix Chire ri Dios 37:30 ပူးပေါင်းရင်းမြစ်များ

Colosenses 4:6

Kan ta ronojel ri nibij k'o ta utzil nuk'en-pe. Kan ta achi'el toq k'o atz'an rik'in ri iq'utun, keri' ta ri ich'abel richin chi kan xaxe ta k'a ri ruk'amon ri nibij chike konojel ri k'o nikik'utuj chiwe.

Efesios 4:29

Man tibila' itzel taq tzij. Xaxe k'a ri utz y ri nik'atzin tibij, richin keri' re ch'abel re' nukuquba' kik'u'x ri ek'o pa bis, y k'o utzil nuk'en-pe chike.

Wuj Richin Etamabel-Tzij 15:7

Ri ruchi' ri wineq ri kan k'o runa'oj, kan nutaluj k'a rubixik ri na'oj; jak'a ri winaqi' e itzel, ri nikitaluj rubixik, xa ja ri man choj ta.

San Mateo 12:35

Jun utzilej wineq kan chukojol k'a ri utzilej beyomel ri k'o pa ránima yerelesaj-pe ri yerubij. Jak'a ri wineq ri man utz ta, kan chukojol k'a ri itzel ri k'o pa ránima yerelesaj-pe ri yerubij.

Wuj Richin Etamabel-Tzij 10:21

Ri ruch'abel ri wineq ri choj ruk'aslen, kan k'o utz nuk'en-pe chike ri winaqi'; jak'a ri wineq ri xa maneq ok runa'oj, ni rija' man nitikir ta nuto-ri' y pa kamik napon-wi.

Wuj Richin Etamabel-Tzij 10:31

Ri ruch'abel ri wineq, ri choj ruk'aslen, kan ruyon k'a na'oj ri nuq'alajirisaj, jak'a ri kich'abel ri e banoy etzelal, xa xtiq'at.

Wuj Richin Bix Chire ri Dios 71:15

Yin kan chijun q'ij k'a xtintzijoj ri ruchojmilal ri naben rat. Xtintzijoj k'a ri rubanik richin xojakol, stape' man yitikir ta ninbij ronojel, roma man e ajlatel ta.

Wuj Richin Etamabel-Tzij 27:9

Ri jubulej taq aq'om, ri jalajoj kibanik, kan nuben chawe chi nik'ases ri awánima; keri' ri awachibil ri kan ki' taq ch'abel ri nuya' chawe, kan nuya' awuchuq'a' chupan ri ak'aslen.

Wuj Richin Bix Chire ri Dios 71:24

Yin kan chijun q'ij xaxe k'a ri ruchojmilal ri naben rat, ri xtinbij. Roma ri xkajo' chi xinkiya' ta pa k'ayew xa xek'ixbitej y xsach kik'u'x.

Wuj Richin Etamabel-Tzij 10:20

Ri rejqalen ri ruch'abel ri wineq ri kan choj ruk'aslen, kan achi'el rejqalen ri ch'ajch'ojilej saqipueq; jak'a ri ch'abel ri yepe pa ránima ri wineq ri itzel rubanobal, xa kan maneq ok rejqalen.