Wuj Richin Bix Chire ri Dios 37:25 - Kaqchiquel Bible

²⁵ Yin wakami xirijix yan, y chupan chijun ri nuk'aslen, man jun bey nutz'eton chi ri wineq choj ruk'aslen malin ta kan roma ri Dios, ni man jun bey nutz'eton chi ri ralk'ual, ye'ok ta molonel.

Wuj Richin Bix Chire ri Dios 37:25 ပူးပေါင်းရင်းမြစ်များ

Hebreos 13:5

Man tibe iwánima chirij ri méro, xa kan kixkikot rik'in ri k'o iwik'in. Roma ri Dios rubin: Kan beneq-ruwech ink'o iwik'in y man jun bey xkixinmalij kan, nicha'.

Wuj Richin Bix Chire ri Dios 37:28

Roma ri Jehová kan niqa' chuwech ri ruchojmilal ri k'aslen. Y roma ri' man yerumalij ta kan, wi rije' man nikimalij ta kan rija'. Kan jantape' k'a ruya'on ri ruq'a' pa kiwi', jak'a ri kijatzul ri e banoy etzelal kan xkeruk'is k'a.

Wuj Richin Bix Chire ri Dios 112:2

Ri rijatzul kan xtik'oje' k'a kiq'ij chuwech re ruwach'ulew. Ri kijatzul ri choj kik'aslen, kan xtikik'ul k'a urtisanik.

Wuj Richin Bix Chire ri Dios 25:13

Y rije' kan xkebe k'a pa jotol rik'in ronojel. Y ri kijatzul xtikichinaj kan ri ruwach'ulew.

1 Sam 12:22

Ri Jehová kan man xtumalij ta kan ri rutinamit, roma ri nimalej rubi'; roma kan xrajo' richin xojok rutinamit rija'.

2 Corintios 4:9

Xabakuchi k'a yojapon-wi, ri winaqi' man utz ta yojkitz'et, jak'a man jun bey qayon ta ojk'o. kan oj qajineq chuqa' pa kiq'a', jak'a man e tikirineq ta oj kikamisan.

Wuj Richin Bix Chire ri Dios 94:14

Rat Jehová kan man xqojamalij ta k'a kan roj ri oj atinamit. Kan man xqojamalaba' ta kan roj ri xojacha' richin xojok awichin.

Wuj Richin Bix Chire ri Dios 71:18

Stape' chupan re nurijixinen y kere' seq chik nujolon, tabana' utzil nu-Dios, man kinamalij kan. Roma kan k'a k'o chi nintzijoj ri awuchuq'a' rat, chike ri k'a e ak'uala' na y ri man jani ke'alex.

Wuj Richin ri Josúe 1:5

Man jun k'a xtitikir chawij chupan ronojel q'ij chire ri ak'aslen, achi'el xik'oje' rik'in ri Moisés, kan keri' chuqa' xkik'oje' awik'in rat, man xkatinya' ta kan y man xkatinmalij ta kan.

Wuj Richin ri Rutikeribel 17:7

Ri jikibel-tzij ri xinben awik'in, chuqa' keri' xtinbenbana' kik'in konojel ri awijatzul, chi wiq chi tanaj ri xkepe chiqawech-apo richin q'asen, chi ja yin xkinok a-Dios y xkinok ki-Dios rije'.

Wuj Richin Etamabel-Tzij 13:22

Ri wineq ri kan utz, kan k'o k'a ri nuya' kan richin nikichinaj kan ri e riy-rumam; jak'a ri beyomel ri nuya' kan ri wineq aj-mak, kan niyake' kan, richin chi ja ri choj kik'aslen ri ye'ichinan.

Wuj Richin Bix Chire ri Dios 71:9

Man kinawixowaj chupan ri nurijixinen; Man kinamalij re maneq chik wuchuq'a'.

Hechos 21:16

Kan ek'o qach'alal aj-Cesarea ri xeqachibilaj-el. Y chirachoch ri Mnasón xojbek'oje-wi. Rija' jun qach'alal aj-Chipre, ri ojer yan chik ri runiman-pe ri ajaw Jesús.

Wuj Richin ri Achin Job 15:23

Rija' xaxe chik royoben chi ri ruch'akul nok kiway ri k'ucha'; y rija' kan retaman chi ri q'ij ri' kan xtapon-wi.

Wuj Richin ri Isaías 13:16

Kan chikiwech k'a rije' xkepotz'ix pan ulew ri taq kalk'ual. Ronojel ri rupan kachoch kan xtelesex-el chike, y ri kixjayilal kan xtiqasex k'a kiq'ij, roma xkek'oje' achi'a' kik'in stape' rije' man xtikajo' ta.

Wuj Richin Bix Chire ri Dios 59:15

Kebiyajlan k'a chukanoxik ri k'o chi nikitej, y wi man jun nikil richin yech'uch'u' ta juba', kan tikiq'axaj k'a ri aq'a' rik'in jiloj.

Wuj Richin Bix Chire ri Dios 109:10

Ri ralk'ual xaxe ta k'a xkebiyajilan chuk'utuxik ri nik'atzin chike. Stape' yek'oje' pa jun jay wuluwik, kan xke'elesex ta k'a el chiri'.

Wuj Richin ri Achin Job 4:7

Wakami kan tach'obo' k'a jebel; ¿Banatajineq kami chi jun wineq ri man jun rumak nikamisex ta roma ri'? Ó ¿Banatajineq ta kami chi ri choj kik'aslen nelesex ta el kik'aslen?