Wuj Richin Bix Chire ri Dios 34:4 - Kaqchiquel Bible

⁴ Yin xinkanoj k'a ri Jehová, y rija' kan xirak'axaj. Xirukol k'a chuwech ronojel ri nuxibinri'il.

Wuj Richin Bix Chire ri Dios 34:4 ပူးပေါင်းရင်းမြစ်များ

Wuj Richin Bix Chire ri Dios 18:6

Chupan k'a ri nimalej bis ri' xich'on rik'in ri Jehová, xink'utuj utzil chire richin yiruto'. Rija' kan xirak'axaj-pe k'a ri akuchi-k'o-wi, ri nuch'owen rik'in, xapon k'a chuwech rija' y kan xrak'axaj.

San Mateo 7:7

Tik'utuj k'a ri nik'atzin chiwe, y ri Dios kan xtuya' k'a pe. Tikanoj, y xtiwil ri niwajo'. Kixoyon, y kan xkixak'axex k'a pe.

Wuj Richin Bix Chire ri Dios 56:3

Ri q'ij toq ri xibinri'il noqaqa pa nuwi', ninkuquba' nuk'u'x awik'in.

2 Timoteo 1:7

Roma ri Dios rubanon chiqe chi man niqaxibij ta qi', kan ruya'on uchuq'a' chiqe, rubanon chiqe chi yojajowan y chi yojtikir niqaq'et-qi' chubanik ri etzelal.

Wuj Richin ri Jonás 2:2

Y kere' k'a xubij: Chupan ri nuq'axo'n xich'on awik'in rat, Jehová, y kan xinawak'axaj k'a. Toq xik'oje' chuwi' kamik xich'on awik'in, y kan xawak'axaj ri nuch'abel.

Wuj Richin ri Isaías 12:2

Kan qitzij Dios, ja rat ri qakolonel. Roj kan xtiqakuquba' qak'u'x awik'in y man xtiqaxibij ta qi', roma kan ja rat ri yaya'on ri quchuq'a', y naya' jun bix chiqe. Chuqa' naya' qakolotajik.

Wuj Richin Bix Chire ri Dios 31:22

Toq yin xik'oje' pa latz', xinch'ob chi kan xinamestaj kan. Jak'a toq xink'utuj to'onik chawe, kan xinawak'axaj k'a chi'anin.

Hebreos 5:7

Toq ri Cristo k'a k'o na wawe' chuwech re ruwach'ulew y xapon chuwech ri tijoj-poqonal, xch'on rik'in ri Dios rik'in ronojel ruchuq'a', xoq' y xuk'utuj chire chi tuto', roma retaman chi ri Dios kan nitikir-wi nuto' chuwech ri kamik. Y ri Dios kan xrak'axaj-wi ri Cristo, roma rija' kan ruya'on-wi ruq'ij ri Dios.

San Lucas 11:9

Yin ninbij k'a chiwe rix, chi tik'utuj ri nik'atzin chiwe y ri Dios xtuya-pe. Tikanoj y xtiwil ri niwajo'. Tik'osk'a' ri ruchi-jay y yixak'axex-pe.

Wuj Richin Bix Chire ri Dios 22:24

Roma rija' kan man nupoqonaj ta k'a richin nuto' ri jun ri k'o pa q'axo'n. Kan man nrewaj ta k'a ri' chuwech ri k'o pa tijoj-poqonal. Y xa kan nrak'axaj k'a toq nuk'utuj to'onik.

Wuj Richin Bix Chire ri Dios 46:2

Roma ri', man xtiqaxibij ta qi', stape' nipe jun silonel, stape' wi ta ri nima'q taq juyu' yetzaq ta pa ruk'u'x ri palou.

2 Crón 15:2

y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.

1 Sam 27:1

Ri David xubij-qa pa ránima: K'o na jun q'ij xkiberukamisaj ri Saúl. Wakami k'a, más utz yinanimej-el chi'anin y yibe pa kiruwach'ulew ri aj-Filistea, richin chi man yiruch'ob ta chik, y man chaq yirukanoj ta chupan re ruwach'ulew Israel. Keri' xtinkol-el-wi' pa ruq'a', xcha-qa.

Wuj Richin Bix Chire ri Dios 35:27

Jak'a ri nikajo' chi yin yich'akon ta, kan kebixan y kekikot; tikibij chi rat Jehová ruk'amon ninimirisex aq'ij, roma nawajo' chi ri asamajela' nik'oje' uxlanen kik'in.

Wuj Richin Bix Chire ri Dios 40:17

Jak'a yin k'a ink'o na pa q'axo'n, y kan k'a k'o na ri nik'atzin chuwe. Ninwoyobej chi rat nawak'axaj ri nuch'owen. Ja rat at nuto'onel y nukolonel, nu-Dios yin. Y roma ri' kinato' chi'anin.