Wuj Richin Bix Chire ri Dios 37:16 - Kaqchiquel Bible

¹⁶ Más utz ri ti juba' ok k'o rik'in ri choj ruk'aslen, ke chuwech ri janila chi beyomel k'o rik'in y xa aj-mak.

Wuj Richin Bix Chire ri Dios 37:16 ပူးပေါင်းရင်းမြစ်များ

Wuj Richin Etamabel-Tzij 16:8

Más utz xa juba' ok ri nik'oje' pa ruq'a' ri wineq y rik'in ruchojmilal ruch'akon-wi; y mani beneq pa jotol rik'in ronojel ri nuch'ek, y xa nutz'oq chuwi-kiq'a' ri winaqi'.

1 Timoteo 6:6

Y qitzij wi, chi ri ak'uan jun k'aslen utz chuwech ri Dios, kan beyomel: Xaxe wi k'o kikoten pan awánima rik'in ri janipe' k'o awik'in.

Wuj Richin Etamabel-Tzij 13:25

Ri wineq ri choj ruk'aslen kan niwa' richin chi nik'o-el ri ruwayjal; jak'a ri wineq itzel, niwa' y xa man nitz'aqet ta ri ruwa'in.

Wuj Richin Etamabel-Tzij 3:33

Ri Jehová kan ruyon k'a ri man utz ta ri nuteq pa ruwi' ri rachoch ri aj-mak, jak'a pa ruwi' ri rachoch ri wineq ri choj ruk'aslen kan ruyon k'a urtisanik ri nuteq-pe.

San Mateo 6:11

Tabana' utzil taya' chuqa' ri qaway ri nik'atzin chiqe ronojel q'ij.

Wuj Richin ri Molojri'il 4:6

Jak'a yin ninbij: Más jebel ri juba' ok k'o awik'in y kan yatuxlan ke chuwech janila k'iy k'o awik'in y xa yaq'itej chukanoxik ch'aqa' chik ri nawajo'.

Wuj Richin ri Molojri'il 2:26

Roma ri Dios k'o nuya' chire ri wineq ri niqa' chuwech rija': Nuya' na'oj, ronojel ruwech etamabel y kikoten, jak'a chire ri wineq aj-mak nuya' q'ij chi janila k'iy numol richin chi nuya' kan chire ri qajineq chuwech ri Dios; chuqa' re' xa kan q'axel y xa man yatikir ta nawil ronojel.

Wuj Richin Etamabel-Tzij 30:9

Roma wi xa naya' nubeyomel, rik'in juba' yatinjech'ej kan y ninbenbij-pe chi man yak'atzin ta chuwe, o wi yinaya' pa meba'il, yibeneleq'-pe, roma k'iy ri nibek'atzin-pe chuwe; y ninya' ak'ix.