Wuj Richin Bix Chire ri Dios 37:1 - Kaqchiquel Bible

¹ Man tipe awoyowal koma ri aj-maki', ni man tich'upu-ak'u'x chikij roma ri mak ri nikiben.

Wuj Richin Bix Chire ri Dios 37:1 ပူးပေါင်းရင်းမြစ်များ

Wuj Richin Bix Chire ri Dios 37:7

Man tipe awoyowal toq ri banoy etzelal nibe pa jotol, y toq utz nel chuwech ronojel ri nuch'ob, Xa kan katuxlan rik'in ri Jehová, y tawoyobej pa ruq'a' rija' ronojel.

Wuj Richin Etamabel-Tzij 23:17

Man jun bey tarayij naben ri rubanobal jun wineq aj-mak, rat xa tarayij naben ronojel q'ij, ri nikiben ri winaqi' ri k'o rukiy ri Dios chikiwech.

Wuj Richin Etamabel-Tzij 24:19

Rat, kan man kaq'aq'er roma awoyowal, roma ri yekibanala' chawe ri winaqi' ri kan e itzel, ni man tarayij chuqa' chi kan junan ta yak'oje' kik'in.

Wuj Richin Etamabel-Tzij 3:31

Man tipe rayibel iwik'in chi yixok ta achi'el jun wineq banoy oyowal, ni man tirayij nitzeqelibej ri rubey ri wineq ri'.

Wuj Richin Etamabel-Tzij 24:1

Man tichupun ak'u'x chirij ri kibanobal ri winaqi' ri kijachon-ki' chubanik ri etzelal; ni man tarayij chuqa' chi kan junan yak'oje' kik'in.

Wuj Richin Bix Chire ri Dios 73:3

roma yin kan xch'upun nuk'u'x chikij ri nima'q nikina-ki', itzel xinna' toq xintz'et chi e beneq pa jotol ri maneq Dios chikiwech.

Gálatas 5:21

nich'upu kik'u'x, yeq'aber, xaxe wa'in nikich'ob y yekibanala' chuqa' ch'aqa' chik kiwech etzelal. Y kan nubin chik k'a chiwe jun bey, y ninkamuluj rubixik chiwe, chi ri winaqi' ri', man xke'ichinan ta kik'in ri ek'o pa rajawaren ri Dios.

Wuj Richin Etamabel-Tzij 19:3

Ri ch'obonik richin ri achin nakanik, kan nuyoj k'a rubanik ri rubey; y k'ari' chirij ri Jehová nrelesaj-wi ri royowal ri k'o pa ránima.

Wuj Richin ri Achin Job 17:8

Y toq ri winaqi' choj kik'aslen xtikitz'et ri ruk'ayewal ri ninq'axaj, kan achike na xtikitz'et, y xtipe koyowal y xkeyakatej-pe chuwij richin nikibij chi yin maneq Dios chinuwech.

Wuj Richin ri Molojri'il 8:13

Ri aj-maki', ri maneq Dios chikiwech xa maneq ruki'il ri kik'aslen y xa man niyaloj ta. Xa kan achi'el ok jun muj ri xa niq'ax chi'anin.